爾冬陞指會喺5月6日下午3時，透過3個唔同社交媒體直播公布賽果。
「第39屆香港電影金像獎」因新冠肺炎疫情嚴重打亂陣腳，早前已宣布取消實體頒獎禮。「金像獎協會主席」爾冬陞（小寶）透過電話接受傳媒圍訪，公布將於5月6日下午3時透過3個不同社交媒體，直播公布賽果，整個活動預算約20分鐘，由小寶代表金像獎董事局負責主持。
至於一眾得獎人未能於頒獎禮上接受同業掌聲，小寶坦言遺憾，不過承諾將於明年「第40屆金像獎」舉行前，「補回」頒獎禮彌補缺陷，但詳情要待疫情過後才可落實。而香港電影金像獎舉行至今，從未試過「缺勤」，對於缺辦一屆，業界雖表失落，但亦明白要配合社會問題作出變通。
小寶透露單是下月6日的直播也產生不少問題，雖然曾考慮候選人於營幕前露面，但基於人數涉及112位，再加上分布台灣、內地等，需動用大量人力，故決定只從簡宣布賽果。問到如何把獎項交到得獎人手上？小寶說：「個獎點頒要等疫情過咗，如果有內地同台灣嘅演員，都要等取消隔離令先可以，到時先想辦法。（再舉行頒獎禮補償？）要睇疫情同交通，依家無法估計，其實已經有幾個時段諗好，一係就40屆金像獎記招嗰時，亦有可能係40屆金獎像前一個星期六舉行另一個儀式，但都未決定到。（底線？）當然希望喺40屆前頒，我都好理解今年得獎人希望得到獎聲攞唔到，會盡量喺明年頒獎禮補償。」
問到會否等下屆一起頒回今屆獎座？小寶則不認同，表示需要劃分清楚。至於會否先把獎座交到得獎人手上，他笑說：「都會彈性處理，如果佢哋想攞嚟影相就寄畀佢。（場刊唔會停？）會延遲，希望公布結果後，做埋得獎人訪問放入去，作為紀念。（冇咗主持？）我將代表董事局去宣布賽果，另方面亦會維持會計師嘅票，會到公布一刻先打開。」談到今年沒有實體頒獎禮損失，小寶指已獲政府撥900萬，但現時支持仍是有限錢，為免浪費公帑，準備把用剩的款項交還。
來源 source: http://hk.on.cc
|
鍾意就快D Share啦！
|
|
|
