掃呢頁CODE去手機

2020年4月27日 星期一

【旁人質疑點錫得落】56歲袁富華「出櫃」手到拿來:點解唔得? #袁富華

【旁人質疑點錫得落】56歲袁富華「出櫃」手到拿來:點解唔得?2020-04-25兩年前,電影《翠絲》中的「打鈴哥」,令人對56歲的袁富華「眼前一亮」, ...




  • 【旁人質疑點錫得落】56歲袁富華「出櫃」手到拿來:點解唔得?
  • 2020-04-25




兩年前,電影《翠絲》中的「打鈴哥」,令人對56歲的袁富華「眼前一亮」,「打鈴哥」雖是男兒身,卻擁有女兒心,「打鈴哥」的一顰一笑,將嫵媚形態演繹得淋漓盡致,更為袁富華贏得金像獎最佳男配角及金馬獎最佳男配角。

兩年後,袁富華再度「下海」,演繹《叔‧叔》中的阿海一角:一個三代同堂的退休阿叔,暗地裡卻是同志身分,背著家人,與阿柏(太保飾)發展一段黃昏同志戀。

「打鈴哥」與「阿海」,兩者看似相近,袁富華指兩者其實南轅北轍。「打鈴哥係跨性別人士,佢唔知道自己係跨性別,只係覺得自己有啲唔同,佢做花旦,有個平台去釋放。但阿海知道自己係同志,卻被生活綑綁,兩個角色嘅經歷完全唔同。」

不是賣弄色情,而是反映社會問題。

「《叔‧叔》係一套「有嘢想講」的電影,例如爭取同志安老院,佢哋每個人年輕時都對社會有貢獻,要有佢哋嘅尊嚴。」電影中,除提及「同志安老院」,一幕袁富華為江圖抹口水的戲份,亦道出同志圈中,在日常生活上的互相扶持,甚至面對外界對他們的歧視目光。

袁富華除參考電影原著小說《男男正傳》,與書中人物接觸,了解他們想法外,也以身邊的同志朋友作為參考,令「阿海」更有血有肉,「諗返跟同志朋友相處的片段,例如佢哋喜歡甚麼,不喜歡甚麼。曾經有位同志朋友,因為另一半病重,但對方家人唔知佢係同志,所以同志朋友想去探病都唔得,內心充滿無力感。」 情到濃時,親熱是自然的事。

跟袁富華談《叔‧叔》,話題肯定離不開戲中多場大膽「肉搏」戲份,以及與太保的「咀嘴」戲,相比「打鈴哥」,更激更到肉,袁富華如何衝破心理關口?「其實無咩心理關口,尷尬唔係因為『肉搏』場面,而係擔心點樣配合導演講故事嘅手法,套戲唔係以男男性愛做賣點,而係愛情及靈性上嘅交流,點到即止,好多人問我:『嘩,太保喎,點錫得落』,我話點解唔得?當一對情侶有溝通有交流,好自然就會有撫摸親熱動作。」

二人世界,更能觸動袁富華。

「我最鍾意嗰場戲,係二人獨處在家煮飯,因為係我哋兩個嘅世界,由街市買餸、煮飯,到飯後『纏綿』,一切都好真實、好自然」,袁富華更指街市戲份中,所有檔主都是真實檔主,並非臨時演員,難怪表情自然。

除了太保,袁富華在《叔‧叔》中互動最多的演員,是飾演他兒子阿永的盧鎮業(小野),他對這位新一代演員評價不俗,「佢將生活同演戲平衡得好好,如果做得太生活化會覺得悶,而且佢會留意其他對手。」

作為兒子的小野,視袁富華為家人,亦非首次與袁富華合作。

「幾年前同Ben哥(袁富華)合作拍微電影,當時都係做佢個仔,今次再合作,我已經『成家立室』,佢就步入晚年。拍嘅時候都冇乜點傾,好多場景都係屋企環境拍攝,所以直頭當佢係屋企人」小野說。

說來湊巧,兩年前小野為港台執導一齣關於歧視的單元劇,曾拜訪不同的團體,包括老年同志,「當時跟其中一個團體做資料搜集,提及同志安老院,原來正正係《男男正傳》中的當事人,當我知道《叔‧叔》係改編呢本書嘅時候,更覺得呢部戲好重要。」

圍讀劇本時,小野感覺身處武林大會。

「袁富華、太保、嘉雯姐圍住我坐,感覺佢哋只係使出兩、三成功力讀對白,已經有種戲味,有啲場口雖然無我份,但係都好想知道拍嘅時候係點」。導演出身,又做演員的小野,認為演員與導演的身份,各有感受,「做導演好辛苦,經常沉溺喺自己嘅世界,好多時都想放棄,不過滿足感卻大好多,而做演員就喜悅感較大。」

「做創作,是永遠的孤獨」--- 小野。 ----------------------------

APP 內 1-Click 訂閱

按此了解更多

-----------------------------

【昔日紙本檔案庫】

30年壹仔經典 壹壹重現!


鍾意就快D Share啦!