楊卓娜透露B女似爸爸！
楊怡、羅仲謙心肝寶貝女兒終於出世，楊怡家姐楊卓娜榮升姨媽當然相當Happy，她還笑言外甥女激似羅仲謙，眼仔睩睩一定超級可愛！楊媽媽正悉心照顧女兒坐月，一切都相當順利。楊卓娜透露會封大利是給妹妹，亦會打金器送給外甥女。至於會否買了很多靚衫畀楊怡囡囡？她笑言：「謙謙家姐送咗好多靚衫仔畀阿怡，等BB大啲唔夠我先再送。」
與楊怡在無綫劇集合作無間的馬國明受訪表示：「未睇到BB女嘅相，但無論係似Daddy定媽咪都一定係靚女。我同阿怡以前一齊拍戲有一個group，我都已經恭喜咗佢，最緊要係母女平安，送咩禮物等大家再研究。」
身為契哥馬浚偉亦十分高興，他謂：「好開心，做舅父，之前（鍾）嘉欣生咗兩個，依家阿怡生咗，非常戥佢高興，希望佢一家平安，小朋友健健康康！」馬浚偉指因為疫情關係，現階段絕對不會去探楊怡及BB：「一定唔會去探住，亦奉勸大家唔好去探住，送上遙遠的祝福先，等疫情過後再約食飯。」
來源 source: http://hk.on.cc
|
鍾意就快D Share啦！
|
|
|
