愷樂終於跪低。
周揚青劏「豬」行動不斷升級，對舊愛羅志祥咬住唔放，直指小豬同旗下藝人有不正當關係，而小豬旗下女藝人只得一個就係「蝴蝶姐姐」愷樂，網民都話呢位「小三」女藝人都非愷樂莫屬，周揚青仲點名叫愷樂驗性病，真係滿地花生！事件爆出之後一直潛水嘅愷樂終於喺社交發文道歉！
畀網民鬧爆嘅愷樂喺IG貼出全黑相片向周揚青正式道歉：「在這裏我要誠心向周揚青小姐說聲對不起，還有所有愛我的人說聲說不起～」愷樂更Hashtag埋周揚青，間接承認同小豬有不正當關係嘅指控！
唔少網民喺愷樂呢個Post都留言，話佢最後用一個波浪形嘅符號好有問題，指佢出晒事都仲喺度扮可愛，呢種道歉不如唔好出，更有人直話：「一句對不起也挽回不了人家九年的青春」、「當你面對周小姐的時候，你心都不虛嗎？」、「可以正大光明跟豬在一起啊，恭喜你」，普遍網民都係唔接受愷樂嘅道歉喎，睇嚟「蝴蝶姐姐」咁多年嚟嘅清純形象徹底毀滅，想喺娛樂圈繼續工作的話都好有難度。
來源 source: http://hk.on.cc
|
鍾意就快D Share啦！
|
|
|
