掃呢頁CODE去手機

2020年4月21日 星期二

娛美人:原來係機迷!何依婷唔吼靚仔 最愛搞笑男 #何依婷

26歲的何依婷獲無綫力捧,於處女劇《機場特警》扮演「絕世港女」,並與男主角楊明發展感情線,令她大感新鮮。選美出身的她外表亮麗,原來是「機迷」一名:「比 ...






26歲的何依婷獲無綫力捧,於處女劇《機場特警》扮演「絕世港女」,並與男主角楊明發展感情線,令她大感新鮮。選美出身的她外表亮麗,原來是「機迷」一名:「比較鍾意打角色扮演,同升級攞武器嘅game,最瘋狂係求學時期每日放學返屋企就開始打,食飯時間捧埋飯餸喺電腦前繼續,打到好夜。」


她記得12歲時行徑瘋狂,為了打機試過問同住的爺爺可否「唔沖涼」,遭嚴厲責備:「你係女仔嚟,唔得咁!」不過她知道底線:「知道幾時要收手,高三時想升大學,所以冇再咁沉迷。依家有打返,有次上節目講打機,雖然已經將私人戶口打咗格,但竟然有粉絲搵到我,仲留言『何依婷,我愛你!』」


自稱「冇拖拍」的她認為,若與未來男友有共同嗜好,彼此感情會更牢固。至於擇偶條件,她笑說:「唔使靚仔,但一定要有嘢吸引到我,例如佢捉棋好叻都係優點。為人孝順同有幽默感,我會比較欣賞。」


刻下條件不錯的女士,相信有不少異性主動「當兵」,但依婷卻不喜歡這種「潮流」:「收兵即係要畀啲Signal人哋,我從來唔會咁,有嘢寧願自己做好過攞着數。感情事我會謹慎處理,觀察對方好耐,例如發現佢對其他人冇風度,我都覺得要即時斬纜!」感情事隨緣,但依婷對事業發展野心勃勃:「以《學是學非》兩位師姐為榜樣,司儀工作想做到好似麥美恩咁,拍劇就以李佳芯為目標。」


Profile
姓名:何依婷
出生日期:1994年2月23日
三圍:32、22、34
興趣:網絡遊戲



來源 source: http://hk.on.cc
鍾意就快D Share啦!