掃呢頁CODE去手機

2020年4月29日 星期三

【記者會交行貨】朱智賢拒向黎太道歉 拖謝東閔現身:對唔住錫我嘅人 #朱智賢 #謝東閔

「大台姣精」朱智賢背着男友謝東閔偷食人夫黎振燁,《蘋果》前日踢爆偷食男女在車廂食蛋糕後,朱智賢被《蘋果》問到是否和謝東閔分手時,她黑面發晦氣連續3次不 ...






「大台姣精」朱智賢背着男友謝東閔偷食人夫黎振燁,《蘋果》前日踢爆偷食男女在車廂食蛋糕後,朱智賢被《蘋果》問到是否和謝東閔分手時,她黑面發晦氣連續3次不認男友,直指男方只是「好朋友」關係。

朱智賢受盡千夫所指,今日下午4時半,她和「好友」謝東閔出來為偷食事件作交代,只見穿上全身黑衫黑褲連黑口罩的謝東閔,扶着朱智賢現身。二人坐下先由男方發言,他說:「歡迎大家傳媒朋友,我今日決定企出嚟陪佢開呢個記者會,因為我好擔心佢承唔承受呢種壓力,佢已經將成件事嘅來龍去脈話咗畀我聽,我亦都知道晒所有嘢,喺現階段……我會陪你走過呢一關,陪你走過呢一關,可能其實佢一時之間,有啲迷失,不過我都覺得自己有少少責任,可能我成日掛住工作,疏忽咗佢……我想講嘅其實佢係一個好勤力嘅演員,我希望大家可以畀個機會佢自己反思吓,嚟緊將來繼續畀心機工作。Thank You!」說話期間一度哽咽。

至於朱智賢隔了數秒後,邊捽男方手指邊開腔說:「首先我要講嘅係(停頓約10秒),我要講嘅係對唔住,(又停過)我令大家失望對唔住,我知自己做錯,我對唔住錫我嘅人,我對唔住畀機會我嘅人,我辜負咗你哋,我辜負咗公司,喺呢度我想同喺呢件事受傷害嘅人講聲對唔住,真心對唔住。」然後男方幫口講多聲「Thank you.」後便雙雙離開。綜觀今次朱智賢開道歉記者會,全長5分鐘唔夠,離奇是朱智賢道歉的說話內容和字數,比起「好友」謝東旻還要少,停頓位加加埋埋卻有成1分鐘,對於記者追問有冇向黎太道歉等問題,她一概沒回應,予人有點交「行貨」之感。

由於黎朱偷食事件引來熱話,記者會直播期間引來不少人剝花生捧場,其中連藝人陳煒、鄭世豪和黎芷珊亦有收看直播。

-----------------------------

App內1-Click訂閱《蘋果動新聞》

按此了解更多



朱智賢今日與「好朋友」謝東閔一起出席記者會。


穿上全身黑衫黑褲連黑口罩的謝東閔,陪同朱智賢現身。


謝東閔一度講到哽咽。


朱智賢則喊唔出。


記者會完結後,謝東閔搭着朱智賢離開。





鍾意就快D Share啦!