掃呢頁CODE去手機

2020年4月26日 星期日

羅志祥:【偷食男女】小豬愷樂傳被飛出《娛樂百分百》 #小豬 #羅志祥

冇得做?大陸網紅周揚青同羅志祥(小豬)分手後,力數對方男女關係混亂,牽涉其中嘅「蝴蝶姐姐」愷樂事隔幾天後終於發聲,凌晨喺社交網同周揚青講「對不起」。爆 ...




冇得做?


大陸網紅周揚青同羅志祥(小豬)分手後,力數對方男女關係混亂,牽涉其中嘅「蝴蝶姐姐」愷樂事隔幾天後終於發聲,凌晨喺社交網同周揚青講「對不起」。爆出醜聞後,除咗惹來大量網民負評、人氣受損,工作都好大機會受到影響!


唔少網民去到佢同小豬合作主持多年嘅《娛樂百分百》facebook留言要求撤換兩人,仲話搵舊主持黃鴻升(小鬼)返嚟「把小鬼換回來,不然拒看」、「兩隻噁心鬼請換掉」、「原來娛百是偷情的地方🤔」。而有指愷樂原定星期二為《娛》錄影,現時已經改為另外三人主持,加上較早前嘅錄影存貨可以播到5月尾。如果愷樂同小豬都要停工1個月嘅話,以一星期五天主持酬勞計算,小豬損失120萬新台幣(約30.9萬港元),愷樂則少40萬新台幣(約10.3萬港元)。


對於兩人去留,電視台回應指:「節目錄影、排播正常,下周主持人黃偉晉、邱鋒澤及陳零九進棚錄影,日前因疫情考量已錄了很多存檔,5月下旬是否開棚,尚未確定!」並強調下星期錄影一開始就冇愷樂份。至於之後嘅主持陣容有否改動?電視台僅表示:「製作單位目前僅做下周錄影部分回覆。」



來源 source: http://hk.on.cc
鍾意就快D Share啦!