掃呢頁CODE去手機

2020年4月7日 星期二

沈殷怡(Shirley):惡評變動力 Double S想做全球性山系索女 #Shirley #沈殷怡

DoubleS對呢個行山節目好有信心!索女組合「DoubleS」沈殷怡、陳欣妍,為ViuTV拍攝行山節目《美女郊遊遊》,講到愚人節播出震撼三點式行山整 ...




Double S對呢個行山節目好有信心!


索女組合「Double S」沈殷怡、陳欣妍,為ViuTV拍攝行山節目《美女郊遊遊》,講到愚人節播出震撼三點式行山整蠱片,一夜爆紅,同時卻惡評如潮,沈殷怡非常開看:「糖就派晒之後大家睇到嘅係全副專業嘅行山裝備,相信觀眾會有180度轉變,全部都有血有淚,仲畀蚊咬到隻腳爛,惡評係我哋進步嘅動力。」


陳欣妍自爆自以為「最Hurt」一次,結果卻是一面好評:「導演先畀咗3吋長嘅鼻涕我睇,好驚、好擔心,點知大家讚我條鼻涕晶瑩剔透,男友(沈震軒)都話可愛。(佢睇完條三點式片,叫你咁着陪佢行山?)嘩!唔使㗎哈哈!但佢不嬲好支持我工作,知我尺度係健康性感。」又謂若決策上有難題都會問男友意見:「佢講咗句好好嘅說話『Follow your heart』,跟住熱情去做。」


兩女笑言節目令其脫胎換骨,特別是零運動細胞、見光即死的沈殷怡:「第一日就要行12個鐘,真係好崩潰、想死,行到最尾好似行刑咁,但依家行山成為興趣。」而畏高、怕昆蟲的陳欣妍就指10秒飛索最難忘,更耍手擰頭話唔肯再玩。節見原定出埠拍攝,但因疫情留守香港,若「添食」,兩女均想出埠行山,勢做全球性山系索女。


講到她們外形、年齡相若,會視對方為競爭對手?沈殷怡表示:「我好需要佢。」並解釋雙方性格不一,起到互補作用,又說私下會約出街食飯,感情好好,陳欣妍補充:「唔好睇佢外表好溫柔、柔弱,但佢係外柔內剛嘅人,我淆底都搵佢求救。」


沈殷怡
Outfit: b+ab


陳欣妍
Top: b+ab
Dress: tout a coup

來源 source: http://hk.on.cc
鍾意就快D Share啦!