2015年7月16日 星期四

不吐不快 王宗堯寸羅鈞滿 人格有問題 [壹週刊 - 1323] 王宗堯,羅鈞滿,M1,



探熱針

不吐不快 王宗堯寸羅鈞滿 人格有問題

羅鈞滿在韓國蒲到搞出事後,女友張文采狠斷四年情,知己樂瞳亦急住劃清界線,就連大纜都扯唔埋的男神王宗堯,都加把口,在 facebook轉發討論區鬧爆羅鈞滿的帖子,直指羅鈞滿人格有問題,踩多腳!

王宗堯在個人 fb上轉發網民鬧爆羅鈞滿的帖子,並加上自己的意見,表現出對他極為不滿。

剛搬屋的王宗堯,先將屋企暫用來作製作公司的 home office。

七月在個人 IG表示有新計劃及夢想的王宗堯,正為未來努力。

網民支持

七線羅鈞滿被踢爆背主播女友張文采溝空姐,又在韓國醉酒鬧事,被指影人裙底搞到惹官非,要無綫派律師到當地營救。過到關,不過羅鈞滿返港後繼續夜蒲溝女,結果被正印狠飛。

醜事傳千里,王宗堯亦「大力幫忙」,在 fb狂轉發網民圍插羅鈞滿的帖子。

「之前 HKTV出唔到牌,羅鈞滿當時仲要出口踩多幾腳,姜文杰簽咗 HKTV後,第一個 unfriend嘅就係佢, Greg(王宗堯)同姜文杰咁老死,今次仲唔乘機寸爆佢! Greg話羅鈞滿份人好冇禮貌,人格亦有問題,所以好唔 like佢。」知情者說。

王宗堯更在轉發的帖子上留言明踩羅鈞滿,「我很慶幸,(張)國忠叔(前經理人)自小教我珍惜,尊重,厚道」網民紛紛俾 like,支持男神。

羅鈞滿一沉百踩,四年女友即棄,就連知己樂瞳,也要跟他劃清界線。

「羅鈞滿把口唔收,個人妒忌心又強,只會對啲有利用價值嘅人好,咁點會有朋友呀!出事後完全冇人行出嚟幫口講好說話,就知佢幾冇人緣。」

羅鈞滿曾經力追知己樂瞳,為免外界有不必要的揣測,樂瞳自羅鈞滿被踢爆在韓國醉酒鬧事後,便立即跟他劃清界線。

姜文杰和王宗堯同為 HKTV出心出力,對於羅鈞滿盲撐政府不發牌感到很不滿,並指對方的人格有問題。

出碟冇人知

爛蒲爛滾,羅鈞滿搞到乜都冇!王宗堯卻珍惜羽翼,把握好每個機會,為擴闊工作層面,近日更做埋製作。

「過去一年幾 Greg多咗好多機會,除咗拍戲拍劇做幕前,佢對幕後都好有興趣,所以同朋友一齊搞咗間製作公司,現階段只係 Home office,一步一步嚟!」

公司剛起步,王宗堯已經接到第一個 project。

「樂隊 MR.前幾個月出咗碟都好似冇人知,賣得好差,而家佢哋籌備緊下隻碟,知道 Greg搞製作,覺得搵佢做導演拍 MV有 gimmick,因為 Greg多網民 like, MR.希望借 Greg嘅人氣幫吓。」知情者說。

即將為過氣樂隊 MR.拍攝新歌《不屈》 MV的王宗堯,多次與樂隊成員開會,增加溝通。

惹火男神

因為敢言,令王宗堯被網民封為男神。相比去年公開撐佔中,今次送多腳俾羅鈞滿,其實好濕碎。

撐佔中

支持雨傘運動,王宗堯從旺角佔到金鐘,被發現現身龍和道時,他振振有詞:「點解唔嚟得?我都係香港人。」對於警方清場,他說:「他們是贏了馬路,輸了民主……無論是出來佔領的人,還是做鍵盤戰士的人……在這段時間以來,他們成就了一個香港奇跡,這麼多人出來,竟然沒有暴亂,這是世界上從未有過的。」

鬧政府

早前港視司法覆核獲判勝訴,王宗堯即斥政府在事件上「搬龍門」非常不公,幸有司法覆核制度,可以幫助有需要人士申訴。

寸大台

對於無綫播《新城勁爆頒獎禮》剪走王宗堯和雨僑的得獎部分,他在 fb揶揄大台:「方丈,真係好小器㗎。」

插袁嘉敏

老闆蕭定一考慮搵袁嘉敏拍三級片,王宗堯有骨地說:「我覺得袁嘉敏好識營造自己形象,如果係公司安排,我唔反對,不過希望佢唔好得罪人我自己都會小心言行。」

鍾意就快D Share啦!
Related Posts Plugin for WordPress, Blogger...