2015年9月19日 星期六

觀音兵多多 王宗堯撐陳靜多人追係好事 王宗堯,陳靜,



陳靜觀音兵多籮籮,不過舊愛王宗堯就力撐話佢一直對感情好清楚認真。

next 1/1 pre

有樣貌有身材,陳靜多人追都係好正常。

next 1/1 pre

勞斯男出動五百萬名車接送。

next 1/1 pre

又有紋身男陪出陪入。

next 1/1 pre

仲有「大鼻王力宏」陪玩陪食。

next 1/1 pre

王宗堯力撐舊愛,仲話會祝福佢。

next 1/1 pre

施念慈(右)就話同男仔出吓街好正常。

next 1/1 pre

近年升呢成為炙手可熱影壇女星的陳靜(DaDa),原來是收「兵」無數的「娘娘」!昨日《好報》獨家披露DaDa十日內三度「閱兵」會三男,「兵」源充足,其中一位更出動價值超過五百萬港元的勞斯萊斯接送,為叠水的「水」兵!身為舊愛的王宗堯昨日為DaDa護航,力撐對方向來對感情認真,多人追係好事!

早前自爆有「發展ing」對象的DaDa,昨日被《好報》披露在十日內跟三位男士約會,其中一位是去年被《好報》踢爆進出香閨的「大鼻王力宏」,關係見光後仍保持交往,並拍得男方陪DaDa到朋友位於半山的住所打邊爐開P,全程盡展紳士風度並展示「力的表現」,大騷麒麟臂替DaDa做「咕喱」拎重物。另一位十分叠水的「水兵」「勞斯男」則出動價值超過五百萬元的房車勞斯萊斯,接送DaDa去高級餐廳食飯,不過該車的車主登記地址是馬鞍山公屋,可見「勞斯男」的身份十分神秘!兵不嫌多,DaDa更庫藏「步兵」,被拍得和一名「紋身男」雙雙離開香閨,步步跟到實!

近年DaDa在影圈火力全開發展,單是今年已接拍五部香港及內地電影,穩袋至少400萬元外,更有三部電影洽談中,其中一部更會和內地一線男星合作,昨日更親往吉林出席金雞百花電影節的活動。對於DaDa「兵」庫強大,經理人施念慈接受電話訪問說:「DaDa一向都好多男女朋友,同男仔出街都係正常,唔代表啲咩,唔好話係兵佢係有公開講過有了解中嘅對象,不過佢而家所有時間都係喺工作上。」另外,身為DaDa舊愛的王宗堯昨日接受電話訪問,為舊愛護航,他說:「我冇同佢聯絡一段時間,相信係普通朋友,唔好話人收兵,應該了解件事,佢咁大個女識處理。(兵上佢屋企?)朋友都可以,我公司同事都上我屋企佢一直對感情好清楚認真,係咪追佢都好,女仔多人追係好事,我會祝褔佢。」

鍾意就快D Share啦!