2015年12月31日 星期四

炒㷫莊思敏 王宗堯搵女友降火 [壹週刊 - 1347] __,王宗堯,莊思敏,M1,

捽面放電男友掛住傳短訊,Christy發動攻勢捽面放生電,王宗堯好享受。探熱針炒㷫莊思敏 王宗堯搵女友降火王宗堯同莊思敏合作《導火新聞線》電影版搞到隔空互片,日日開火,男神都變八婆!早兩個禮拜,難得冇通告唔使對住仇家,王宗堯孖住女友黎紀君(Christy),拍拖現身淺水灣食冷風;其間王宗堯忙住傳短訊,又不時一臉躁爆,善解人意的Christy以柔制躁,掃背捽面胸壓啜嘴,全部有齊。王宗堯爽晒!拍拖三個 ...


捽面放電

男友掛住傳短訊, Christy發動攻勢捽面放生電,王宗堯好享受。

探熱針

炒㷫莊思敏 王宗堯搵女友降火

王宗堯同莊思敏合作《導火新聞線》電影版搞到隔空互片,日日開火,男神都變八婆!早兩個禮拜,難得冇通告唔使對住仇家,王宗堯孖住女友黎紀君( Christy),拍拖現身淺水灣食冷風;其間王宗堯忙住傳短訊,又不時一臉躁爆,善解人意的 Christy以柔制躁,掃背捽面胸壓啜嘴,全部有齊。王宗堯爽晒!

拍拖三個月

男神身邊女伴貨如輪轉,今年七月王宗堯同 Angelababy師妹 Sarah慾火街頭後,轉手又搭上被高登巴打勁唱整容樣、現年二十二歲的索模黎紀君 Christy。拍拖三個月,戀人關係逐漸浮面。

早兩個禮拜,十四日下午三時,唔使開工的王宗堯陪女友到淺水灣拍拖,二人先到餐廳歎下午茶,其間男友不停忙住傳語音短訊, Christy冇搞住男友,拎出 Barbie公仔不停影,但一見對方放低電話,便遞上相機要王宗堯睇相,又順勢抱住咬耳仔!

肉緊啜爆

Christy主動嘴男友,旁若無人。

十指緊扣

王宗堯光明正大拖住 Christy行(紅圈),關係浮面。

熊抱胸壓

影完 Barbie, Christy從後熊抱,送住波餅俾相男友睇。

又肥又殘

醫飽去沙灘漫步。戴住黑超的王宗堯暫停搞電話,陪女友幫 Barbie公仔換衫、擺甫士影相,其間有人認出男神:「嘩!高登男神搞咩,又肥又殘嘅?」

王宗堯唔想被人指指點點,決定同 Christy轉到救生員看台旁的角落位。換位後,見往來的人較少, Christy立即出招,摸吓男友的頭髮,以示溫柔,之後又拎出 Barbie影相,王宗堯則繼續傳語音短訊, Christy於是展開新一輪攻勢,從後胸壓,緊接雙手捽面。

High tea期間,王宗堯被女友拑實咬耳仔。

Christy主動又熱情,令近期是非纏身的王宗堯笑番晒。

冷天沙灘拍拖,王宗堯同 Christy食住風卿卿我我。

今年七月,王宗堯同 Baby師妹 Sarah街頭慾火,戀情見光死。

啜爆獎勵

被電暈的男神終於捨得放低電話,攞起相機幫 Barbie影相,影完又用手機再影,高炒趴乜款都有, Christy睇完相,主動啜爆男友俾獎賞。

在沙灘卿卿我我大半個鐘,二人十指緊扣,行去攞車走人。

早前王宗堯日日同新片《導火新聞線》的對手莊思敏開拖,非常唔妥。

王宗堯聖誕夜上載同女友的親密照後, Christy亦接力在 ig放閃。

上月 Christy生日,王宗堯送上情侶戒指,認定女友身份。

浪漫勝地

公眾人物拍拖,好多時都避避忌忌,鬧市可免則免,怕被打擾,沙灘談心為首選,人少浪漫又唔使點花錢,一舉幾得。

曾國祥 王敏奕

前年成功「馴服」曾志偉大仔曾國祥後,二人經常形影不離,王敏奕早前同男友到沙灘曬日光浴,邊行邊啜,冧到爆。

蕭正楠 黃翠如

飛甩舊愛何傲芝,蕭正楠高調戀上黃翠如。去年二人到淺水灣漫遊沙灘睇日落玩踢浪,男方更主動親吻翠如 BB,非常浪漫。

撰文、攝影、攝錄:娛樂組


鍾意就快D Share啦!