2016年5月9日 星期一

【ViuTV女神(1)】自認男仔頭接受「毒男」 袁澧林棄靚仔buy高登仔 __,高登仔,女神,ViuTV,Viu,袁澧林,

作為電視迷,有選擇絕對是好事,不想睇來睇去都是幾個「親生仔、女」,新台ViuTV就為觀眾帶來一批新面孔。最近大家熱烈討論一位「文青女神」-ViuTV開台宣傳片的女主角袁澧林(Angela),擁有高挑身形加清純笑容,網民大讚她好「gfable」(即非常適合做女朋友),可惜女神宣佈已經有男朋友!不過選擇仍是有的,黃心美(Scarlett)、楊偲泳(Renci)和陳俞希(HaileyC.)各具特質,相信 ...




其他影片:>>






作為電視迷,有選擇絕對是好事,不想睇來睇去都是幾個「親生仔、女」,新台ViuTV就為觀眾帶來一批新面孔。最近大家熱烈討論一位「文青女神」-ViuTV開台宣傳片的女主角袁澧林(Angela),擁有高挑身形加清純笑容,網民大讚她好「gfable」(即非常適合做女朋友),可惜女神宣佈已經有男朋友!不過選擇仍是有的,黃心美(Scarlett)、楊偲泳(Renci)和陳俞希(Hailey C.)各具特質,相信每個人身邊都會有一位「女神」在左右。22歲的袁澧林身高170cm,與陳瀅和王宗堯前度女友黎紀君屬同一間模特兒公司,去年拍美心賀年廣告而有「美心少女」稱號。今年4月ViuTV開台,大膽起用無拍劇經驗的Angela擔正做宣傳片女主角,清新面孔瞬間被網民起底,令Angela的facebook在一夜間急增逾萬「朋友」。Angela日前在銅鑼灣受訪直言受寵若驚,她說﹕「條宣傳片每日起碼播五、六次,好多人留言話日日睇,自己都超級驚喜,我覺得係超級意想不到嘅事情。」怎樣看「文青女神」這個封號?Angela說:「啲人覺得我文青,可能因為我著衫好簡潔或者好有書卷味;而我見過自己覺得最文青嘅人,其實係一個爛佬咁,但佢睇好多書,識寫詩、識音樂,寫影評。我係咪女神?呢個問題真係難答,王菲、Keira Knightley(姬拉麗莉)同Emma Watson(愛瑪屈臣)都係我女神,我覺得我一定未去到嗰個level喇!」Angela謙說自己未及女神級數,但好多網民,尤其是男粉絲都讚她好「gfable」,Angela好奇地問﹕「『Gfable』係咪一定要順人意、嬌滴滴好聽話咁樣?我個人其實好男仔頭,唔一定要著到好靚先出街,手袋要人哋幫我拎,我就唔係嗰啲人。」Angela揀男友首要條件是夠成熟,打機、打波及「毒男」這類港女會嫌棄的惡習,她覺得都可以接受。Angela說﹕「我唔會特別畀一個靚仔吸引住,就算『高登仔』都可以有唔同性格,我由細到大都知道上高登啲人係好叻嘅,呢個真嘅。」問到現在有沒有男朋友?Anlgela一臉羞怯地謂﹕「有冇拍拖?呀....有嘅,哈哈,但又唔係拍咗好耐。」她自覺是一個獨立女性,但間中都會嗲男友,她說﹕「可以係可以唔係啦,覺得好安全或保護時,自然就會好開心。」別看Angela外表斯斯文文,其實膽子好大,曾經一個人揹住背囊去埃及做交流學生,當時還有不愉快經歷,她說﹕「上年暑期參加咗一個為期個半月嘅交流活動,其實去之前都好驚,因為好多地方發生爆炸。加上係旅遊淡季,當地人剛啱完咗齋戒期,一個黃皮膚係街上好危險。我試過行街突然成班人衝埋嚟同我合照,有啲人搭膊頭或尷尬部位(背部胸邊位置),雖然氣氛係開心嘅,但覺得好唔舒服。」Angela還計劃去印度旅行,問到父母有沒有阻止?她笑說﹕「佢哋阻止唔到我。」Angela是個不愛束縛的人,六四集會、七一遊行、反新界東北發展遊行都曾經參予,她解釋﹕「每個人去都有唔同原因,近年啲人希望將六四集會轉化成新希望,而我係為悼念亡魂,犧牲咗嘅人,自己睇到覺得好痛苦。而參予七一,有啲人好理性,有啲人為咗一個目的,有啲人好emotional,唔滿意現狀都會去,係一個好大型活動,我上年都有參予。」

中文名﹕袁澧林

英大名﹕Angela

年齡﹕22歲

身高﹕170cm

體重﹕52kg

學歷﹕浸會大學會計系三年級生

ViuTV節目﹕ViuTV開台宣傳片、《三一如三》(未播)場地﹕hmv Bar & Restaurant


鍾意就快D Share啦!
Related Posts Plugin for WordPress, Blogger...