2016年9月26日 星期一

Hot Talk:【有片】泰拳Barbie勁噴血!畀拳王捽到冧晒 __,Barbie,夏尉喻,

(互聯網圖片)打得又睇得,用嚟形容白俄羅斯拳手雲達耶娃(EkaterinaVandaryeva)就最適合!有「拳壇Barbie」之稱嘅佢,絕對唔係弱不襟風,早前同23歲中國女拳手任凱琳,激戰4局後KO對手,而「拳壇Barbie」更加試過喺擂台上,將另一位中國選手曾曉婷,打到眉骨爆裂,堅狠!現年25歲嘅雲達耶娃外表甜美,有「泰拳最美女神」之稱,業餘賽開始已經打遍無敵手,18歲贏得WMF業餘泰拳冠軍, ...




其他影片:>>






(互聯網圖片)

打得又睇得,用嚟形容白俄羅斯拳手雲達耶娃(Ekaterina Vandaryeva)就最適合!有「拳壇Barbie」之稱嘅佢,絕對唔係弱不襟風,早前同23歲中國女拳手任凱琳,激戰4局後KO對手,而「拳壇Barbie」更加試過喺擂台上,將另一位中國選手曾曉婷,打到眉骨爆裂,堅狠!

現年25歲嘅雲達耶娃外表甜美,有「泰拳最美女神」之稱,業餘賽開始已經打遍無敵手,18歲贏得WMF業餘泰拳冠軍,更曾連贏4年白俄羅斯業餘泰拳冠軍,轉戰職業賽後繼續追夢,證明自己唔係得個樣,每次上擂台都拳拳到肉,狠勁十足,絕對係名副其實嘅「辣妹」!

呢種咁有吸引力嘅辣妹,自然惹來男士們嘅注目,佢仲經常拋胸幫雜誌影相,又做Model拍廣告,就連泰國拳王播求都同佢傳緋聞。話說兩個合作拍廣告,二人在片打到「啪啪聲」,拳拳到肉,跟住拳王播求一腳踢低「Barbie」,對方即時流露「慘慘豬」表情。為咗減輕伊人痛楚,播求唯有展示溫柔本色,幫「Barbie」美腿搽藥膏,播求不停捽、起勢捽,捽到「Barbie」即刻冧晒...這些機會,隔住個mon嘅巴打們,真係唔恨得咁多。

其實對於愛情,雲達耶娃亦有自己一套睇法,更加講明「討厭軟綿綿嘅男人,要嫁就嫁畀最硬嘅男人!」對「Barbie」嚟講,播求係咪「硬」男人就唔知喇,而「Barbie」同播求嘅緋聞,雖然傳得熱烈,但據講雲達耶娃其實已經名花有主,男朋友係白俄羅斯嘅教練兼推廣人!唔知呢位男友夠唔夠「硬」,令「Barbie」嫁得過呢?

SO東波同你追實體壇每個精彩時刻! 

http://on.fb.me/1PWMCFH 


來源 source: http://hk.on.cc
鍾意就快D Share啦!
Related Posts Plugin for WordPress, Blogger...