2018年7月26日 星期四

《入住請敲門2》文青女神林婷表現反常 網民嚇親:真係好癡線! __,女神,

Featurelamting
《入住請敲門2》文青女神林婷表現反常網民嚇親:真係好癡線!正在熱播嘅ViuTV靈異探險節目《入住請敲門》第二季,特登搵哂泰國同馬來西亞嘅超猛鬼酒店嚟挑 ...


《入住請敲門2》文青女神林婷表現反常 網民嚇親:真係好癡線!



正在熱播嘅Viu TV靈異探險節目《入住請敲門》第二季,特登搵哂泰國同馬來西亞嘅超猛鬼酒店嚟挑機,比第一季嘅恐怖程度有過之而無不及!今次就依舊搵番第一季嘅莫竣名同林婷做主持,但因為林婷喺第一季做咩都鬼殺咁嘈,超煩膠表現令唔少網民喺節目未出街之前已經俾哂負評!點知播咗好幾集,觀眾就認真俾佢嚇親林婷大膽到好似「鬼上身」咁不斷淡定挑機各種都市傳說,佢究竟經歷咗啲咩呢⋯⋯

撰文:東方新地 | 圖片:節目截圖、YouTube、Instagram連登討論區





第一季林婷未到戲肉就退縮

播第一季嗰時,大多觀眾聽到林婷個名都已經覺得煩,因為佢喺第一季嘅表現實在慘不忍睹,去到邊都大叫「好驚」、「唔得啊」,被唔少網民大鬧佢唔專業,真係細膽就唔好接呢啲Job咁話啊!相比起另一位主持人莫竣名自然得嚟又合理地淆底、間中爆吓粗嘅表現,真係差啲啦⋯⋯





第二季勇到觀眾嚇親

真係唔知林婷喺呢一年入面經歷咗咩,點解今季可以突飛猛進成咁,唔驚青、冇鬼叫,挑機不同都市傳說都不在話下!人又靚,把聲又好聽,林婷咁淡定冷靜噉介紹唔同猛鬼地方,反而令小編覺得更加心寒,隔住嗰芒都驚驚地⋯⋯難怪一眾網民都對佢負評轉正!



帶頭挑機馬來西亞雲頂

林婷喺第二季挑機出名超猛嘅馬來西亞雲頂酒店,冷靜勇敢嘅表現令網民激讚!其實嗰度早已發生唔少命案而幾乎半荒廢,林婷竟然要入住命案的樓層,又巡埋樓,最後仲要去到勁陰森嘅停車場查探!真係勇猛到小編都好佩服!

 



停車場黑媽媽,伸手不見五指⋯⋯林婷直言覺得好唔舒服,但就冇再好似第一季咁縮沙,竟然仲夠膽推門一探空置嘅房間,真係俾著其他人都未必做到!



做足功課 體驗都市傳說

林婷更去夜闖有成50年歷史嘅「雙溪巴里組屋」,該處係出名嘅自殺勝地,欠缺基本樓宇設備。林婷需要逐層樓行上去,但喺樓梯轉角嘅牆身就見到相傳有辟邪功效嘅黑狗血⋯⋯連同行嘅師傅都警告佢唔好再繼續探險



師傅都話該處有唔少惡靈,林婷探險嗰陣都有見到疑似狗隻骸骨,不適頭痛之餘仲聽到怪聲,仲問同行嘅攝製組聽唔聽到,令觀眾毛骨悚然!



一個人玩捉迷藏

林婷仲試過同鬼玩捉迷藏,玩到啲器材冇啦啦自己熄咗咁刺激,小編真係唔敢一個人玩啊大佬⋯⋯玩到咁盡,網民都話佢又大膽又正,仲話佢真係變咗個人咁,唔好玩到咁癲啦明㗎



林婷自己就表示今季好開心,監製有俾好多意見佢,又睇多咗靈探嘅節目。



樣靚聲甜 嚇親個樣好得意?!



斯斯文文 但有Guts!



有網民就話佢係俾人鬧完,第二季先扮哂大膽淡定,冷靜到好似靈探當行博物館啊!

淡定過頭 做多咗?



監製:俾啲機會

雖然林婷第一季表現麻麻,但監製就話覺得應該比多次機會,一個咁斯文嘅女仔驚都係人之常情,不過就有為佢做多咗心理建設,希望佢可以建立信心,亦直言滿意林婷今季嘅表現,講過嘅問題都有逐一改善。





有片有真相,就嚟睇下佢呢兩季嘅分別

第一季:



第二季:





文青女神林婷

睇嚟今次林婷都成功洗哂底做廣告模特兒模特兒出身嘅林婷,喺2015年做咗第四代邦民女而開始被人留意,不過平時低調,唔算多接受訪問,所以外間都唔係話好了解呢位靚女。喺2017年,佢就第一次主持節目《入住請敲門》。



樣靚聲甜嘅佢,日常嘅照片都係行文青女神嘅斯文路線,做《入住請敲門》嘅主持人都可以話係一大嘗試!



近年工作量開始增多,都係主要拍下廣告,做下KOL、模特兒咁。





靚得嚟又Fit,Fit得嚟仲要有氣質,工作又大有進步,希望佢表現會愈嚟愈好





鍾意就快D Share啦!
Related Posts Plugin for WordPress, Blogger...