2018年7月31日 星期二

【BB來了】結局篇劇情率先爆!楊證樺疑戴綠帽 怒斬徐榮… __,楊證樺,

bb來了
【BB來了】結局篇劇情率先爆!楊證樺疑戴綠帽怒斬徐榮…大台劇《BB來了》熱播,男女主角黎諾懿、李佳芯搶鏡之外,劇中演黎諾懿大哥的徐榮都有突破性演出,唔 ...


【BB來了】結局篇劇情率先爆!楊證樺疑戴綠帽 怒斬徐榮…



大台劇《BB來了》熱播,男女主角黎諾懿、李佳芯搶鏡之外,劇中演黎諾懿大哥的徐榮都有突破性演出,唔再做和善嘅顧家男,今次演不育失婚男,踏入結局篇,劇情講佢同楊卓娜暗生情愫,但楊嘅躁狂走佬丈夫阿成再出現,唔止騷擾阿妙兩母子,仲以為被戴綠帽,揮刀怒斬「奸夫」徐榮…

撰文:東方新地 |圖片:無綫電視截圖





《BB來了》徐榮 演不育失婚男

徐榮在《BB來了》中飾演黎諾懿的哥哥葉致遠,同太太離婚後性情大變,性格看似孤僻惡死又愛錢,但骨子裡好顧家,一個孭起頭家,搵錢供養大使嘅阿媽,而且佢仲好錫細佬黎諾懿。

徐榮
話時話,今次係徐榮同黎諾懿第二次飾演兄弟喇!對上一次係《愛.回家》嘅馬強同馬壯!



第11集,交代徐榮離婚嘅原因,楊卓娜飾演的金牌陪月王佳妙接咗個新客人,正是徐榮嘅前妻阿May,對方已改嫁及生咗一個囝囝,依家陀緊BB!



徐榮接載楊卓娜去開工時,點知撞啱阿May穿羊水要生得,徐榮二話不說幫手車佢入醫院,阿May母子平安,多謝徐榮送佢入院,仲叮囑佢找到佢愛嘅女人時唔好放手,搞到徐榮悲從中來走咗去⋯



楊卓娜追出去搵徐榮,徐榮話前妻早在結婚前已經好恨生BB做媽咪,可惜婚後徐榮做檢查至知自己不育,佢對此秘而不宣,但麻煩阿媽盧宛茵恨抱孫係咁迫前妻生BB,結果徐榮選擇離婚。



有次楊卓娜嘅兒子龍仔在托兒所被同學欺貞,楊卓娜才驚覺兒子對於走咗佬嘅丈夫阿成(楊證樺飾)一直耿耿於懷有陰影,事關阿成好賭欠下街數,於是楊卓娜孭起頭家幫手還債日以繼夜打工,但阿成反誤以為楊卓娜勾佬畀綠帽佢戴,有晚攞把菜刀要斬要殺!



徐榮得悉後,自告奮勇經常幫楊卓娜照顧龍仔,相處耐咗,二人不知不覺間暗生情愫!



連龍仔都話:「我鍾意Ben叔叔!」但其實二人只能把愛意藏心底, 因為楊卓娜老公只係走佬, 二人未正式離婚。



不過阿成從雜誌知道阿妙成為有名陪月員,連日跟蹤佢仲知佢同徐榮往來好密,以為老婆同徐榮有路!



卒之阿成喺盧宛茵65歲大壽玩寸party,結果徐榮揮拳打佢,阿成不憤離去…



佳妙丈夫用鐵鏈鎖龍仔

致廷代佳妙照顧龍仔時,阿成竟將龍仔帶走,致廷終找到被鐵鏈鎖着的龍仔,成發現後追趕二人,黎諾懿仆落地隻手受傷,幸無大礙。



致遠離家出走

致遠恐怕成會再次騷擾佳妙及龍仔,遂安排為二人物色新居卻惹來麗貞不滿。致遠不滿麗貞,決定離家出走……



楊證樺疑戴綠帽 怒斬徐榮

阿成知道徐榮連屋都幫楊卓娜找埋,認定徐榮係奸夫,阿成怒火中燒下找徐榮報仇,揮刀襲撃,徐榮不敵受重傷!

鍾意就快D Share啦!
Related Posts Plugin for WordPress, Blogger...