2018年7月31日 星期二

古天樂舖好路簽下佘詩曼 細看天高娛樂王國崛起! __,佘詩曼,古天樂,

Feature
古天樂舖好路簽下佘詩曼細看天高娛樂王國崛起!點止今期流行啊!勁勤力嘅古仔古天樂除咗一直密密拍戲之外,近年嚟都一直致力發展緊公司「天高娛樂」嘅業務,最近 ...


古天樂舖好路簽下佘詩曼 細看天高娛樂王國崛起!



點止今期流行啊!勁勤力嘅古仔古天樂除咗一直密密拍戲之外,近年嚟都一直致力發展緊公司「天高娛樂」嘅業務,最近更簽下兩屆視后佘詩曼,進一步擴大娛樂王國嘅版圖!阿佘自離開TVB後,一直發展都唔錯,喺內地劇集《延禧攻略》都有亮眼表現,今次加盟後更獲優厚待遇!但其實古仔旗下唔單止有阿佘,仲有唔少實力派嘅藝人㗎,一齊嚟睇吓

撰文:東方新地 | 圖片:Instagram、新傳媒資料庫、TVB劇集圖片





佘詩曼離巢後不斷喺內地掘金

佘詩曼貴為前TVB當紅花旦,又係兩屆視后,美貌、人氣同演技都具備,所以就算離開大台後,發展都不俗~最近阿佘較主力於內地掘金,又自組工作室,密密接拍內地劇集同電影,更參與多個真人騷,廣告邀約又繼續源源不絕,吸金力不容忽視!





而最近阿佘有份參演嘅內地清宮劇《延禧攻略》喺中港台爆紅,首播幾天流量就已突破三億,收視報捷,網民仲激讚佘詩曼演技出色,將奸妃一角演得淋漓盡致!

一舉一動盡現著攝人的強大氣場,做奸角亦難不到佘詩曼!




佘詩曼原來係相隔13年再度回歸清裝劇,但美貌Keep得好好,一樣都係咁靚!



古仔都叫佘詩曼做「一姐」

早前,古仔被問到點睇阿佘加盟佢旗下嘅經理人公司,古仔就話覺得佢好有潛力,仲叫佢做電視台一姐添啊!怪唔得之阿佘加盟之後待遇咁優厚,有成3位金牌經理人強勢聯手,包括RonnieLeo及同阿佘合作多年嘅陳欣健女兒陳早茵, 就係為咗全方位咁打造佢,可以俾阿佘多方面發展!

古天樂 佘詩曼



據悉古仔打算為阿佘度身訂造一套電影,為佢喺電影圈打響名堂,仲有份投資阿佘參演嘅古裝網劇添!



《刑事偵緝檔案IV》首次合作 多年後再合演電影

二人早年同屬無綫時,合作作品僅有《刑事偵緝檔案IV》,但都只有同場並無對手戲。近來兩人先因為電影拍攝而有合作,有指去年拍攝《常在你左右》時,工作上十分有默契嘅古仔同阿佘已經傾緊合作,到依家成功簽約!

當年二人都好Pure好True啊!


2015年《衝上雲霄》演情侶

古天樂飾演帥氣非凡嘅航空公司老闆,而余詩曼則飾演機倉服務員,二人扮演一對情侶,拍攝時都十分有默契啊!



阿佘仲勁讚古仔係佢見過最靚仔嘅機師添!



2016年《使徒行者》再合作演激情戲


二人喺戲中有一場大膽激情戲!


除咗佘詩曼之外天高娛樂仲有⋯⋯

「天高娛樂」其實都唔係第一次簽下無綫嘅前當紅小生花旦㗎旗下仲有唔少其他實力非凡嘅藝人,有啲仲勇奪過香港金像獎添!首先,有同古仔喺《刑事偵緝檔案IV》入面有感情戲嘅宣萱!

宣萱:



佢哋兩個都Keep得超好!



適逢劇集重播,古天樂仲上傳同宣萱嘅合照添!



林峯:

二人曾於《尋秦記》中合作!


其實《尋秦記》都有宣萱,咁齊人不如拍番套續集?


姜皓文(黑仔):

黑仔姜皓文喺2018年憑《拆彈專家》取得第37屆香港電影金像獎最佳男配角,最近亦有參演電影《犯罪現場》。



凌文龍(小龍):

凌文龍亦喺2018年憑《黃金花》第37屆香港電影金像獎最佳男主角提名及最佳新演員獎,都有份參演新戲《犯罪現場》



《犯罪現場》拍攝

《犯罪現場》拍攝


古仔本人當然都有參演《犯罪現場》

真係估唔到「天高娛樂」咁人才濟濟,更有指未來會有更多當紅藝人加盟,相信古仔嘅娛樂王國將會不斷擴展喇!

鍾意就快D Share啦!
Related Posts Plugin for WordPress, Blogger...