2018年7月18日 星期三

長胎不長肉 大肚宋熙年孖老公拍寫真 __,宋熙年,

宋熙年
長胎不長肉大肚宋熙年孖老公拍寫真結婚兩年,陳智燊(Jason)與宋熙年(Sarah)呢一對襯到絕一絕的小夫妻早前宣布成功造人,懷孕7個月嘅Sarah已 ...


長胎不長肉 大肚宋熙年孖老公拍寫真



結婚兩年,陳智燊(Jason)與宋熙年(Sarah)呢一對襯到絕一絕的小夫妻早前宣布成功造人,懷孕7個月嘅Sarah已經停工安胎,仲孖老公影大肚寫真留下紀念,相片甜蜜之餘,Sarah仲肥胎不肥身!

撰文:東方新地 |圖片:新傳媒圖片庫、、





長胎不長肉 陀B宋熙年孖老公拍寫真

懷孕7個月的宋熙年目前停工安胎,日前佢同老公陳智燊拍攝大肚寫真,Sarah於社交網站分享照片及留言:「Our precious family of three…」二人期待BB出世,Sarah表示懷孕是神奇的旅程,相當享受每一刻。

宋熙年
二人以白色衫配牛仔褲嘅情侶Look示人,Sarah流露幸福笑容,Jason摸住太太嘅巨肚,好溫馨!


準媽媽宋熙年長胎不長肉、手腳纖瘦,更性感輕露事業線,又與老公穿情侶裝拍照,溫馨甜蜜。



Sarah換上多個造型,其中一款着上黑色衫同短褲,見佢個肚籮咁大,但手腳依然纖細,面部未見浮腫,真係長胎不長肉,令不少孕媽羨慕呢!



Jason都有幫太太影花絮照,見Sarah喺鏡頭前擺出搞笑甫士!



宋熙年陳智燊宣布升呢做爸媽

宋熙年陳智燊今年4月喺社交網站發佈喜訊,表示陳氏家庭即將迎來新波士!

Jason要好好錫老婆呀!



Jason喺宣布喜訊前,先送上一段愛的宣言~



現年40歲的陳智燊(Jason) 與32歲前華姐宋熙年(Sarah)於 2016年結婚,婚後一直幸福美滿,經過兩年的二人世界後,今年終於傳來喜訊!



陳智燊宋熙年拍拖7年,愛得甜蜜,不時被催婚,終於在2015年暑假,忙於拍劇的Jason特意「即日來回」澳洲,趁Sarah與家人慶祝生日時,送上鮮花及親自設計的鑽戒求婚,讓Sarah驚喜萬分。2016年,兩人在英國東薩塞克斯郡的Buxted Park Hotel完婚。

IMG_2323

陳智燊宋熙年 二人的pre-wedding照


兩夫妻接受無綫節目《東張西望》訪問時,Jason表示愛妻宣言要讀多次才抱得美人歸,「要求高到不得了,要一隻隻字好有愛讀出嚟,嫌我講得太慢,要快啲,結果講咗兩、三次先收貨。」



宋熙年 爆陳智燊勁緊張

陳智燊和宋熙年閈早前以夫妻檔出席新車發布會,兩人笑言已經準備咗好多迎接BB嘅嘢,又表示唔介意用二手嬰兒產品,講番剛開始知道懷孕時嘅心情,兩人都話好無助:「因為未夠三個月,唔可以話畀任何人知,唔可以問其他人。」所以當時陳智燊都是依靠網上嘅資訊來照顧老婆。

宋熙年

陳智燊和宋熙年話已經準備咗好多迎接BB嘅嘢。


宋熙年又透露胎兒性別係男仔,仲話雙方父母對抱孫都覺得好開心,不過陳智燊就笑言:「我呢邊都係兄弟,父母比較想抱孫女!」

宋熙年

陳智燊自嘲中文唔好,所以仲未為BB起中文名,可能要請教一下其他人,但英文名就將會由佢自己改。


而問到老公係咪特別緊張佢懷孕嘅狀態,宋熙年甜笑指:「佢每個小時都講三次,叫我小心、小心、小心,唔能夠食啲咩嘢咁。」

宋熙年

宋熙年踢爆陳智燊呢個新手爸爸每日都非常緊張!



孕媽宋熙年 準備充足

今個月,孕媽宋熙年就趁住懷孕進入穩定期、個肚又未至於太大,同老公陳智燊一齊飛咗去毛里裘斯,爭取機會再享受吓二人世界先!



(@chanjason_)分享的貼文 於 張貼





(@rahrahsong)分享的貼文 於 張貼





陽光海灘、水清沙幼,又大住肚做緊女皇,孕媽媽好有興致影咗好多靚相擺上網,仲見到佢個肚剛滿四個月,已經睇緊育嬰書做定功課㖭!其實唔止呢樣,宋熙年仲話已經請咗陪月,真係準備功夫做到十足。



(@rahrahsong)分享的貼文 於 張貼





(@chanjason_)分享的貼文 於 張貼





著波鞋出巡

孕媽宋熙年陀B亦份外小心,平時出job有助手、出街有老公傍實,呢日去超市上糧,就有外傭跟實,宋熙年揀完肉又揀菜,之後又親自揀靚生果,睇嚟都係入開廚。最最最緊要係呢日好聽話,著番平底鞋,緊張老公陳智燊就倍感安慰喇!

宋熙年

作為一個時代職業女性,宋熙年都係親自去買餸,不過自從大咗肚,就有外傭跟身。為靚為台型平時接司儀job都繼續著高跟鞋,令老公有微言!呢日出入都係著波鞋,乖喇。


宋熙年

宋熙年揀完餸又走去揀生果,全部親力親為,之後負責畀錢,姐姐就醒目入定袋拎嘢。



日前兩公婆齊齊飛去毛里裘斯享受二人世界,除咗微微隆起的四個月肚,宋熙年手腳纖幼keep得好fit,仲呃到人。



(@rahrahsong)分享的貼文 於 張貼





(@rahrahsong)分享的貼文 於 張貼





新手媽媽係緊張啲,就算放假都要抓緊時間溫吓書睇定育嬰指南。



(@rahrahsong)分享的貼文 於 張貼





兩公婆仲喺剛過去嘅母親節分別上載同母親合照嘅童年相,唔知將來BB會似邊個多啲呢?



(@chanjason_)分享的貼文 於 張貼





(@rahrahsong)分享的貼文 於 張貼



鍾意就快D Share啦!