2018年7月27日 星期五

《全民造星》再現「MK POP」風采!究竟係陳展鵬定天堂鳥?! __,展鵬,天堂鳥,陳展,陳展鵬,

Feature拷貝
《全民造星》再現「MKPOP」風采!究竟係陳展鵬定天堂鳥?!ViuTV最新舉辦的《全民造星》選舉成為網上熱話,99位入圍男參賽者真係環肥燕瘦咩都有。之 ...


《全民造星》再現「MK POP」風采!究竟係陳展鵬定天堂鳥?!



ViuTV最新舉辦的《全民造星》選舉成為網上熱話,99位入圍男參賽者真係環肥燕瘦咩都有。之前睇到嗰批官方宣傳照已經對一系列嘅「陳展鵬式」娘味濃造型十分感慨,豈料日前開始咗99進50強嘅晉級賽,一眾參賽者嘅奇人奇技更令小編大開眼界!小編心郁郁,就順手睇埋《全民造星》主題曲《前傳》個MV啦,點知馬上回想起舊日瘋魔一時嘅香港寶藏MK Pop – MK味濃嘅獨特音樂!究竟,小編係睇緊99個陳展鵬,定係33隊天堂鳥呢?

撰文:東方新地 | 圖片:YouTube、ViuTV、新傳媒資料庫、網上截圖、Facebook





99位陳展鵬式衣著

之前ViuTv就喺Facebook主頁度公開咗99位入圍男參賽者嘅造型照,由一眾網民投票,揀出心水嘅參賽者。不過網民嘅評價都唔多正面,更有留言話啲相「MK兼老土」,甫士又娘又懶型,成個Show完全衰過ATV經典節目亞洲先生。

ViuTV,全民造星

ViuTV,全民造星



睇緊亞視?!

ViuTV,全民造星





可能係新一輪嘅「MK Pop」?

老實講,睇睇吓《全民造星》主題曲個MV,小編都忍唔住搵番當年啲MK味濃嘅MV嚟睇下,然後愈睇就愈覺得似⋯⋯

魚網風格,小編真係頂唔緊⋯⋯

有好多個陳展鵬啊⋯⋯


呢啲咁嘅甫士⋯⋯小編看唔透⋯⋯



神似天堂鳥

但去到呢個手勢,仲唔係同天堂鳥一模一樣?!

天堂鳥《登陸太陽》MV截圖


真係超神似!!!



究竟係99個陳展鵬,定係33隊天堂鳥?

有冇人可以話俾小編知咩先係啱嘅???

天堂鳥《登陸太陽》MV截圖


嗱,小編唔自私,特登搵番哂兩個MV出嚟,俾大家自行定奪究竟佢哋似唔似!



奇人奇技 陸續有嚟

真係唔止嗰MV,《全民造星》節目本身都好有睇頭⋯⋯好似呢位參賽者嘅歌唱表演,更加喜劇味濃到被ViuTV截咗出嚟做宣傳片,官方話「睇一次笑一次」喎!

47號參賽者:Kyle(莫健彬)

年齡: 26

職業: 零售業從業員

擅長: 舞蹈



而有啲較為睇得少少嘅參賽者,雖然佢就話自己擅長唱歌,但小編就覺得認真搞唔掂,大家可以自己聽下喇⋯⋯



18號參賽者:迪迪仔(鄧禮迪)

年齡: 29

職業: 模特兒

擅長: 唱歌



MK Pop組合代表之一:天堂鳥

雖然天堂鳥嘅三位成員Gordon,Lincoln和Tyrese喺出道歌曲《登陸太陽》嘅造型就認真較為獨特,但除底啲奇怪首飾、化番好個妝、換過套衫,都其實可能比《全民造星》嘅部分參賽者要好一截。



MK Pop 始祖:阮民安(Tommy)

生命力強過小強嘅阮民安 Tommy,當年以組合E-kids其中一員嘅身份推出多張唱片,早前以「Tommy Dragon」嘅形象推出《踩唔死我》一曲,最近更同E-kids隊友回歸樂壇,喺2017年再出新歌,仲開埋演唱會添!









當年出道E-kids已甚有MK味。

全民造星 MK POP

鍾意就快D Share啦!