2018年8月24日 星期五

等2年至中奬 患妊娠糖尿 吳日言:一日打4針直到BB出世 __,吳日言,

吳日言
等2年至中奬患妊娠糖尿吳日言:一日打4針直到BB出世歌手出身的吳日言(Yan)於2016年10月與圈外男友Barry在沖繩註冊結婚,婚後兩公婆一直努力 ...


等2年至中奬 患妊娠糖尿 吳日言:一日打4針直到BB出世



歌手出身的吳日言(Yan)於2016年10月與圈外男友Barry在沖繩註冊結婚,婚後兩公婆一直努力造人,直至今年初Yan宣布陀B,目前懷孕6個月,她日前出席電影首映禮時透露患上妊娠糖尿,現時每日都要打4針控制病情直至BB出世,真係孕媽不易當!

撰文:東方新地 |  圖片:新傳媒圖片、吳日言@ig





吳日言懷孕似中頭獎

懷胎六個月的吳日言,將於年底榮升媽媽,但其實BB得來不易,因為婚後兩年來Yan一直好想要BB,到後來受經痛困擾,檢查下才發現有朱古力瘤,雖然不影響懷孕及生育,但這兩年來她試過不少民間偏坊、食療也未能成功,直至今年初才「中獎」。今日她在IG話由兩年前想自然懷孕,到年頭驗排卵成功受孕,不經不覺就到距離生BB仲有100日,感覺好似中咗頭獎,這種運氣是用錢也換不來。她說:「從前總覺得自己運氣唔好,原來上天一早安排,將你這個小幸運交給我。」





A post shared by (@yan512) on



患上妊娠糖尿  一日打4針直到BB出世

腹大便便的吳日言日前出席電影《行動代號:特工ex》首映禮。Yan透露早前做產檢發現血糖指數很高,因此住了3晚醫院,並證實患上妊娠糖尿。現在她每日都要自己在肚皮打4支胰島素針控制血糖直至BB出世,Yan又話:「醫生同我講會不斷加藥,但叫我唔使擔心,能夠控制到病情,生咗之後就唔使再打,自己希望BB健健康康。」 佢又話最希望可以順產。



吳日言和Coffee(林芊妤)兩位孕媽一碰面有好多話題,事後吳日言喺IG上載二人合照,仲話終於有樣嘢畀Coffee大,就係孕肚,懷孕5個月的她孕肚比懷孕6個月的Coffee還要大!



吳日言話預產期係12月初,雖然佢已知BB性別,但就希望保持神秘,暫不向外公佈!



阿Yan在圈中人緣幾好,同小儀都好Friend!之前世界盃舉行期間,阿Yan就約咗「生煎飽王」蕭潤邦食飯,仲笑對方肚腩好似有咗BB咁大!





A post shared by (@yan512) on





A post shared by (@yan512) on





吳日言入行14年,原來佢當年膽粗粗寄demo去唱片公司自薦,結果加入麥浚龍旗下嘅唱片公司Silly Thing,當年Yan一出道就就憑佢個冬菇頭而成為標記,好多人至今仲記得佢個造型!



04年7月,吳日言推出其首張個人唱片《Little One》,其中《我是外星人》、《點解問點解》、《扯線風箏》、《快樂時代》等都成為大熱K歌,而《扯線風箏》同麥浚龍首《耿耿於懷》以平行時空包裝,兩隻MV更是互相呼應,兩首歌都成為大熱K歌,而且在電台也獲得極高播放率。

《學警出更》


早年森美主演嘅《森之愛情》單元劇系列,就搵嚟多位靚女及人氣女星參演,當年阿Yan人氣高,都獲邀參演其中一集!



吳日言入行多年緋聞不多,她與圈外男友Barry拍拖足足17年,中間離合多次但最終走在一起,二人於2016年10月在沖繩註冊結婚!雖然二人拍拖十多年,但阿Yan就話臨結婚前嘅兩、三年先見家長,佢仲話畀朋友笑佢:「醜佬終須見家翁。」



據知,圈外老公Barry有健身教練牌,早年本刊影到二人甜蜜遊銅鑼灣,原來當日Barry接阿Yan收工,之後兩口子行街,期間下大雨又為她擔傘,好細心!







A post shared by (@yan512) on



靠父畀$200萬首期

據知阿Yan自幼在單親家庭長大,跟爸爸關係欠佳,直到近年父女溝通多了才有改善,而早兩年阿Yan置業,她透露:「我睇緊樓準備上車,都係靠爸爸畀首期,唔好以為做藝人就好多錢,都係爸爸剩返畀我,首期都要200萬。」日前吳父生日,陀住BB嘅阿Yan都為爸爸搞生日派對!





A post shared by (@yan512) on










鍾意就快D Share啦!