2018年8月26日 星期日

5對TVB熒幕情侶 黃翠如 蕭正楠最sweet __,正楠,黃翠如,翠如,TVB,蕭正楠,

熒幕情侶
5對TVB熒幕情侶黃翠如蕭正楠最sweet黃翠如同蕭正楠自公開戀情後,不時分別喺社交網站大放閃光彈,拍拖四年的同 最近上 ,全程公然放閃冇停過,搞到其 ...


5對TVB熒幕情侶 黃翠如 蕭正楠最sweet



黃翠如同蕭正楠自公開戀情後,不時分別喺社交網站大放閃光彈,拍拖四年的同 最近上 ,全程公然放閃冇停過,搞到其他主持人都忍唔住叫佢哋去紅棉路註冊結婚,去到試食環節,蕭正楠霸氣一句「無人欣賞你,我欣賞你」,更加係感動全場。翠如都情不自禁眼濕濕,阿蕭梗係要上前攬吓呵返啦,好多粉絲和圈中人都紛紛留言大讚Sweet爆,相信唔少粉絲都非常希望佢哋兩個快啲「有情人終成眷屬」!其實TVB 熒幕情侶又豈止翠蕭戀呢pair,過往經常有演員假戲真做,由鏡頭下戀到現實生活中,以下呢幾對熒幕情侶 ,你哋又記唔記得?

編輯:東方新地 原文:東方新地、對白Cap圖王 | 圖片:新傳媒圖片、TVB節目截圖、黃翠如Instagram、陳茵媺微博,YouTube:leolokmiki





1.黃翠如 蕭正楠 -《師奶MADAM》

黃翠如同蕭正楠拍拖多年依然甜蜜,其實翠如BB同Edwin 自2014年五月公開戀情後,至今已經拍拖三年!兩人戀情一直十分高調,有如糖痴豆。不論鏡頭前後都可現二人甜蜜蹤影!

其實佢哋嘅戀情萌芽於拍攝《師奶MADAM》之時!翠如喺「定情劇」中飾演由千金小姐變做屋邨師奶的女卧底,而蕭正楠就飾演翠如嘅兒時夢中情人,與翠如扮演夫妻,一同查案。劇中二人有情人終成眷屬,由假夫妻變成真夫妻,而喺現實生活中,Edwin都一樣係翠如BB嘅Mr. Right!個個都Like爆佢哋,二人仲多次一齊奪得 熒幕情侶獎添!

熒幕情侶
話翠如、蕭正楠係TVB最Sweet嘅熒幕情侶,相信冇人會反對吧!唔少FANS都希望二人早日拉埋天窗!



當然唔少得佢哋喺《幕後玩家》入面嘅濕身出浴激嘴戲份!



《美女廚房》蕭正楠黃翠如 放閃光彈唔使錢!

蕭正楠同黃翠如打情罵俏打到上《美女廚房》,眾人梗係要食吓花生、抽吓水點知不敵閃光彈,張振朗淨係企喺一邊都頂唔順,開口講笑話自己都係出返去先



其中一幕,廚房門一打開,黃翠如攞住菜刀質問眾人:「你哋邊一個踩我!」,吳卓羲立即指向蕭正楠:「佢(蕭正楠)話身材好過你。」



黃翠如即刻回應:「除衫!睇你係咪好過我!」,點知,抵死嘅蕭正楠神回:「你知㗎!」真係閃到冇人有啊!!!



蕭正楠 公開盛讚

讚還讚,成集蕭正楠讚黃翠如冇停過口,連女友切幾片薑都讚!

梗係搞到全場嘩然!



想做100分男友嘅命運係咁㗎喇!



深情對望

黃翠如喺第一輪嘅菜式獲得除咗蕭正楠以外嘅人嘅一致負評,但阿蕭喺翠如深情嘅目光下,竟然講得出:「其實好甜!」然後再Chok爆回望翠如,真係唔使加Effect到感覺到佢哋有幾Sweet



愛情來了的《美女廚房》

試食咗少少,蕭正楠Man咁爆咗一句:「無人欣賞你,我欣賞你。」再嗱嗱塞哂翠如煮嘅餸落口,哇,真係感動全場!



蕭正楠真情流露 黃翠如眼泛淚光

能夠搵到個願意煮飯俾自己食嘅女人,係幾咁幸福!難怪全場都係咁起哄叫佢哋快啲注冊結婚!



「結婚!結婚!結婚!」

相信唔少粉絲都非常希望佢兩個快啲「有情人終成眷屬」,唔知幾時會聽到佢哋嘅好消息呢?





【美女廚房】「蕭黃」閃爆美女廚房

【美女廚房】「蕭黃」閃爆美女廚房蕭正楠同黃翠如打情罵俏打到上美女廚房!一句「無人欣賞你,我欣賞你」,哇真係感動全場搞到翠如都眼濕濕! 小編都好想快啲見到佢哋有情人終成眷屬啊!#美女廚房 #cookingbeauties #蕭正楠 #黃翠如 #美女廚房爆笑精選即刻上 big big channel 睇 「蕭黃」閃爆美女廚房立即下載 big big channel 追蹤iOS 版本:https://goo.gl/mKdpgYAndroid版本: https://goo.gl/koAb9o

Posted byTVBon Saturday, 18 August 2018



2.胡杏兒 黄宗澤 - 《我的野蠻奶奶》

相信大家仲記得杏兒喺拎視后時候向Bosco講嘅愛的宣言,杏兒當時話:「我知道我好多缺點,我都好難頂,但你都好多缺點,你都好難頂,我希望……我哋一路頂住大家。」



其實佢哋喺2005年拍攝古裝劇《我的野蠻奶奶》時撻着。杏兒喺劇中同Bosco飾演夫妻,與野蠻奶奶汪明荃鬧出唔少婆媳糾紛嘅趣事。喺現實生活中,Bosco同杏兒呢對姐弟戀長達八年,喺圈中公認為金童玉女。可惜,佢哋最終都冇繼續「頂住」,喺2012年以分手收場。



同Bosco分手三年之後,杏兒終於遇到佢嘅真愛。佢喺2015年正式宣布同金融才俊李乘德(Phil)拍拖,而Phil亦喺同年杏兒生日當日求婚成功。



3.鄭嘉穎 周麗淇 -《翡翠戀曲》

要數鄭嘉穎和周麗淇嘅經典作必定諗起《天幕下的戀人》,但其實佢地喺2004年《翡翠戀曲》一劇已經首度合作。其後先誕生《天幕下的戀人》同佢嘅姊妹作《最美麗的第七天》。三套劇入面兩人都係飾演情侶,難怪佢哋拍出真愛!雖然佢哋並冇公開戀情,直至分手後先正式承認五年地下情,但係二人戀情一直係公開嘅秘密。



而嘉穎同陳凱琳嘅「父女戀」同樣係萌芽於拍劇!二人於2015年拍攝劇集《殭》而認識,同年承認拍拖,及至早前二人有情人終成眷屬,於峇里結婚。



鄭嘉穎婚禮 鄭太話晒事

拍拖3年的陳凱琳與鄭嘉穎,8月12日在印尼峇里的Bvlgari Resort Bali舉行婚禮,因為峇里附近的龍目島在個多星期內經歷三次地震,更一度發出海嘯警告,有傳婚禮一度考慮改到布吉舉行,但新娘子陳凱琳情傾峇里的無敵大海景,鄭嘉穎不想老婆失望有遺憾,決定風雨不改。

陳凱琳

下午2時,陳凱琳換上白色婚紗,翹住爸爸臂彎步入教堂,當時陳爸爸強忍男兒淚,送愛女出嫁。


自婚禮消息曝光後,外界有傳二人奉子成婚,才會結得如此急,事實卻是去年聖誕鄭嘉穎已求婚成功,陳凱琳這半年來一直在籌備她的夢幻婚禮,鄭嘉穎更把所有話事權交給陳凱琳,而他就負責找數。雖然今次未有在香港擺酒大排筵席,但鄭嘉穎亦跟足傳統娶陳凱琳,過大禮及禮金都做足。

鄭嘉穎

鄭嘉穎見到陳凱琳行入教堂即流咗兩條馬尿,兩人在聖壇前執子之手,由牧師帶領進行誓詞儀式,其間非常感動,眼有淚光。


鄭嘉穎話遇到陳凱琳後就想同佢組織家庭:「你帶畀我嘅喜悅、快樂,係從來未試過⋯⋯多謝你答應嫁畀我,無論以後條路係點,我哋一齊行落去,我會照顧你一生一世,I Love You So Much!」



陳凱琳感謝鄭嘉穎,仲邊喊邊講:「多謝你,我係一個好冇自信嘅人,喺我失望、對自己好冇自信嘅時候,你一定會鼓勵我要堅強、要釋懷,難過嘅時刻會過去,要諗住將來嘅開心,每一次你都係啱。」

鄭嘉穎

一對新人在教堂行完禮步出時,在場半百賓客一齊歡呼,鄭嘉穎陳凱琳更多次溫馨錫錫,盡顯濃情蜜意,場面感人。



4.馬國明 胡定欣 -《舞動奇跡》

馬國明好戲、靚仔之餘,幾乎零緋聞,確實係圈中既「筍盤」之一。原來多年前「筍盤」都曾經俾胡定欣「封盤」。事緣兩人喺2008年拍攝舞蹈真人Show《舞動奇跡》中跳出真愛,可惜拍拖不足一年以分手收場。分手後,定欣指同馬明因為基礎唔穩定,而且太多顧忌而分手。



同定欣分手後,馬明一直未有着落,但早前馬明與黃心穎傳出緋聞,經常被影到撐枱腳同約睇戲,又不時情侶檔出席活動。馬明公開表示唔介意大家叫黃心穎係佢女朋友,戀情正式公開!



而定欣嘅感情路崎嶇,雖然之前同陳展鵬傳出緋聞,仲以情侶檔出騷,點知最後殺出個程咬金,展鵬暗撻港姐單文柔,而近日定欣被指秘戀新人施駿喆,但定欣否認並稱對方只係小粉絲。



5.  陳豪 陳茵媺-《心戰》

睇咗咁耐,好似每對TVB熒幕情侶都逃唔過分手收場⋯⋯其實又唔係嘅!陳豪同陳茵媺喺2010年拍《心戰》一劇認識。雖然佢地唔係飾演情侶而係兄妹,但都一樣可以擦出愛火花!兩人喺2010年相戀,拍拖兩年多後在巴黎結婚,短短四年就頻頻「造人」,至今已經生左兩仔一女,簡直就係TVB嘅模範家庭!

早前茵媺生日就同Moses去咗二人世界,仲講笑話好耐未試過咁寧靜。


Moses同囡囡咁Sweet,唔知茵媺會唔會呷醋呢?









鍾意就快D Share啦!
Related Posts Plugin for WordPress, Blogger...