2018年8月4日 星期六

一拖三返多倫多!陳茵媺 返娘家大解放 __,茵媺,陳茵媺,

陳茵媺
一拖三返多倫多!陳茵媺返娘家大解放四年抱三、湊仔女親力親為、今年暑假仲要一個打三個坐長途機返娘家多倫多探親,唔止老公陳豪話陳茵媺係SuperMum,相 ...


一拖三返多倫多!陳茵媺 返娘家大解放



四年抱三、湊仔女親力親為、今年暑假仲要一個打三個坐長途機返娘家多倫多探親,唔止老公陳豪話陳茵媺係Super Mum,相信好多觀眾同港媽都同意!話說計劃咗成年要帶班仔女返多倫多,可惜陳豪要留港拍新劇《殺手》,Aimee唯有一個人單獨鬥照原定計劃上飛機,雖然已經係第二次一拖三,不過今次連細女都識行識走,又係另一種挑戰,最後16個鐘機程,Aimee安排妥當,無驚無險安然度過,仲有閒情喺飛機拍片分享吓機程中三個細路玩啲乜㖭!

撰文:東方新地 |圖片:陳茵媺IG





陳茵媺 返娘家大解放

其實心水情粉絲實有留意,由生第一胎開始,陳豪兩公婆分享家庭子女照一定遮眼又「影后」,四年來一直避免讓仔女真面目曝光。今個暑假由上機到日日玩樂,竟然P圖遮眼一概慳番,cuteAidenNathanCamilla一次過曝晒光。

陳茵媺





日前,陳茵媺一個人湊住三個24歲仔女出發往多倫多探親。一向親手湊慣湊熟係熟手媽媽,雖然16個鐘機程係好大挑戰,不過在Aimee嘅妥當安排下,可以安然度過,她立即拍片記低呢個時刻。

由上機一刻,仔女容貌正式曝光,相差一年嘅3歲二子Nathan同2歲嘅囡囡Camilla好啱傾又啱玩。




兩個星期冇見仔女,陳豪就爆公開子女容貌原來有共識:「我哋過咗個心理關口,都無所謂啦,又唔係宣傳佢哋,有時候開心嘅事,值得同大家分享。」





媽媽自爆狂隊咖啡對付12個鐘時差,至於班細路,大把空間活動放電,應該隨時瞓得著。





細女Camilla眼大大同Aimee如餅印,可愛到暈,難怪喺媽媽連日分享中曝光最高。





 當一個湊三個已經成為Aimee日常,帶住三個細路去超市入貨又算得係乜?睇落Aiden幫手拖購物車,NathanCamilla齊齊坐喺超市車內亦都好乖巧易湊,兄妹感情好好。





而三個小朋友去到加國亦都大解放,每日都接觸大自然,同喺香港的確好唔同﹗難怪三個小朋友喺Aimee鏡頭下都係笑得好燦爛啦﹗



除咗天氣一流、鳥語花香,去到多倫多大仔Aiden連青蛙仔都有得玩,難怪爸爸陳豪都玩開心事值得同大家分享。

鍾意就快D Share啦!
Related Posts Plugin for WordPress, Blogger...