2018年8月15日 星期三

「龔燁」原來可以好仙氣?張景淳 雌雄難辨 __,張景淳,

張景淳
「龔燁」原來可以好仙氣?張景淳雌雄難辨拍《愛·回家之開心速遞》令到人氣急升,呢期邊個搶眼得過「龔燁」張景淳?所以出街笠番頂帽、遮吓個樣,唔想畀班街坊認 ...


「龔燁」原來可以好仙氣?張景淳 雌雄難辨



拍《愛·回家之開心速遞》令到人氣急升,呢期邊個搶眼得過「龔燁」張景淳?所以出街笠番頂帽、遮吓個樣,唔想畀班街坊認出嗱嗱聲辦完正經事,都係正常諗法。不過人笠帽佢又笠帽,唔係親身喺街上見過張景淳個微服出巡樣,都估唔到原來「龔燁」都可以好仙氣!

撰文:東方新地|圖片:新傳媒圖片庫、





張景淳 皮膚白雪雪

睇見張景淳長髮飄飄成個負離子F4咁嘅樣、皮膚白晳鬚根都冇多條、最緊要係手長腳長又白又幼,喂呀!清秀到咁擺喺電視台就話多條戲路可以反串啫,行出街好易惹誤會,以為撞到靚女㗎嘛!

張景淳



日光日白、旺角勝利道街頭,有個皮膚白雪雪、眉清目秀又長髮過肩嘅人出現,記者真係以為咁好彩撞到邊個女明星。



Cap帽、白色小背心同黑色長褲,同條街幾個女性都係一個著法,張景淳仲比人更高瘦、更皮光肉滑。



好彩集中精神睇多兩眼,至見到呢個原來係每晚都會上《愛·回家之開心速遞》嘅「龔燁」張景淳。



張景淳喺《愛·回家》飾演嘅「賤精先生」龔燁同呂慧儀互有好感,呢條感情線好受歡眾歡迎,但早前因為張景淳另有工作安排要暫別劇組,搞到網民大喊唔捨得,不停留言叫佢快啲回家,然後同呂慧儀再續緣!張景淳立即留言指承諾會再回歸,請大家耐心等待!



張景淳離《家》出走 斷「龔水」線

今年3月《愛》劇講張景淳飾演嘅「龔燁」因為幫「熊若水」食死貓,最後要辭職離開香港去新加坡,作為佢「消失」嘅原因。網友紛紛喺IG留言,話好唔捨得佢走,又話好鍾意佢同「熊若水」呂慧儀呢條感情線,希望佢快啲返嚟,仲有網友大玩「龔燁」個諧音話要發起「工業行動」要令佢返家呀!

張景淳

張景淳同呂慧儀合作無間!
張景淳

張景淳離家,網民希望佢快啲返家⋯


其實張景淳之所以被消失,係因為公司安排咗其他新工作畀佢,所以先會以此方式離開。張景淳又話雖然只係加入《愛》短短四個月,但團隊氣氛好好,而且同拍檔呂慧儀嘅合作都好有默契,對於能否再加入《愛》都係隨緣!

張景淳

張景淳話感謝編劇同監製,畀佢先後演家明同龔燁呢兩個角色,令更多人認識佢。


講到大批網友要景淳快回家,問到景淳咁幾時回家呀?他說:「我見佢哋集氣又喺討論區開Post講,真係好緊張,自己好感恩好開心,其實我自己心情都同佢哋一樣,『龔水』呢條線有冇得繼續就要睇緣分,大家要繼續睇落去。」

張景淳

景淳早年在劇集《天與地》飾演「家明」一角而令人熟悉,之佢加入《愛·回家之開心速遞》演「龔燁」一角人氣急升!


回《家》再續「水的燁緣」

本月初張景淳就已回歸《愛·回家》,同呂慧儀再續「水的燁緣」!





(@cheungstanley)分享的貼文 於 張貼







(@cheungstanley)分享的貼文 於 張貼







(@cheungstanley)分享的貼文 於 張貼





近日劇情仲講到「龔燁」獲「送水輝」(許家傑飾) 及尋寶圖等人邀請參加威龍籃球賽。

\
愛回家之開心速遞



於 張貼





於 張貼







(@cheungstanley)分享的貼文 於 張貼



鍾意就快D Share啦!
Related Posts Plugin for WordPress, Blogger...