2018年8月29日 星期三

麥明詩發文恭賀陳曉華掀罵戰 慘成網民批鬥對象! __,陳曉華,麥明詩,

麥明詩
麥明詩發文恭賀陳曉華掀罵戰慘成網民批鬥對象!(Louisa)今年就以師姐份首次擔任港姐司儀之一,而最令人印象深刻的事件之一,相信是當晚Louisa被D ...


麥明詩發文恭賀陳曉華掀罵戰 慘成網民批鬥對象!



(Louisa)今年就以師姐份首次擔任港姐司儀之一,而最令人印象深刻的事件之一,相信是當晚Louisa被Do姐窒到口啞啞一幕!日前,Louisa於個人社交網發文恭賀今屆港姐冠軍陳曉華,卻意外慘成網民批鬥對象!

撰文:東方新地|圖片:Instagram、新傳媒圖片庫





麥明詩被Do姐窒到口啞啞

今屆港姐出爐,貴為10A港姐的麥明詩(Louisa)今年就以師姐份首次擔任港姐司儀。相信最令大家記得嘅一幕,係喺泳裝問答環節,Louisa與馮盈盈負責其中一個問答環節,並配合Dodo姐問佳麗問題。當11號李明芙(Samantha)出場時,麥明詩負責問問題,問及關於公平的問題:「香港小姐得女仔可以參加會唔會唔公平?」起初Samantha都答到問題。

麥明詩



但其後麥明詩追問:「如果邊個佳麗當選咗你會覺得唔公平?」Samantha開始支吾以對,流露出尷尬嘅神情。Dodo姐見到Samantha面有難色,梗係馬上化解指:「唔洗逼住揀一個㗎。唔一定唔公平㗎嘛。」



點知麥明詩好似唔知Do姐係喺度俾落台階Samantha,反而向Do姐講:「Dodo姐咁nice嘅,我覺得好唔公平呀!我之前參選都冇咁樣…」隨即Do姐話麥明詩:「仲想點呀!你係香港小姐嚟㗎嘛!」結果窒到麥明詩只識得尷尬笑,但就令全場歡呼,成為全晚高潮之一!



麥明詩發文恭賀

日前,麥明詩於個人社交網發文恭賀今屆港姐冠軍陳曉華,其中乘機抽自己水留言寫道:「17號佳麗陳曉華選到香港小姐冠軍就最唔公平喇,已經咁靚、咁高、腿咁長、仲要係一個有愛心嘅護士,已經擁有咁多嘢再加多個港姐冠軍實在是太不公平了!」



及後,Louisa續指:「不過17號佳麗陳曉華憑著出眾的外貌、淡定的對答、空中瑜伽所展現的努力和力量,贏到港姐冠軍就最值得了!」



麥明詩慘成網民批鬥對象

本身出於好意嘅Louisa係想留言恭賀陳曉華勝出今屆港姐,更難得係Louisa大方抽自己水,本應就唔成問題嘅。不過,今次Louisa呢番留言就引起咗唔少網民嘅不滿,有網民佢「冇資格做主持」又話佢唔應該再提:「你選到咪叫公平囉,又抽水」仲叫佢衰咗就認,結果引起網民罵戰!



有網民不滿嘅同時,有網民留言撐Louisa並直言:「佢(麥明詩)都係抽自己水,製造話題,香港人,放鬆啲」亦有網友叫Louisa唔洗太介懷一啲唔好嘅留言!



麥明詩冷靜回應

另一方面,麥明詩就梗係留意到大家嘅唔同留言,雖然飽受批鬥,但依然冷靜回應,留言指:「問題都係幕後團隊一起制定的」希望可以平息網民之間嘅罵戰!



但有網民仍然就其回應繼續話Louisa,睇嚟今次Louisa都真係幾無辜,明明係真心恭喜陳曉華,但反而變成被網民批鬥嘅對象。



港姐決賽嘉賓司儀齊搶鏡

今年嘅嘅司儀組合與往年有啲變化,雖然冇咗鐵腳曾志偉,但今屆就有Do姐領軍,帶住農夫二人、陸浩明、麥明詩等人做司儀,陣容夠哂人強馬壯!一眾司儀當然唔少得落足心機裝扮到靚一靚,華麗出席當晚盛事Do姐以黑色蕾絲邊deep V 嘅晚裝示人,令企喺正中間嘅Do姐更加亮眼!



兩位港姐冠軍麥明詩同馮盈盈以師姐身份首次做港姐司儀,雖然二人司儀經驗尚淺,但麥明詩事前就表示自己唔太緊張,因為佢哋只係負責補充,主要都係負責問答環節。



至於問到馮盈盈驚唔驚講錯嘢,一向言行大膽嘅佢就指呢個世界冇話講唔講錯,反而認為就算講錯都可能係個機會去畀大家補救,係一個表現嘅機會。隨後,麥明詩仲笑言佢兩個最叻就係講錯嘢。



馮盈盈感觸發文

而喺噚晚,馮盈盈就喺個人社交網發長文,表述自己人生第一次做港姐司儀嘅感受,提到自己由參選港姐到卸任,再有幸成為港姐司儀之一,感覺一切好神奇。當中亦提及當晚一啲有趣嘅互動掀起咗全晚其中一個高潮,唔知係咪想講麥明詩被Do姐窒一事呢?



其後,佢更開名感謝一個人,就係高貴又有急才嘅鄭裕玲,多謝Do姐在台前不斷為佢哋打圓場同主持大局 ,亦感謝各位前輩司儀的帶領和台前幕後嘅努力!



盈盈臨尾tag住「以為問人問題好簡單 原來殊不容易 我寧願自己答番 雖然中間火花四濺  但總算製造到氣氛  希望你地(哋)睇得開心 我地(哋)就真係死而無憾」講到咁肉緊,睇得出佢真係好重視今次嘅司儀工作!



其實,去年盈盈有份主持《勁歌金曲頒獎典禮2017》,當時佢就自認講嘢太MK,又被批評食螺絲。不過,今次盈盈就獲得網民唔少嘅好評,大讚佢做港姐司儀做得好,仲叫佢繼續努力!睇嚟係有明顯進步喎!



港姐2018賽果 冠軍17號陳曉華

2018年港姐冠軍正式誕生, 由17號陳曉華奪得!



由上年嘅冠軍雷莊兒為佢加冕!

 



喺才藝表演環節,陳曉華表演空中瑜珈!



亞軍20號鄧卓殷

現年23歲的20號鄧卓殷(Amber)除了奪得亞軍,仲攞埋最上鏡小姐,成雙料港姐。Amber畢業於港大建築系,現職是是一名見習建築師。在學期間,她曾在由亞洲權威雜誌Perspective舉辦嘅年度設計頒獎盛事A&D TROPHY AWARD獲獎,同時學咗十幾年中國舞,真係才貌雙全。



亞軍鄧卓殷獲讚泳裝環節騷急才,臨場想到為農夫改新名「播種的機」,引得全場歡笑及拍掌。她謙認賽前做足功課,有找過農夫的背景資料。



決賽當晚,從小習舞的Amber表演強項中國舞,難怪獲星級評判激讚。



Amber笑容甜美,比賽當晚表現自然又有自信,獲亞軍也相當合理!

 



大家都知道港姐首輪面試可謂「燕瘦環肥」,咩人都有,不過昨日呢位白裙長髮少女出場、見到佢笑容甚為甜美、身材高佻,即時謀殺唔少菲林!



Hera

白裙飄飄好仙氣!


中大護理系靚女Hera

23歲陳曉華Hera今夏剛畢業於中大護理系﹐Hera接受訪問時表示自己未搵到工,所以決家試試參選港姐。呢個絕對係明智決定!



Hera

173cm身高相當突出!


173cm模特兒身材

此時大家當然都關注有冇玩開社交網站,答案係有的,而且公開靚相任睇。身高173cm的Hera擁有模特兒身材,同時真係一位兼職模特兒,張張相都美感滿滿,要follow!









Hera今年剛畢業於中大護理系,見到佢早前亦有分享數張畢業照,同樣係靚到爆,Model真係唔同啲!





有樣靚有Model身材,著咩衫都靚過人!









無敵白滑長腿

長腿真係冇得輸!



朋友立即被比下去呀陰功!




泳衣照貴精不貴多

最後當然係大家最期待的泳衣照不過數量又唔算多,唔知Hera開始出名後,會唔會分享多啲福利益網民呢?

呢張正呀喂!


真係高人一等!


曾同狄以達拍拖

Hera曾經同歌手狄以達拍拖,兩人曾被影到在牛頭角一一餐廳撐枱腳,舉止親蜜,而Hera畢業時達仔亦有露面。達仔回覆傳媒時,表示佢同Hera大概喺四月時已分手,不過都支持前女友參選!

鍾意就快D Share啦!
Related Posts Plugin for WordPress, Blogger...