網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年8月4日 星期六

捱足五年成功洗底 陳山聰 繼續潮 __,山聰,陳山聰,

陳山聰
捱足五年成功洗底陳山聰繼續潮當年同超雲拍拖時出入極高調衣著極浮誇,如今陳山聰捱足五年成功洗底,打扮極低調,不過全身黑背後依然不失潮山聰本色。撰文:東方 ...


捱足五年成功洗底 陳山聰 繼續潮



當年同超雲拍拖時出入極高調衣著極浮誇,如今陳山聰捱足五年成功洗底,打扮極低調,不過全身黑背後依然不失潮山聰本色。

撰文:東方新地|圖片:新傳媒圖片庫、





陳山聰 升呢做男一

經歷過高攀何家千金超雲一役失敗、慘被飛又一鋪清袋輸埋演藝形象後,陳山聰回歸電視台、跑步減肥,專心拍劇又再回歸平淡搵到個門當戶對好女友Apple,捱足五年,陳山聰終於成功洗底,第一次做到男一有得擔正新劇《金宵大廈》,仲話要勤力儲錢出年娶Apple過門咁話。

陳山聰



五年前身型曝脹、穿著浮洿,日日不事生產遊山玩水,五年後再喺街頭見到陳山聰絕對係另一番景象,雖然都係襯到足一身潮服,不過黑色帽黑色T黑色袋又黑色鞋,不知幾低調。去完中完辦完事,都係買個面包醫肚好慳儉,真係講到又做到,儲緊錢結婚喎!



當年同超雲拍拖時出入極高調衣著極浮誇,如今陳山聰打扮極低調,不過全身黑背後依然不失潮山聰本色。



去完中環寫字樓疑似辦完私務,陳山聰攞車返歸前見肚餓,都係去麵包店買個包醫肚。



途中被女遊客認出寒喧幾句又邀請合照,陳山聰個樣都極謙虛又合作。

陳山聰



攞完車臨走見到記者,山聰主動揮手講拜拜。



早前陳山聰在《天命》演乾隆私生子福長安,戲份極重。

陳山聰



新劇《金宵大廈》飾演不死人看更,首次擔正做男一。



(@joelshanchung)分享的貼文 於 張貼





現正拍攝另一套新劇《十八年後的殺人告白》,飾演黑社會一哥,有打擂台戲份,因此要瘋狂操肌!



(@joelshanchung)分享的貼文 於 張貼





於 張貼





平日仲經常跑步keep fit,形象變得健康。



(@joelshanchung)分享的貼文 於 張貼





於 張貼





陳山聰靠女友洗底成功 明年做老襯

由樂壇撈到去電視,歷經25年,尤其五年前被何家千金狠飛跌到谷底,去年台慶頒獎禮陳山聰終於奪得入行以來第一個「最佳男配角」獎項,難怪特別激動,谷爆眼淚感激一同陪伴度過低潮的身邊人,除咗形同父親的大哥外,另一個特別點名,正是「照顧我四年半的女友」。

陳山聰

由低谷爬上高峰,去年陳山聰首獲「最佳男配角獎」時,便點名多謝四年多來陪在身邊的女友。


近年眼見事業重步正軌,已經在多次訪問中表示當正女友係屋企人、將會努力儲錢買戒指,據知情人士透露,雖然哥哥在澳門打理家族生意係富戶、女友出身亦不差又有自己的美容生意,陳山聰還是和女友有共識,太過鋪張對形象無益,所以部署明年中與女友旅行結婚。

陳山聰

眼見陳山聰同Apple拍拖後踏實咗又再次被觀眾接受,無綫亦敢再次重用,年初開拍的《金宵大廈》更是他入行以來首次做男一。


陳山聰

11年搭上何家千金,即時曠工唔恨做、長達兩年時間專陪女友周遊列國,陳山聰當年的渣男形象用了五年才得以洗底。


哥嫂當正弟媳

除了終於事業有成、到了適婚年齡,女友亦不介意自己過去外,知情人表示,老婆娶唔娶得過,陳山聰最看重還是大哥意見:「啱啱分手又未返電視台,阿哥叫佢返屋企幫手,山聰寧願月入8千去做sales,再加上形象差個個對佢指指點點,當其時真係好難捱。所以Apple嗰段時間已經同佢一齊又話唔介意佢過去,亦唔介意事業無成,唔止山聰覺得感動,大哥大嫂都睇在眼內。」

陳山聰

早前一班crazyrunner成員為袁偉豪慶祝生日,主角帶住女友張寶兒出席,陳山聰亦帶埋Apple,完全融入對方朋友堆中。



知情者續說:「經過四年幾相處,屋企旅行、聚會一定有Apple份,呢個女仔大方斯文又喺幾年時間內改變咗山聰,所以大哥大嫂都真係當咗佢係弟媳一樣。」

陳山聰

平淡樸素拍拖生活與當年陳山聰戀上何家千金時有天壤之別,早前Apple又跟住山聰去九龍塘平歎車仔麵。入到麵店巧遇獨自開餐的梁烈唯,陳山聰同唯唯搭枱吹水,Apple就乖巧又識做坐在一旁靜靜聽男友發表偉論。
陳山聰

由形象插水到一步一步收復失地,陳山聰如今務實勤力深入民心,食完車仔麵更獲老闆邀請合照。
陳山聰

難得一齊放假,二人食完車仔麵醫肚,轉場去九龍塘樓上舖按摩,簡簡單單拍拖一日就打道返回將軍澳住所。


融入家中

換著以前,陳山聰可能未定性,有變數都唔奇,但近日山聰逐步確立女友未婚妻地位,看來,今次走唔甩!

陳山聰

拍拖四年半,陳山聰大哥大嫂一早當正Apple係自己人,去年大嫂生日,山聰要拍劇,就派出女友做代表面貼面賀大嫂。



陳山聰

早前陳山聰又帶Apple和大哥大嫂一起去日本旅行,已經融入家中。
鍾意就快D Share啦!