2018年8月1日 星期三

陸浩明大爆好人好事 TVB型爸「扮Iron Man」幫手截車! __,陸浩明,TVB,

陸浩明
陸浩明大爆好人好事TVB型爸「扮IronMan」幫手截車!近日,3位主持人陸浩明(6號)、麥明詩及馮盈盈終於合體主持《後生仔傾下偈》,但少有地無提到任 ...


陸浩明大爆好人好事 TVB型爸「扮Iron Man」幫手截車!



近日,3位主持人陸浩明(6號)、麥明詩及馮盈盈終於合體主持《後生仔傾下偈》,但少有地無提到任何黃色話題,皆因節目的主題為「自戀」。一班後生仔同主持人就一齊討論有自戀傾向的人的一些行為特徵。其中,6號就提到當年啱啱加入TVB時的一件好人好事!

撰文:東方新地|圖片:TVB截圖、新傳媒圖片庫、Instagram





陸浩明大爆好人好事

最近一集《後生仔傾下偈》中,一班後生仔同主持人就以自戀為題,一齊討論有自戀傾向的人的一些行為特徵。首先,陸浩明(6號)就問馮盈盈有冇曾經係拍劇時遇到一啲有自戀傾向的對手,點知麥明詩就搶先話馮盈盈唔係拍過好多套劇,表示6號咁問盈盈就好尷尬。



相信大家都知,無論節目中邊一位主持人都好,雖然都有拍過劇集,但始終數量唔多,所以麥明詩其後都叫6號唔好問佢,因為佢自己都拍過好少劇。



有位醒目嘅後生仔見兩位女主持都冇嘢可以發表,就話不如問6號,諗住睇吓6號有冇得可以同大家分享。



6號聽到嗰位後生仔射個波俾佢,佢即刻搞笑咁話:「我拍好多劇㗎!」仲表示同過陳豪合作過,指對方嘅演技都唔錯,當時6號做一個醫生,而陳豪就黎睇病。



但聽6號呢個分享就雖然好似同自戀嘅主題冇咩大關係,但6號一於有理冇理就繼續講,指有次自己一抽二褦,喺公司收工,但望一望錶眼見就嚟有巴士,以為自己搭唔到班車時,就咁啱遇上陳豪。



6號指陳豪嗰陣時好好,因為佢當時啱啱入TVB,見6號好似會趕唔到巴士,於是就幫手截住㗎巴士!



陳豪「扮Iron Man」幫手截車

大家可能會諗陳豪係點同6號截車,而6號就表示當時陳豪突然間一個急步,好有型咁做出一個Iron Man嘅手勢:「得!6號我幫你截住佢!」



6號仲話:「我男人都鍾意咗佢啊呢啲~」聽到咁,小編都覺得陳豪堅冇架子之餘,仲好有型!



當然,唔少得在場嘅一班後生女都紛紛大讚陳豪man爆嘅行為,亦都表示:「好正啊!」



陳豪 違泊極速入手新袋

上月11日是陳豪(Moses)、陳茵媺(Aimee)結婚五周年木婚紀念,人妻例牌又喺IG放閃,由老公揸機、全程錄影上直升機升空畫面,直擊二人飛住過大海食飯慶祝。當時Aimee甜絲絲向記者表示結婚紀念冇禮物收喎:「我哋坐直升機去澳門食飯,兩個人靜靜哋,冇小朋友圍住,已經覺得好浪漫。我哋兩個著重一齊嘅時間,反而唔係買禮物行先,不過都可以計劃重遊巴黎嘅。」事實證明,原來有心氹老婆,禮物隨時隨地都可以送!

陳豪

入到名店內Aimee揀袋、陳豪埋單,等待店員包貨時,Aimee陪老公一齊坐低,表情冧爆。


日前在名店林立的銅鑼灣利園商場,又見陳豪孖住陳茵媺現身專門店內。陳豪恤衫短褲隨意束起長髮、陳茵媺就素顏襯上白T鬆身褲,明顯拍拖即興殺到嚟銅鑼灣。孭住經典款Chanel手袋的Aimee在專門店內專心揀手袋、識做老公就坐埋一邊乖乖等候,十分鐘都唔使,Aimee搵到心水、店員細心包裝、阿Mo二話不說攞出銀包負責埋單。

陳豪

出錢又出力,買完袋送畀老婆,陳豪再二話不說幫手攞埋,齊齊行出商場時,陳豪又例牌有風度地開埋門。


正所謂物以類聚、人以群分,出街買個袋又遇到粉絲想集郵,兩公婆都唔覺得被打擾,反而笑容滿面有求必應,性格一樣平易近人又難怪拍劇撻著修成正果。一向鍾情買袋儲袋,原來呢一日Aimee目的就係得一個,全程半個鐘內完成購物,陳豪畀完錢再幫手攞埋戰利品,好有風度咁幫老婆開商場玻璃門、再有講有笑行上車揸車回歸,恩愛夫妻咁又一日!



集郵夫妻

陳豪出名平易近人,私人時間被店內客人認出要求影合照一樣有求必應;又難怪二人咁啱channel,Aimee同樣唔覺被打擾、笑笑口站在一邊老公被集郵,自己再被集埋一份。



兩公婆呢轉目的只得C字頭名店一間,買完就離開攞車,原來為咗快靚正買到戰利品,陳豪冒險就泊咗架車喺隔籬街。



仔女無份

三年抱三、平時亦都經常一家五口出動家庭日,不過呢日係爸爸媽媽拍拖日,唔見4歲Aiden、3歲Nathan同兩歲Camilla。

 於  張貼





長期閃光彈

生日送袋

愚人節生日的Aimee今年生日前同陳豪放低仔女一齊飛到去意大利預祝生日,等到生日正日,就晒個炒價一度高達20萬的Hermès On A Summer Day Constance III限量袋生日禮物多謝老公。



(@aimeechan_official)分享的貼文 於  張貼





大賀木婚

上月11日係二人結婚五周年木婚紀念日,陳豪特地安排直升機行程飛去澳門撐枱腳,Aimee就全程拍片放上網,閃到網友眼都盲。





(@aimeechan_official)分享的貼文 於  張貼





拍拖睇戲

Aimee產後復出客串電影《某月某日》,陳豪現身支持完首映、再擇日同Aimee買飛入場睇多次,同日又買咗對萬多元Roger Vivier鞋送畀老婆。



(@aimeechan_official)分享的貼文 於  張貼





甜讚性感

老公出錢老婆就出口,陳豪送袋送鞋包豪遊,陳茵媺就間中在個人IG上載陳 豪專心工作樣,讚老公專注時最性感!



(@aimeechan_official)分享的貼文 於  張貼





陳茵媺撇甩陳豪 一拖三返加拿大探親

陳茵媺(Aimee)同老公陳豪結婚五年,婚後三年抱三,日前雖然各自出席活動,但不約而同都大講仔女經,Aimee透露將會趁暑假撇甩陳豪,自己一拖三帶住三個仔女返娘家加拿大探親,話就話上年都試過一拖三去旅行,但Aimee指以前囡囡仲細好易湊,依家就開始識得跑跑跳跳,大仔仲未出發先興奮㖭,佢又話:「我覺得我實在太掛住娘家,去一個月太少啦,而且一返嚟就要開學!」



Aimee表示將會安排仔女去加拿大農場玩,仲會有好多戶外活動。



Aimee指老公陳豪有工作在身,所以唔會同行,佢笑言可以畀老公放吓假:「因為佢冇工作時都要幫手湊啲仔女,而且佢嚟緊拍下部劇集,要準備操Fit啲身形!」



Aimee又表示有意帶仔女做慈善探訪:「以前我喺加拿大時都有跟爸爸媽媽去做義工,所以都想繼承呢個傳統,帶幾個小朋友去做義工,希望小朋友將來亦都會帶佢哋嘅仔女去。」



同場嘅陳嘉寶(Anjaylia)話想請教Aimee保養心得:「生一個都已經好忙,佢仲有三個,生完仲要好似冇生過咁,我都想好似佢咁樣!」



陳豪 做仔女榜樣

同日出席另一活動嘅陳豪就同一名患血癌嘅五歲小妹妹Selina上台互動,佢大呻三個仔女已經開始識得駁嘴,但表明佢哋兩公婆都反對體罰:「我哋有時會好有耐性咁同佢哋講道理,有時就會隻眼開隻眼閉,基本上乜方法都做齊!」



陳豪指三個仔女仲未識得許願望,只識要同唔要:「例如邊啲想食唔想食、邊啲玩具想買。我自細就知想要嘅嘢要自己去爭取,所以都會灌輸自己嘅價值觀、人生觀畀佢哋知,同埋我成日都講做父母嘅唔係要擁有佢哋,係要做好榜樣,鼓勵佢哋識自主、自律同有自發性。」



陳豪直認自己思想較傳統,有時會太過保護小朋友,相反太太陳茵媺更加勇於嘗試:「佢對小朋友有信心過我,我見到仔女拎住玻璃杯嗰陣都會騰騰震,反而太太會由得佢哋,培養佢哋嘅自發性!」



問陳豪佢囡囡係咪屋企嘅小公主?佢話:「我用一剛、一柔、一烈應付,仔女都一樣!囡囡喺屋企最細,個個都錫她,但兩個哥哥間唔中都會同佢『切磋』吓。」



陳豪同Aimee早前剛慶祝過五周年結婚紀念,提到Aimee想重遊當年舉行婚禮嘅巴黎,陳豪甜爆表示︰「既然太太都許下願望,做老公嘅就負責畀佢成真!」










鍾意就快D Share啦!