2018年9月26日 星期三

昆凌 激罕晒囝囝正面相 網民:個嘴同周杰倫同款 __,周杰倫,昆凌,

周杰倫
昆凌激罕晒囝囝正面相網民:個嘴同周杰倫同款周杰倫同昆凌結婚之後,先後生咗囡囡「小周周」(Hathaway),同埋囝囝「小小周」(Romeo)。兩公婆向 ...


昆凌 激罕晒囝囝正面相 網民:個嘴同周杰倫同款



周杰倫同昆凌結婚之後,先後生咗囡囡「小周周」(Hathaway),同埋囝囝「小小周」(Romeo)。兩公婆向來都好保護家人隱私,從來未畀對仔女嘅正面相曝光。不過,昆凌早前就喺IG PO咗張同囝囝影嘅合照,好多網民都話同周董一個餅印,尤其是係個嘴呀!

編輯:東方新地| 原文:東方新地、SundayKiss |  圖片:新傳媒圖片庫、、







昆凌 周杰倫 保護孩子隱私

周董同昆凌雖然成日都會喺個人社交平台分享生活點滴,但係為咗保護一對仔女,平時都只係會PO小朋友嘅側面同後尾枕!



A post shared by (@hannah_quinlivan) on



永遠的後尾枕!



A post shared by (@jaychou) on



而且囡囡小周周出鏡率,比小小周多好多,好多網民都笑佢哋兩公婆,好似唔記得自己有個仔咁!



A post shared by (@hannah_quinlivan) on



最近昆凌去米蘭參加時裝週,就喺IG晒出兩張相,一張係佢抱住囝囝「小小周」,坐咗喺大教堂前面嘅樓梯。雖然「小小周」戴住帽,戴埋黑超,但係都睇得出同老豆出自同一個餅印!更加有網民好抵死咁話:「個嘴同周董同款!」



A post shared by (@hannah_quinlivan) on



更加抵死嘅係,周董見到囝囝畀網民勁讚,竟然呷醋,用真身喺昆凌IG留言,話「小小周」搶晒佢嘅風采!

周杰倫
截自昆凌IG


另一張係「小小周」同一個外國小朋友合照。「小小周」冇戴帽,一頭金髮就好明顯喇!相信呢方面就係遺傳咗昆凌嘅混血DNA喇!

周杰倫

截自昆凌IG


昆凌 介紹香港特色

據非正式統計,在荷李活大片中曝光最多亞洲城市同語言,之唔係香港同廣東話囉!好似巨石The Rock狄維莊遜套新戲《高凶浩劫》以香港為故事背景同主要場景,帶挈香港觀眾都有福氣睇The Rock同周杰倫太太昆凌嚟香港宣傳。

難得嚟到香港,原來昆凌除咗出席電影宣傳活動,都抽空拉大隊去咗中環石板街錄影節目介紹香港特色。結婚四年、已經係一仔一女之母,留意番,其實昆凌同周董拍拖時18歲都未夠、呢個月12日至過25歲生日咋。呢啲咪人生勝利組囉,生得靚、嫁得好、進軍荷李活工作前景一片光明。



周董唱歌及名氣早已衝出國際,不過講拍戲就冇老婆咁威水,可以躋身荷李活大片,昆凌仲要得天獨厚,生完兩個都仲係保持得一副少女樣貌同身型,娶著呢個靚老婆,難怪周董不但唔介意老婆名氣愈來愈大,早兩日仲忍唔住隔空放閃,喺老婆IG度留言:「我是在跟高中生交往嗎?」



一場嚟到香港宣傳新戲《高凶浩劫》,The Rock襲港三日後先行離去,昆凌就留多兩日,去咗中環拍節目介紹香港。



日前昆凌化行妝著得靚一靚,被黑衣大漢、黑色房車載到去中環,原來要客串做主持拍節目。



落車行街黑口黑面?幻覺嚟啫!其實唔使埋位時昆凌同工作人員有傾有笑,不知幾好相與。



等埋位時,昆凌仲同工作人員紮辮消磨時間,一睇就知平時幫開囡囡小周周扮靚,係熟手技工。



皮光肉滑仲有一副少女身形,夏天為大地帶來一對大長腿,不過就被周董周杰倫一早私有化。

昆凌



本月12號滿25歲,結婚四年生咗兩件,個樣都係拍得住當年14歲做《黑澀會妹妹》時一樣咁嫩口,難怪老公周董都忍唔住讚老婆似中學生。



21歲已經嫁畀亞洲天王,昆凌唔願做少奶奶,反而繼續發展演藝事業,今年就同巨星The Rock合拍荷里活大片,帶挈老公都有得去美國探班又參加首映。



昆凌進軍荷李活大銀幕 周董竟然係跟得老公

「天王嫂」昆淩進軍荷李活第一次挑戰荷李活大銀幕就加盟由巨星The Rock 狄維莊遜(Dwayne Johnson)領銜主演嘅動作片《高凶浩劫》(Skyscraper),早前仲同一眾演員現身香港出席電影全球記者會。天王嫂喺多次訪問都講得一口流利英文,仲引得網民叫佢教下老公周杰倫(周董)添!不過,周董呢排成日都跟埋老婆去唔同地方宣傳新戲,潛移默化咁耐佢啲英文點都有啲進步掛!

昆凌

昆凌於《高凶浩劫》官方預告片


《高凶浩劫》講咩?原來關香港事

《高凶浩劫》嘅故事背景設定於香港,而主角The Rock今次嘅任務就係要喺世界最高、共有240層樓的驪珠大廈的大火中,搶救被困嘅妻女。而擋喺佢面前嘅,除咗無情烈火,仲有一班趁火打劫嘅恐怖份子,逼佢要從高樓中偷出最不可告人嘅機密,作為交換妻女安全嘅條件。而昆凌則演出冷豔女殺手,除了同主角有對打戲份,仲會同女主角莉芙金寶(Neve Campbell)在車上激戰,突破以往甜美嘅少女形象!

高凶浩劫

《高凶浩劫》電影海報,大家又睇唔得出背景其實係香港嚟㗎呢?
高凶浩劫

仲有呢座所謂明珠塔,好似有啲騎呢,小編就覺得好似有啲睇唔慣喇⋯⋯


全程講英文 仲要做打女

日前一眾演員嚟到香港宣傳新戲時,昆淩更以一口流利嘅英文表示自己好榮幸可以再次來到香港,並為電影宣傳:「故事是從香港開始的,很開心可以在香港和大家分享。」佢仲話《高凶浩劫》係佢拍嘅第一部美國電影,令佢很緊張,因為佢知道要全程講英文,唔係太習慣,但大家都很親切,帶著佢融入,教咗佢好多嘢,成家人咁!

《高凶浩劫》的一眾主演

《高凶浩劫》的一眾主演


第一次拍攝荷李活電影就可以和咁多好演員合作,昆凌都覺得好似上咗一課一樣,令佢十分高興。

《高凶浩劫》的一眾主演

《高凶浩劫》主要演員


戲中飾演女殺手嘅昆淩回憶起一場喺車廂入面嘅打鬥戲,就話因為場地比較狹窄,佢同另一個演員為咗場戲排練咗成個月,就係希望可以安全咁拍攝成功。

昆凌

昆凌戲中角色嘅漫畫素描,同佢當日甜美嘅形象都頗有分別!



產後即試鏡 做冷酷女殺手

原來當初昆凌係喺生完第二胎、產後第三天就透過老公協助,喺醫院走廊坐住輪椅咁完成拍攝試鏡帶,最後獲選加入《高凶浩劫》嘅演出陣容。最意想不到嘅係,最後昆凌嘅角色竟然係同以往女神形象大相逕庭嘅冷酷女殺手!為配合角色形象,昆凌仲喺去年十月仲忍痛剪去長髮添!完全睇得出昆凌為咗今次嘅角色,都犧牲不少,精神可嘉㗎~

昆凌

小編覺得短髮造型都幾型、幾吸引人啊!


昆凌飾演寡言嘅冷血女殺手,台詞雖然唔多,不超過二十句,但係戲份都唔少㗎!有著深邃嘅五官、冷傲嘅氣質,昆凌收起溫柔笑容,加上武術特訓嘅成果,睇落都頗有架勢,十足係個嬌小幹練嘅女殺手,差啲認佢唔出啊!



昆凌都有喺自己Instagram上傳同The Rock喺片場嘅合照,多謝呢位巨星喺台前幕後對自己嘅照顧之餘,仲話好開心可以同呢位又Warm又專業嘅紳士合作~



而喺呢條官方短片入面,昆凌更加係氣場全開,轉身舉槍開火,毫不拖泥帶水,完美演繹片中女殺手嘅角色,令人期待佢喺電影入面嘅精彩演出!



周董做「跟得老公」

其實周董一向鍾意喺老婆昆凌嘅Instagram度留言曬恩愛㗎啦,今次仲做埋「跟得老公」,陪住老婆去完北京宣傳,又跟埋去紐約首映會支持愛妻。次次都上傳照片幫手宣傳電影,仲讚老婆做反派嘅演技夠好,搞到成場觀眾睇到昆凌被人打嗰時都拍哂手掌咁喎~ 呢個老公都幾唔話得啵!



之後喺紐約宣傳嘅時候,昆凌自己都有上傳兩公婆同朋友喺中央公園忙裡偷閒踩單車嘅影片,見到周董咁跟得,都睇得出佢哋夫妻有幾Sweet啦~



昆凌英文流利 網民叫佢教下周董

因為今次挑戰荷李活大銀幕,昆凌都接受咗唔少外國媒體嘅訪問,網民都大讚佢講得一口流利英文。其實本身昆凌係台澳混血兒,英語流利都唔出奇啊!有好些網民都叫佢教下周董講英文咁話喎!

網民喺討論區留言

網民喺討論區留言
昆凌

呢位網民就話如果昆凌教下周董,可能佢就可以拍多啲荷李活電影


早前昆凌嚟香港宣傳電影,以英語接受媒體訪問,話自己鍾意做壞人多過好人,因為日常生活都係做緊「好人」啦~ 講到角色,又提及自己剪掉留咗十年嘅長髮,同埋喺眼角點咗粒痣,話覺得會更加令人有印象。

睇嚟今次昆凌都為角色做咗唔少功課!大家又點睇喺新戲入面嘅嘗試呢?

鍾意就快D Share啦!
Related Posts Plugin for WordPress, Blogger...