2018年9月26日 星期三

王灝兒唔願撮合超蓮同坤哥 原來同一樣嘢有關! __,何超蓮,坤哥,超蓮,吳業坤,

王灝兒
王灝兒唔願撮合超蓮同坤哥原來同一樣嘢有關!早前,王灝兒(JW)大爆吳業坤嘅「前度」是好友何超蓮,差啲嚇親唔少人!日前,JW就同吳業坤出席粵港澳大灣區青 ...


王灝兒唔願撮合超蓮同坤哥 原來同一樣嘢有關!



早前,王灝兒(JW)大爆吳業坤嘅「前度」是好友何超蓮,差啲嚇親唔少人!日前,JW就同吳業坤出席粵港澳大灣區青年節暨孔聖誕日活動,今次JW就公開表明坤哥唔係超蓮杯茶,因為…

撰文:東方新地|圖片:Instagram





王灝兒 吳業坤 恭喜陳柏宇誕千金

日前,王灝兒(JW)就同吳業坤出席粵港澳大灣區青年節暨孔聖誕日活動,當提到二人好友陳柏宇(Jason)啱啱正式做人老竇,JW就大讚Jason成家都好Sweet,坤哥就話佢哋一家好Warm,並同時恭喜對方。



A post shared by (@ckw720) on



吳業坤人生清單

另一方面,坤哥講到自己終於有機會唱到劇集主題曲感到開心,指自己人生中嘅夢想清單入面,有好多希望做嘅事都做到,希望之後亦會繼續有更多機會做到想做嘅事。



A post shared by (@kwangorrrrrr) on



之後,提到坤哥喺拍劇時「受寵」,佢就笑指嗰晚係佢拍最後,而且佢同啲化妝、整頭嘅姐姐都好熟,所以先會令人誤以為有男一嘅待遇。



A post shared by (@kwangorrrrrr) on



王灝兒唔願撮合超蓮同坤哥

其後,有傳媒追問起早前JW爆坤哥「前度」係超蓮時,JW即刻對呢件事認錯,指其實佢同坤哥成日都會講啲無聊嘢同亂講嘢,嗰次只係想講EX夢中情人,不過可能大家聽到EX就敏感啲。



A post shared by (@jwchubz) on



至於會唔會支持坤哥追好友超蓮,JW堅決話唔支持,更加冇咁嘅諗法,之後坤哥指係因為時間問題!不過,JW聽到之後就馬上話完全冇時間關係,係大家都唔係大家杯茶,更透露超蓮事後都有問佢發生咩事。



A post shared by (@laurinda_ho) on



王灝兒爆宅男女神係吳業坤前度

噚日,王灝兒(JW)就喺個人社交網上載一段限時動態片,片中就tag咗吳業坤同好姊妹何超蓮。片中一開首,JW就即刻問坤哥:「你頭先話超蓮係你邊個話?你個Ex(前度)呀?」



聽完呢句,相信大家個心都已經離一離之餘,可能仲會以為自己聽錯!好在,坤哥就馬上嗌唔係,但眼神就好似有啲恍忽。



雖然坤哥否認JW所講嘅嘢,但JW就繼續爆料,話:「你頭先話係你個Ex喎!」不是吧!有冇人會信先?



A post shared by (@laurinda_ho) on



JW講到真有其事咁,結果令到坤哥都馬上再次澄清:「係Ex夢中情人!」真相大白!如果唔係真係嚇親唔少網友!



吳業坤勁識氹女

其後,JW又點會咁輕易就放過坤哥呀?JW就繼續問對方係咪依家唔鍾意啦?吳業坤就話:「JW正啲!」嘩,咁識氹人開心,難怪令JW笑唔停,果然係個溝女王呀!



話說逢女都冧、魚翁撒網式媾女,合作親都傳緋聞,無堅不的吳業坤早前再下一城,同67歲家燕姐去到台灣拍新年特備節目都竟然「撻得著」!

家燕姐 坤哥

家燕姐爆坤哥直呼自己做家燕,後來直接叫阿燕,家燕姐話聽到時都O晒嘴。


人人叫「家燕姐」,佢叫「阿燕」,人人對前輩恭恭敬敬,佢竟然夠膽死當家燕姐係𡃁妹咁撩,爭住食家燕姐口水尾、食完話可以間接接吻、仲冧到爆話「仲有餘溫」㖭!

坤哥 家燕姐

同家燕姐合拍節目前,坤哥已經睇準時機,講明恨傳緋聞,今次成功造就一段「緋聞」良緣。


即係咁,有觀眾都睇唔過眼坤哥對住長輩冇禮貌,不過冧女嘅嘢你哋就真係有排都未去到坤哥境界,重點係氹到佢口中的「家燕」、「阿燕」好開心!坤哥,你又得咗喇!

坤哥 家燕姐

當27歲吳業坤遇上67歲嘅家燕姐,讚佢「真心cute」時,就知道偽毒坤又發功!


王梓軒和糖妹大爆坤哥有收集家燕姐唇印嘅癖好,例如家燕姐飲水後在保溫壼留下唇印,坤哥九秒九拎起手機影低。



爭住食口水尾,仲話同家燕姐間接kiss,坤哥呢啲係逢女撩天性定為節目效果真係要問番本人至知。



吳業坤想追家燕姐大女?

話說早前吳業坤到新城接受家燕姐訪問,當時家燕姐曾笑稱勸坤哥唔好成日口花花,咁唔知家燕姐會唔會向坤哥介紹女仔?坤哥呢個時候竟然搶答:「珊珊 (家燕姐大女石祐珊)吖嘛,我電話都攞埋」



見慣大場面的家燕姐都當堂窒一窒,仲話感情事要慢慢來!

吳業坤

家燕姐大女石祐珊
吳業坤

家燕姐大女石祐珊


家燕姐咁樣回應…

家燕姐呢日出席節目《流行經典50年》錄影,被問到與吳業坤的緋聞,家燕姐笑稱根本係誤會,話坤哥只係口花花,並無實際行動。



咁坤哥係咪想追其大女石祐珊呢?家燕姐就解釋係珊珊擔心兩人的緋聞,所以send訊息叫坤哥唔好亂嚟!正因為咁坤哥先會有珊珊電話。



無論家燕姐又好、珊珊又好,坤哥都係收吓把口比較好,唔好亂嚟










鍾意就快D Share啦!
Related Posts Plugin for WordPress, Blogger...