2018年9月28日 星期五

龔嘉欣:「幾辛苦都係值得!」 為拍攝新劇打到周身傷 __,嘉欣,龔嘉欣,鍾嘉欣,

龔嘉欣
龔嘉欣:「幾辛苦都係值得!」為拍攝新劇打到周身傷一向斯斯文文嘅(Katy)為拍攝TVB新劇《殺手》,搖身一變做Punk爆剷青女殺手!近日,Katy就喺 ...


龔嘉欣:「幾辛苦都係值得!」 為拍攝新劇打到周身傷



一向斯斯文文嘅(Katy)為拍攝TVB新劇《殺手》,搖身一變做Punk爆剷青女殺手!近日,Katy就喺個人社交網上載出一張裸背相,唔少人見到佢身上嘅瘀傷都大叫好心痛呀!

撰文:東方新地|圖片:Instagram





龔嘉欣密密操

最近,龔嘉欣忙住拍TVB新劇《殺手》,除咗為配合劇集打女角色,Katy不惜狠心剷青兼漂染頭髮,而且仲要密密操練體能,皆因劇中有唔少動作場面需要應付!



A post shared by (@kungkaty) on

龔嘉欣
一面濃妝嘅龔嘉欣一洗過住氣質靚女嘅感覺!


龔嘉欣打到周身傷

Katy最近就喺個人社交網上載一張背脊貼上痠痛貼布兼手臂有瘀傷嘅相,並留言:「個動作我可能要做好多次先至達到要求 。動作我真係唔叻,但係我會盡力!辛苦每一個配合嘅對手,陪我做足咁多次,睇返Playback,幾辛苦都係值得!原來我係可以做到架(㗎)!」



A post shared by (@kungkaty) on



唔少人睇到Katy周身傷,都留言支持佢繼續努力,亦有網友見到佢身上嘅瘀傷表示心痛 !Katy為劇集嘅用心付出相信大家將會喺劇中睇得到!

龔嘉欣

見到咁多人支持龔嘉欣,相信Katy已經收到哂!

好多網友都留言撐嘉欣。


Katy除咗上載裸背相外,仲有影低平日拍劇時嘅日常同大家分享,見佢一身裝扮同喺身上嘅紋身都要有專人幫佢擦甩,就知佢今次拍攝前後嘅準備係有幾多。

對腳都見到有瘀傷!



龔嘉欣大變身 操Fit做女殺手哂身材

近年Katy發展順利,每年都會喺無綫重頭劇度有份演出。但多年以來,Katy都係行開氣質靚女路線,今次為咗拍戲大變身,又剷青又染哂粉紅色頭髮,難怪Katy自己都難以接受!

龔嘉欣



出席活動都偏愛行氣質靚女路線!



頭髮剷青 唔敢照鏡!

飾演殺手嘅KatyPunk友造型十分突破,頭髮剷青、紋身、加上性感背心,真係同以前截然不同!佢就話自己到依家都未敢照鏡,剪頭髮嗰吓以為自己會喊,但最後都只係眼濕濕啫~

 



就嚟30歲 依然單身

Katy更加講到自己都就嚟30歲,現在單身,不過大變身之後就睇怕自己只能再單身一排

 



享受做演員

Katy喺自己Instagram度上傳造型照,留言話自己呢一刻嘅身份係一個演員,而咁啱今次係一個殺手,仲係第一次做打女,做演員好好玩咁話!小編好欣賞佢咁敬業啊~



由2016年開始,龔嘉欣憑無綫台慶劇《幕後玩家》中「程思汝」一角,演技備受網民讚賞,仲喺《萬千星輝頒獎典禮2016》勇奪「最佳女配角」獎項。今次破格做殺手擴闊戲路,唔知又唔會帶嚟演技上嘅突破呢?

2016年勇奪「最佳女配角」獎項!



出街要戴假髮!

大變身之後,Katy要出席朋友嘅婚禮,就戴上假髮,喺Instagram上傳照片俾粉絲睇。Katy仲留言話「我還是一樣那個我」、「今晚終於有點私人時間,可以做回自己」,睇嚟都仲係有啲接受唔到自己個Punk look

同曹永廉合照


其實龔嘉欣閒時都鍾意扮吓文青咁~

喺Instagram同大家分享佢睇書時嘅靚相~究竟係自拍定睇書啊?


龔嘉欣早前「生蛇」焗停工休養

龔嘉欣早前同姚子羚、黃子恆飛咗去馬來西亞拍攝新一輯飲食節目,但唔知係咪太忙冇時間休息,Katy就自爆患上俗稱「生蛇」嘅帶狀疱疹,暫時要停工休養一排,並為影響工作進度而致歉。但話咁快又要開拍新戲,得唔得㗎!

Katy就話已經睇咗醫生,上載咗自拍照同一堆藥物嘅相報平安。



「生蛇」令臀部留疤

開鏡時,Katy指自己還未痊癒,所以現在都仲係比較易攰,而臀部還留有疤痕!不過都有喺Instagram同大家講唔使擔心,已經好返好多

仲上傳運動時嘅靚相,俾大家欣賞吓~


IG愛哂白滑美腿

好彩睇相都冇見到「生蛇」令Katy嘅白滑美腿留疤!其實平日Katy都唔吝嗇分享佢嘅靚相㗎!

 



新劇有打戲 又有親密接觸

Katy話大部分動作戲都會親身上陣,而絕招係專攻男人下體!對手方面就同黎耀祥最多對打戲,可能唔小心踢親佢喎!



唔止靚腿,其實龔嘉欣嘅整體身材都好勻稱!



自爆劇中會「裝胸」

Katy又透露劇中嘅其他造型會更性感!仲大爆會裝胸作勢升兩Cup,為咗同黎耀祥有親密接觸時,更容易俾佢搵到喎!太謙



《誇世代》色誘場面

其實較早前,Katy喺劇集《誇世代》中飾演尚可欣(Vivian),已經演出過大量色誘場面,仲同森美大跳辣身舞添!
















鍾意就快D Share啦!