2018年9月7日 星期五

同性戀者,請舉手!藍奕邦千字文鬧爆 Eric Kwok笑其性取向 __,Eric Kwok,藍奕邦,

Eric Kwok
同性戀者,請舉手!藍奕邦千字文鬧爆EricKwok笑其性取向音樂人郭偉亮(Eric)同卓韻芝等人擔任ViuTV選秀節目《全民造星》嘅導師,日前Eric ...


同性戀者,請舉手!藍奕邦千字文鬧爆 Eric Kwok笑其性取向



音樂人郭偉亮(Eric)同卓韻芝等人擔任ViuTV選秀節目《全民造星》嘅導師,日前Eric喺社交網以英文發文:「This was a memorable day. I’ll never forget when I walked in the room, the first thing I asked these boys was, “Raise ur hand if you are not gay!(呢個係一個難忘嘅日子,我永遠唔會忘記當我行入房,第一樣事就係同班男仔講:『如果你唔係同性戀者,請舉手!』」佢仲Tag埋曾經公開出櫃嘅拍檔卓韻芝,言論出街後引起網友討論,有人認為佢有「恐同」之嫌,其中「關懷愛滋 AIDS Concern」官方fb page亦發聲明質疑「為甚麼性傾向會成為一個笑話?」。結果Eric Kwok昨晚在其社交網發千字文為其言論道歉!不過風波仍未平息,另一音樂人藍奕邦昨晚(6日)發表千字文回應爭議,並指責他經常以其性取向來開玩笑……..

撰文:東方新地 |圖片:郭偉亮Facebook、關懷愛滋Facebook





郭偉亮 叫非同性戀者學員舉手

Eric Kwok郭偉亮9月2日在社交網出post,相片是他在《全民造星》節目向參賽者指導/分享的場面。Eric Kwok寫道:「This was a memorable day. I’ll never forget when I walked in the room, the first thing I asked these boys was, “Raise ur hand if you are not gay!(呢個係一個難忘嘅日子,我永遠唔會忘記當我行入房,第一樣事就係同班男仔講:『如果你唔係同性戀者,請舉手!』」

個Post除了tag咗《全民造星》嘅監製花姐,以及曾公開承認自己是雙性戀者、同team另一導師卓韻芝!



「關懷愛滋」表達不滿

Eric Kwok引來網民討論,其中「關懷愛滋 AIDS Concern」官方fb page亦發聲明質疑「為甚麼性傾向會成為一個笑話?」又表示:「我們應該努力為性小眾建設支持性的環境,相反將性傾向問題看待成一個笑話,可能會加劇對性別認同的恥辱感。每個人都有權選擇披露或不披露他們的性傾向,而不應該是一種壓力。」又指年輕人應該接受全面的性教育,社會亦應認真對待性別和性別認同問題。而事後Eric Kwok刪除此post。



網友點睇

有網友在「關懷愛滋 AIDS Concern」專頁留言,指Eric Kwok作為藝人,卻用性傾向開玩笑,欠修養及尊重別人的性取向,但也有網友認為大家太認真!



言論出街後,Eric Kwok被指以性傾向當笑話的導師,更有「恐同」之嫌,但佢接受傳媒訪問時否認,話對性向持開放態度,話只係自己唔夠細心。Eric補充,話自己身邊有好多同性戀嘅朋友,而且有一個仲好老友。



郭偉亮 發千字文道歉

今日下午,Eric再以英文發長文講番呢件事,全文大意如下:「感謝所有沒立即攻擊我的人,因為他們知道在某種情況下,我可能會有理由地提出這樣的問題。對於那些認為我是『同性戀恐懼症』的人,我要為在發文中寫得不夠清楚而道歉,從而引起這種巨大的誤解。

這次我與學生的會面是關於如何處理被媒體問及有爭議的問題,所以我問這個敏感的問題,看他們會如何反應。可能我問得比較像一個笑話,以令氣氛不那麼緊張,但這從不是一個笑話。實際上我希望他們知道,作為公眾人物,有一天可能會有人問他們同一個問題。在這次會議上,學生們還被問了許多其他難題,例如是不是處男,是否付錢買互聯網上的『讚好』,可曾性騷擾他人等。所以我才問了這樣一個問題。我希望大家現在會更理解事件,而且我想澄清雖然我有時可能是個混蛋,但我並不反同性戀,而且絕對非常尊重同性戀者,特別是他們為平等而奮鬥。

我在加州長大,學會了尊重不同種族和性取向的必要性。我有個同性戀的好友現已結婚,並領養了孩子,我們甚至在他們來香港時相約吃晚餐。在香港,我亦有許多同性戀朋友,他們甚至是與我合作的人。

我在發文時表示這是一個『難忘的』日子,因為這是我第一次公開詢問這些爭議性的問題,我應該在我發文中解釋得更好。對不起為大家造成麻煩,並讓人感到不安,這絕不是我的意圖。最後,如果你認識我,你就會知道我是很自由開放的。」



估唔到Eric Kwok道歉一出,藍奕邦忍唔住在社交網發千字文質問Eric Kwok,藍奕邦以英文撰寫公開信,長達四頁紙,信中開首佢就話今次咁認真寫公開信,係因為覺得Eric唔係口快快,而係慣犯。藍奕邦講番之前同佢合作,平時單獨談話好地地,但一有其他人,或者傳媒在場時,就開始喺藍奕邦面前講啲取笑佢嘅同性戀笑話,一啲就算係藍奕邦密友都唔會公開講嘅說話。



藍奕邦再說,起初都冇乜為意,但Eric三番四次咁講,慢慢覺得係有敵意,覺得被欺凌。信中藍奕邦指「自己百思不得其解,點解Eric成日咁做?點解成日對住我咁做?佢討厭我?佢恐同?定佢覺得同性戀好得意?佢同其他人係咪都係咁講嘢?我曾經做錯嘢得罪佢?」之後,藍奕邦話自己全冇頭緒,慢慢開始怕同Eric合作。



公開信中藍奕邦問Eric:「點解你咁關注我嘅性取向?點解你咁留意別人嘅性取向?點解同性戀係咁大件事令你要第一句就問班參賽者?最重要係,點解你覺得呢啲嘢好有趣?」藍奕邦再話覺得迫人哋出櫃,行為邪惡。」










鍾意就快D Share啦!
Related Posts Plugin for WordPress, Blogger...