2018年9月7日 星期五

「不是父母,你什麼都不是」 被Haters惡言攻擊,欣宜霸氣回應獲網民讚 __,欣宜,

fp
「不是父母,你什麼都不是」被Haters惡言攻擊,欣宜霸氣回應獲網民讚近日,欣宜在社交媒體instagram發佈了一張童年時與謝婷婷合影的舊照片。隨即 ...


「不是父母,你什麼都不是」 被Haters惡言攻擊,欣宜霸氣回應獲網民讚



近日,欣宜在社交媒體instagram發佈了一張童年時與謝婷婷合影的舊照片。隨即有酸民(Haters)留言:「不是父母,你什麼都不是」,欣宜霸氣大方回應,獲網民在帖子支持。

編輯:醉曖泳兒@Central | 圖片:欣宜Instagram,網絡





欣宜霸氣回應獲網民讚

肥姐沈殿霞愛女鄭欣宜從小到大都是在眾人目光下長大,尤其是其身型體重,都是被攻擊對象。還有便是她的身份,被指是在肥姐的名譽下長大。即便是出道了這麼多年,付出過很多努力,仍會有人口出惡言批評她。

欣宜
欣宜
欣宜

欣宜


近日,欣宜在社交媒體instagram發佈了一張童年時與謝婷婷合影的舊照片。

隨即有酸民(Haters)留言:「你全靠父母,不是父母,你什麼都不是」,欣宜則回應一回:「你說得對。我們全部都是。」



欣宜回應得大方卻不失霸氣,隨即被網絡紅人「瓊姐娛樂台」轉發大讚,還令她的回應成了名言。

在欣宜的帖子下,有不少網民留言支持。



欣宜剛出道時,媒體都為她掛上「肥姐女兒」名號,可是欣宜努力地做好藝人、歌手這個身份。努力沒有白費,她的歌總能讓人喜歡,連帶著她自己的故事,為人帶來正能量。



相關報導

「星二代」每天穿金戴銀,出席不同公開名人場合,華麗的表面背後換來的壓力是相對的。 欣宜 (Joyce)是一位態度正面、懂得為人著想的人,她沒有經歷過低谷嗎?有,正正是這些深刻體會讓她領悟出一個道理:「世界沒有事比起讓自己活得快樂重要。」你,快樂嗎?

個唱名為「女神有問題」,有甚麼意思呢?

「其實個唱名有兩個意思的,第1可以解說是『我有問題想問』,我很怕原地踏步,所以我經常主動地問很多問題,希望令自己成長得快點。第2個解說是『我個人有問題』。自從〈女神〉出街後,很多人跟我說:『Joyce多謝你!首歌俾咗好多正能量我!』我想講,我不是大家想像中經常充滿正能量,我也會有負能量的時候,重點是有問題並不是問題,It’s OK not to be OK!」





欣宜是舍香港家傳戶曉的名字,自小我們就知道她是「開心果」肥姐的女兒,希望她可以承傳肥姐的快樂精神,愉快地活好每一天。



2005年8月尾,正值無綫兒歌金曲頒獎禮,吳卓羲被安排在舞台劇中演王子一角,與飾演公主的鄭欣宜同台演出,吳卓羲更受欣宜一吻,一臉無奈。

2008年,在肥姐逝世後,欣宜加入無綫接拍第一部電視劇。


「無人完美,然而除非,你看到另一位自己⋯」這首電視劇主題曲開始讓觀眾留意到,咦?原來肥姐個女唱歌幾好聽喎,而不是只把焦點放在其餘無關痛癢的八掛新聞。



欣宜

欣宜

欣宜曾經有好一陣子由230磅減磅至130磅,而縱使獲得別人讚賞,其實說到尾也是苦了自己。



11年,欣宜在邵氏賀歲電影《我愛HK開心萬歲》中,與徐子珊扮演一對twins。其中一幕要拍她和徐子珊小腿的近鏡,但因她腿被指太粗,所以最後決定用替身上陣,但其實那時她重139磅,幾乎是她有史以來最瘦,這事令她非常難過。



欣宜為此事耿耿於懷,回家後扣喉逼自己嘔,更喊了很久。最後佢提到現時好愛自己,唔會再做傷害自己的事,亦唔會害怕照鏡。最後更好樂觀咁話︰「You’ re the one living your life, so live it well.」



欣宜決意不為別人而活,不理會別人目光,要找回屬於自己的光芒。現在她不時都會在網上大晒自己的靚相,不管他人有甚麼評價,自己快樂已然足夠!

欣宜除活得快樂,亦甚有生意頭腦!她的自家曲奇店的出品以邪惡為賣點,棉花糖、朱古力、煙肉做的軟曲奇都大受歡迎!



這張舊照,是欣宜兒時去學游水,親親肥姐面珠的舊相,欣宜表示︰「記得嗎?妳怕水所以無學過游泳。喺我好細個時就帶咗我去屋企隔離(籬)個Clubhouse到學游水,從此之後我就日日都話要去。妳又會成日來睇我游。我當時都唔係真係咁咁咁鍾意游水架(㗎)咋,但係真係好好好鍾意游完水同妳一齊食嗰隻炸雞翼同飲嗰杯紅豆冰!」


回想起今年4月,她的新歌〈女神〉MV令她爆紅起來,不禁令人反思:「女神是怎麼樣?」。黃偉文填的詞,告訴欣宜,也告訴香港女生:「最痛是原應伴著你 那位 話若不改到 再無稜角 別再交往 你是女神 不要為俗眼 收斂色彩 不要講和 威嚴會碎下來 你是女神 不要被下價 的化妝掩蓋 不要低頭 光環會掉下來

真正的女神,不會被簾價的化妝品遮掩她的美,也沒有必要認為自己配不上別人,刻意改變自己。這首〈女神〉由欣宜唱出來,特別有說服力。



10大娛樂圈基層出身藝人 個個靠自己挨出頭!

其實娛樂圈有唔少藝人都係基層出身,喺圈中打拼多年,默默耕耘,先有出頭天!今次就同大家一齊睇下有邊10個基層出身嘅藝人

李佳芯

現為大台一線花旦的李佳芯(Ali),其實出身於基層家庭,自小就與家人居住在柴灣興民邨,以前試過同朋友夾份開髮型屋,斟茶遞水咩都做齊!



Ali完成副學士學位後,就因做模特兒而入行,做過有線節目主持,於2012年加入TVB,近年憑《學是學非》入屋,再加上喺唔同劇集有亮眼表現, 現已係新一代女神!

 



Ali亦都已經名花有主,其現任男友是香港now TV/ViuTV的節目主持陳炳銓,但二人一直愛得低調。



文詠珊

Janice Man當年𡃁模出身,與Angelababy同為𡃁模始祖,近年轉戰影圈,獲提名過香港金像獎最佳女配角!話說JM一家人因受97年金融風暴影響,一家人由私人屋苑搬到梨木樹邨公屋居住,14歲就已經入行!

𡃁模出身嘅JM,曾被譽為「𡃁界女神」。

今日,JM比往日更靚。


Janice Man近年𡃁模味漸褪,於2007年起接拍不少電影,至近年更憑電影《赤道》及《寒戰II》入圍第35及36屆香港電影金像獎最佳女配角,努力有目共睹!

《赤道》劇照。



除咗拍電影,近年佢亦有番內地搵銀,仲有不時出席不同地方嘅時裝騷,成日要四圍飛,為搵錢真係唔可以停落嚟!



王敏奕

近日喺《飛虎之潛行極戰》亮相嘅王敏奕,其實喺單身家庭長大,自小家境麻麻,以前與媽咪及兩個細佬住喺柴灣漁灣邨百呎公屋。



王敏奕14歲時已經半工讀,做兼職平面模特兒養家,搵錢幫補家計,但剛出道時工作唔多,佢自己亦曾自爆當時收入少到「試過戶口一百蚊都冇!」。

《麻雀王》 劇照 。

《飛虎之潛行極戰》劇照。


而有「氣質女神」之稱嘅王敏奕與曾志偉兒子曾國祥拍拖多年,感情穩定,不時會喺個人社交網放閃光彈,最近仲升呢同男友進駐三千萬貝沙灣豪宅。



朱晨麗

朱晨麗16歲時以優才身份從內地來港,曾為儲學費而節衣縮食,更與同學夾錢住劏房。

 



2011年因成為港姐冠軍而入行,而家已經成為TVB花旦之一,曾表示為講好廣東話,而下咗唔少苦功!

 



入行唔經唔覺7年嘅佢,上年喺《萬千星輝頒獎典禮2017》成功獲得「最佳女配角」一獎,講得獎感言時提到:「希望我哋喺內地成長嘅小朋友,嚟到香港之後依然可以打出一片天,一齊支持我哋!」。



黎諾懿

人地話成功需要父幹,但就算冇父幹,有後天努力一樣可以打出個名堂。喺公屋出身嘅黎諾懿,細個時爸爸因病離世,媽媽獨力養大佢哋兄弟三人。



因12年嘅處境劇《愛·回家》中擔正男主角之一,飾演馬壯一角大獲好評。自此,一講「神之子」,就係人都知係邊個。

講起馬壯,點少得佢同尹德如條感情線。


2014年,佢與家族資產近5億嘅李潔瑩結婚,3年後囝囝出世,而家相信黎諾懿都係有仔萬事足,為做個好爸爸同好老公而努力不懈!



王祖藍

屋村出身嘅王祖藍,細個全家住喺沙田恆安村。祖藍因與阮兆祥、李思捷做《荃加福祿壽》開始走紅,一路以嚟靠自己密密工作,賺到盤滿缽滿。



而家,祖藍喺內地工作不斷飛撲埋身,賺錢能力高企,同時亦不忘對家人多加照顧。侍母至孝嘅佢就以3700萬,買入自己寓所同屋苑連花園特色戶畀阿媽住。

王祖藍

除咗錫媽媽,王祖藍同細妹感情一樣好,佢亦喺逸瓏灣買了一個700呎單位送俾細妹居住。


2015年,祖藍同李亞男結婚,「愛妻號」嘅佢就買下過億逸瓏灣連天台複式單位給老婆李亞男,呢個老公真係無得頂!



楊思琦

有慳妹之稱嘅楊思琦,佢以前細個就住喺大坑西邨,據知佢慳家嘅目的係為咗可以儲錢置業。



係香港小姐冠軍嘅思琦妹曾為TVB花旦之一,可惜其後離巢,結束13年賓主關係。

電視劇《翻叮一族》劇照。


2012年,楊思琦更宣布誕下一女楊卓穎(Krystal),獨力湊大囡囡嘅思琦更對呀女疼愛有加。



李幸倪

歌手李幸倪(Gin Lee)2010年由馬來西亞來香港發展,當時佢窮到住北角劏房外,仲要冇錢交租,需要靠好友接濟。

 



好彩,Gin Lee冇因窮到冇錢交租而放棄唱歌理想,2015年就因參加內地節目《中國好聲音》而成功翻身,近年不時上台攞獎。

 



而轉投環球唱片後,獲力捧嘅Gin Lee首度進軍紅館開個唱!





鄧麗欣

鄧麗欣(Stephy)自細喺屯門大興邨長大,讀書時做過兼職模特兒,後來入埋娛樂圈發展。



Stephy以組合Cookies成員身份出道、做過歌手,又拍過劇集同電影,樂壇同影壇產量亦有一定數量。早前已憑《空手道》於第24屆香港電影評論學會大獎,更憑《空手道》喺金像獎提名最佳女主角,可惜不敵毛舜筠,失落獎項。

電影《失戀日》劇照。

電影《空手道》劇照。


雖然Stephy出身屋邨,但出道打拼八年後,終於升呢入住貝沙灣大屋。之後佢亦轉戰內地賺人仔,令自己身家更加豐厚,事實證明一分耕耘一分收穫!

 



劉德華

貴為天王嘅華仔可以講係由基層出身而不斷努力嘅典範,佢出身於新界農村,6歲時搬到鑽石山嘅木屋區,但喺11歲時家園卻被大火燒毀,遷住寮屋,1年後再搬到藍田邨。

 



當年中六預科肄業嘅華仔,因入咗TVB藝員訓練班,結果就成為咗佢入行之路,至今一共參演了27部電視劇和超過140部電影,作品數量驚人。

電影《無間道》劇照。


電影《折彈專家》劇照。


而家56歲嘅華仔歌、影、視均見其影,多年嚟對香港電影及音樂貢獻良多,喺工作上嘅熱誠同認真,一定無可置疑。所以,今日華仔嘅成就,全憑個人驚人毅力同努力爭取番嚟!父幹?咩嚟㗎?

 










鍾意就快D Share啦!
Related Posts Plugin for WordPress, Blogger...