2018年9月25日 星期二

清水灣豪宅新居全公開!Kenny關智斌 珍藏模型大晒冷 __,關智斌,

關智斌
清水灣豪宅新居全公開!Kenny關智斌珍藏模型大晒冷成軍15年的BOYZ,將於下月16日在九展舉行首個正式售票演唱會《TheUnboxingLive》 ...


清水灣豪宅新居全公開!Kenny關智斌 珍藏模型大晒冷



成軍15年的BOYZ,將於下月16日在九展舉行首個正式售票演唱會《The Unboxing Live》,反應非常熱烈,門票更已經火速售罄。

成員關智斌(Kenny)早前在其社交平台專頁上載一條「新居大曝光.HOMETOUR」嘅短片,原來二人初出道時公司安排佢哋同住,到多年後才搬開各自住,而成員張致恒(Steven)呢日就去咗Kenny新居仲話會同住一日,睇番Kenny豪宅新居寬敞舒適,裝修有格調,而且露台外望景觀一流,睡房仲放咗好多珍藏模型,究竟Kenny新居係點?等Steven帶大家參觀!

撰文:東方新地 圖片:新傳媒圖片、關智斌fb





關智斌 豪宅新居大公開

Kenny在上載短片中留言話:「好多年前其實我同 Steven係同居過嘅,最近搬咗新屋就叫佢上嚟重拾舊歡,係咁咦同佢同居一天」Steven就到Kenny位於清水灣道嘅豪宅傲瀧(Mount Pavilia)新居小住一天,Mount Pavilia係低密度豪宅,好有度假feel!





一進到大堂,Steven話畀「高科技」難倒,唔識撳樓層,又大讚未入屋大堂已經夠靚夠氣派!



到喇!Steven撳鐘,Kenny一開門就話佢遲大到,明明約8點但9點至到!



Kenny問Steven點解得咁少衫,啲底衫褲去咗邊? Steven笑騎騎話佢屋企有可以借,結果畀Kenny大鬧冇理由借貼身衣物!



客廳、飯廳

睇睇客廳、飯廳係長方形,好四正好實用,外望仲有個超長露台,Kenny話有時佢會一個人坐喺露台食早餐,好歎!



書房

剛搬入去不久,仲有啲箱未拆,台上除咗放了兩部電腦,仲有個超大書櫃,唔講唔知原來佢好愛睇書!



衣帽間



智能喇叭





玩具櫃真係由頂放到底,Kenny仲話喺日本見過一比一,只是未有買下!睇吓,地下Kenny都放咗塊水松板貼晒佢啲靚仔相!



另一衣櫃除了放滿衫,仲有好多珍藏嘅超合金模型,Steven笑問Kenny係咪細個冇玩具玩,有童年大陰影,到大個要買番夠本!



洗手間

入到洗手間,Kenny搞笑話叫Steven浸泡泡浴,睇真啲,原來有淋浴間、也有浴缸,而且仲有好多護膚品,認真貪靚!



大談初出道往事 一開始是冤家

參觀完新居,二人又坐下來傾計話當年,唔講唔知,原來二人一開始組團時,大家都看對方不順眼, Steven:「唔知點解一見到面大家都燥底」Kenny就話試過一齊坐車時明明冇交談,只是互望一眼,都會話「望咩呀望!」總之大家看對方不順眼!



只是時間久了,二人關係也慢慢建立,仲合作得好有默契!有一年Kenny生日,Steven豪花萬幾蚊買咗對鑽石耳環畀Kenny,點知Kenny話粒石太細,洗頭時差點沖走,激到Steven紮紮跳!



死老鼠的味道

大談當年在銅鑼灣同居的情況,Kenny最難忘的一次是:「有兩星期有死老鼠的味道,味道一天比一天厚,還以為Steven不沖涼。」Steven立即解畫,因為以前很多粉絲會送禮物,很多時都會送吃的,零食之類。但有一次不為意,有些食物變壞了…」Steven還說Kenny的鼻很靈敏,是他聞到味道,Kenny則說:「怎可能聞不到?」



爆Twins是購物狂

佢哋大爆與對方生活的趣事,互指對方經常買大件物件回家,令屋企冇位行,而Kenny笑話其實佢哋唔算購物狂,Twins才是,特別是阿嬌會同款衫但唔同色全部都要買下!

Kenny最後還問Steven:「你想唔想同我再住埋一齊?我就唔想喇,呢度咁乾淨。」Steven答:「做咩唔想呀,呢度咁靚咁大」










鍾意就快D Share啦!
Related Posts Plugin for WordPress, Blogger...