網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年10月12日 星期五

真愛無年齡界限 盤點17對至少相距十歲的情侶 __,

忘年戀feature
真愛無年齡界限盤點17對至少相距十歲的情侶陳展鵬聽日(13/10)就會迎娶細自己13年嘅未婚妻單文柔,其實娛樂圈入面真係有唔少情侶或者夫妻年齡相距比較 ...


真愛無年齡界限 盤點17對至少相距十歲的情侶



陳展鵬聽日(13/10)就會迎娶細自己13年嘅未婚妻單文柔,其實娛樂圈入面真係有唔少情侶或者夫妻年齡相距比較大,細數以下17 Pair,你又識幾多位呢?

撰文:東方新地 |圖片:新傳媒圖片庫、Instagram





盤點17對至少相距十歲的情侶

1. 陳展鵬、單文柔 相差13歲

41歲視帝陳展鵬、與28歲落選港姐單文柔去年三月爆出戀情,其後一直都將戀情低調處理。

碰杯都拖手仔,閃到呢!

陳展鵬致各傳媒友好:「各位親愛的傳媒朋友、各位好友,多謝大家一直對我的支持和包容。今日,好高興同大家宣布,我要結婚一路以來,我都全情投入工作,直至Phoebe的出現,讓我們感受到幸福和信任。對於感情方面比較傳統的我,是時候用我最大的努力去建立一個美滿的家。多謝大家的關心,希望得到你們的祝福。」



求兩次婚 抱得美人歸

Phoebe接受傳媒訪問,大爆展鵬求過兩次婚,第一次在香港趁佢瞓覺時,用一隻自己摺嘅心形紙戒指戴喺佢手,我醒咗先發現,雖然好冧但單文柔都say no,佢記得我鍾意手工藝,或者花心思嘅嘢,之後第二次喺英國,佢搵咗條好多人又有巴士嘅大街再跪低求婚,佢最期待嘅畫面終於出現,咁感動當然點頭say yes

陳展鵬

婚照除咗有歐陸式建築物及街景外,最特別係喺一架寫住「520 Next Station Marry Me」前,陳展鵬跪低送花向單文柔送花!



展鵬着上簡單西裝配對波鞋,非常隨意!

10月13日簽字結婚

二人將於10月13日簽字結婚,又會同兩邊屋企人食晚飯慶祝,佢哋都希望有個低調、屬於自己嘅美好回憶嘅婚禮,好多細節仍在安排中,問到係咪雙喜臨門有bb?單文柔否認,仲話冇諗過自己咁早結婚,但最終被男友真誠打動。



2. 陳凱琳、鄭嘉穎 相差25歲

2013年港姐冠軍、現年27歲嘅陳凱琳,同48歲鄭嘉穎合拍劇集《殭》撻着,雖然外界最初不睇好這段戀情,但二人自公開關係後愈愛愈高調,不時出雙入對,陳凱琳更被好姊妹陳嘉寶踢爆,在搞婚事期間不停向她取經。



二人於2018年8月喺峇里島拉埋天窗,非常甜蜜。



3. 李姿敏、賀賢 相差24歲

2009年港姐亞軍、現年30歲李姿敏(Germaine),與54歲澳洲籍練馬師賀賢(David)一拍即合,2017年於男方家鄉澳洲墨爾本簽字,同年於香港補擺婚宴。兩人婚後積極造人,今年2月宣布有喜,7月誕下一名小男孩。



A post shared by (@gmanli) on



A post shared by (@gmanli) on





A post shared by (@gmanli) on





4. 李美慧、曾文豪 相差25歲

31歲的李美慧於2006參選港姐入行,經朋友介紹下認識56歲富商曾文豪,拍拖半年已認定對方,拉埋天窗,在淺水灣舉行簽字儀式並設宴。現時李美慧懷有身孕,可謂雙喜臨門。

在劇集《宮心計2深宮計》飾演「太平公主」陳煒親信宮女一角的李美慧,隨著劇集熱播,亦閃嫁富豪飛上枝頭變鳳凰,令唔少女人趨之若鶩。



李美慧同未婚夫去咗不丹、喜馬拉雅山影婚照㖭。李美慧透露同未婚年係朋友介紹認識,拍咗半年拖左右就決定訂終身。



5. 戴夢夢 太極鼓手Ricky 相差19歲

33歲童星出身的戴夢夢,被踢爆搭上52歲人夫太極鼓手Ricky(朱翰博),男方為她拋棄結婚廿七年的糟糠,戴母都開聲叫夢夢「唔好再糊塗」,被全城圍插搶人老公,仍無阻忘年戀的熾熱愛火!夢夢懶理背上小三之名,本刊拍得她當街同Ricky上演調情騷,夢夢主動埋身撫耳、掃髀、姣啜,慾火晚餐,令酒後Ricky更加面紅耳熱、焚心如火,速速埋單劈返新愛巢撲火!



6. 林韋辰 李思雅 相差23歲

李思雅挾香港女子網球代表隊運動員身份參選港姐,加入大台後做體育節目主持,她早年被本刊踢爆戀上比她年長23歲、曾有「亞視一哥」之稱的資深藝員林韋辰,譜出一段父女戀,雖然一度傳出女方逼婚不遂而導致分手,但未幾又火速復合,而且無損感情。

本刊早年拍得李思雅在活動後,由男友林韋辰接載,廿四孝阿辰俾錢、管接管送全數做足,李卻口黑面黑唔領情,湊女咁湊!



7. 林敏驄 索模Natasha 相差30年

音樂才子林敏驄在2011年成功追到一名只有22歲的俄羅斯索模Natasha,當時阿驄52歲,發展一段相差30載的忘年戀。不過呢段情來得快去得快,兩個月後阿驄在微博自爆與女友分手,還貼上一張二人嘴對嘴的親密照,形容被上帝收回玩具非常不捨。





林敏驄在2011年6月在微博狂晒跟Natasha的密照,擺明公開戀情,點知去到7月29日佢宣布分手,據知係畀俄妹撇!



8. 謝賢 CoCo 相差26歲

現年81歲的謝賢(四哥),先後與甄珍和狄波拉離異,至05年戀上比她年輕26歲的上海女子CoCo,二人經常在公開場合有影皆雙。





9. 謝偉俊 白韻琹 相差15年

白韻琹在89年,跟比她年輕15年的律師謝偉俊(Paul)同居,並時常以恩愛姿態接受傳媒訪問。二人於97年喺拉斯維加斯註冊,21年婚姻經歷過不少風雨,多次鬧到要離婚後又復合。

年前白姐姐曾爆與Paul多年冇行房,「冇人錫我、攬我、咀我」,但兩人至今仍是走在一起!





10. 翁靜晶 劉家良 相差29年

一代武術宗師劉家良被病魔折磨多年,於2013年離世,享年76歲。劉家良生前有兩段婚姻,他跟太太翁靜晶的忘年戀轟動娛樂圈,當年只有20歲的翁靜晶指自己前生是金絲雀被劉家良飼養,故今生投胎嫁給恩公,成為一時佳話。



黃飛鴻第四代傳人劉家良鐵漢柔情有兩段婚姻,跟前妻何秀霞育有一子四女,劉家良43歲時在酒店門外邂逅了當時只有14歲的翁靜晶,兩年後他們在邵氏化妝間重逢,展開一段轟動娛樂圈的忘年戀,84年翁靜晶下嫁比自己年長29歲的劉家良,婚後育有兩女兒,長女劉萬儀曾拍亞視劇集《殭屍道長II》,次女名劉幸儀。

翁靜晶及女兒劉萬儀、劉幸儀及劉家良合照


11. 郭富城 方媛 相差23歲

當年天王郭富城與太太方媛的戀情引來全城熱話,各界藝人和網民都紛紛跟風抽水。已屆53歲的郭天王依然識食,30歲、樣靚身材正的模特兒一樣俾佢媾到手。



12. 李坤城 林靖恩 相差41歲

現年61歲的台灣作詞人李坤城,多年前起和好友的女兒、現年22歲的林靖恩相戀,呢段相差近41年的「爺孫戀」愈愛愈高調,經常在網上大晒親密照。雖然女方父親曾控告李坤城「和誘罪」(指成年人和誘未滿二十歲之男女,脫離家庭或其他有監督權之人),不過李最後獲判無罪。



李坤城幾年前更透露在2016年11月、女友20歲生日後就會註冊結婚。但由於佢哋兩人同女方父親關係決裂,所以即使結婚都唔會邀請對方。而且二人早有生BB的計劃,李表示即使將來佢老了,林靖恩都一樣有親人陪伴;而林亦表示己準備好做媽媽。



13. 莫少聰 孫雲玲 相差26歲

現年56歲的知名演員莫少聰多年前曾經同演員洪欣相戀,洪欣更未婚懷孕誕下一子,不過二人其後分手。佢於2011年時迎娶比佢年輕26年的內地女子孫雲玲,不過莫少聰再婚後,漸漸變得低調,甚少讓太太和女兒曝光於人前。而太太在11年為他誕下女兒後,亦被發現身材走樣,不愛打扮,似係想專心做賢妻良母。



不過很可惜,二人在2016年離婚,同時孫雲玲放棄女兒撫養權,莫少聰要父兼母職照顧女兒。



14. 齊秦 孫麗雅 相差23歲

現年58歲的台灣知名唱作歌手齊秦情史多多,最為人津津樂道的都係多年前同女神王祖賢的一段十多年的戀情,可惜最後無疾而終。而齊秦在初出道時亦曾與歌手方美芳相戀,二人育有一子齊家。



直到2010年,齊秦和比自己年輕24年的成都歌手孫麗雅在美國註冊結婚。齊秦和前女友所生的兒子齊家,只係比孫麗雅細一歲。兩人迄今結婚5年,女方為齊秦誕下女兒齊心及兒子齊恩,一家人生活美滿,常在微博晒幸福。



15. 魏駿傑 張利華 相差20歲

現年51歲的前無綫藝人魏駿傑,與另一無綫演員滕麗名相戀近十年後,於2007年分手。分手後同年輕20年的重慶女學生張利華火速相戀,2008年閃婚,兩人的女兒Jessica今年快將八歲。

6a0fb27fjw1e7guh42j8oj20xc18gdtl



不過幾年正值兩人的「七年之癢」,五月時張利華就被爆與前港隊單車名將鄧宏業暗中撻着,兩個人撐完枱腳去散步,男方幫張利華拎手袋仲攬埋腰,似乎關係匪淺。雖然兩夫妻曾因此事吵大鑊,不過之後佢哋已經和好如初,傑仔仲豪擲千七萬購入獨立屋送俾老婆!

{



16. 杜德偉 李曉冰 相差24歲

56歲杜德偉2012年跟細佢24年嘅攝影師女友李曉冰(Ice)結婚,承諾對老婆一心一意一生一世甜到漏。原來杜德偉岳父同佢同齡,岳母更係比杜德偉細一歲,但從外表睇女婿真係後生好多,難怪杜德偉被封為美魔男!



杜德偉雖然曾同吳君如及周汶錡拍拖,但都未能開花結果,但自從認識了Ice後,令佢改變愛情觀:「父母走咗,我對家嘅感覺淡咗,有咗老婆,我融入咗佢娘家,突然多番家庭成員。」Ice雖比杜德偉年輕24年,但由拍拖到結婚已把杜德偉照顧妥貼,他說:「老婆湊大四個妹妹、一個細佬,好就得人。我哋都有拗撬,佢性格都有堅持,仲會倔強到我必須遵從。」杜德偉笑言因此索性以柔制剛,令夫妻關係更和諧!



17. 湯鎮業 文靜 相差25歲

多仔公湯鎮業有兩段婚姻,1993年同亞視女星姜坤結婚,育有一女及雙胞胎兒子,2001年離婚。到2008年,同細佢25年嘅青島女子文靜(下圖)再婚,同年9月生下一對雙胞胎女兒。





原來湯鎮業能成功食嫩草並唔容易,其現任妻子文靜表示,當年湯鎮業大女湯愛嘉曾經以死相逼,反對爸爸再婚:「我和阿湯的大女兒年齡僅差十歲,談戀愛的時候嘉嘉是很喜歡我的,但是覺得爸爸不可能結婚,因為離婚那麼多年了,而且爸爸之前也經常談戀愛,也習慣了。所以後來要娶這個女人的時候,她真的完全不能接受,甚至嚴重到要自殺。」幸好最後二人真誠打動了嘉嘉,父女戀最終開花結果!

鍾意就快D Share啦!