2018年10月15日 星期一

生日願望漏風聲 鄭伊健 明年2月紅館開騷 __,

鄭伊健
生日願望漏風聲鄭伊健明年2月紅館開騷10月4日係鄭伊健嘅51歲生日,佢喺社交網貼咗段片,係成班工作人員同伊健唱生日歌慶祝,條片一開始係音樂人陳光榮拎住 ...


生日願望漏風聲 鄭伊健 明年2月紅館開騷



10月4日係鄭伊健嘅51歲生日,佢喺社交網貼咗段片,係成班工作人員同伊健唱生日歌慶祝,條片一開始係音樂人陳光榮拎住個蛋糕,全場默契地唱生日歌,伊健畀呢個生日驚喜搞到有啲唔好意思咁,但就欣然接受,仲透露生日願望㖭!

撰文:東方新地





生日願望漏風聲 鄭伊健 明年2月紅館開騷

在場有人大叫問佢有乜生日願望,伊健立即雙手接過蛋糕然後話:「生日願望,希望可以再上舞台啦﹗」全場大叫:「紅館﹗紅館﹗20場﹗」

鄭伊健
鄭伊健見到大家為佢送上嘅生日驚喜,表現得好開心,但又一啲怕怕醜咁﹗



在場有人問幾時,伊健話叫大家留意住微博、facebook同Istagram。之後伊健話︰「喺beautiful day裡面,最緊要朋黨,冇朋友係做唔到,多謝咁多位。」

伊健講出生日願望係再上舞台,大家等咗足足六年喇﹗


聽到伊健叫大家留意佢嘅社交網,似乎正在籌劃之中喇喎,有傳聞指明年2月伊健會喺紅館開個人演唱會﹗相隔六年再喺紅館開騷,相信唔單止係伊健嘅生日願望,亦係好多人嘅願望嚟㗎﹗



有人大叫「唔好喊」,伊健配合地扮喊﹗


伊健扮扁嘴問點解冇蠟燭?工作人員立即豎起手指公扮,伊健亦搞笑地扮吹蠟燭﹗

鍾意就快D Share啦!
Related Posts Plugin for WordPress, Blogger...