2018年10月4日 星期四

今次真係禾稈冚德尊!盤點6個非富則貴的《都市閒情》主持 __,《都市閒情》,

都市閒情富貴主持feature
今次真係禾稈冚德尊!盤點6個非富則貴的《都市閒情》主持TVB婦女節目《都市閒情》終告一段落,同一時段改為播出《流行都市》,而各位主持們更瞬間成為傳媒焦 ...


今次真係禾稈冚德尊!盤點6個非富則貴的《都市閒情》主持



TVB婦女節目《都市閒情》終告一段落,同一時段改為播出《流行都市》,而各位主持們更瞬間成為傳媒焦點。原來幾位主持都非富則貴,今次就同大家數下佢哋有幾富貴

撰文:東方新地 |圖片:Instagram、[email protected]劉彩玉





盤點6個非富則貴的《都市閒情》主持

1. 彭慧中

彭慧中以前喺英國讀市場學,2010年參加港姐而入行,因為經常喺節目展示靚腿而開始有觀眾留意。



有傳佢嘅家族係開時裝貿易公司,喺中港兩地設有多間廠房。



有指彭慧中爸爸喺2008年時用2,100萬買入大埔康樂園獨立屋畀屋企人住,而佢自己平時就揸價值60幾萬房車出入。平時佢喺IG都Post好多遊山玩水相,睇落都幾有千金小姐感覺。



2. 蘇晉霆

蘇晉霆 (Marty) 初加入TVB時都係拍電視劇為主,主要都係做路人、官兵、記者等角色,直到2012年開始就加入《都市閒情》大家庭。



Marty 出身於富裕家庭,家族物業超過4,000萬,出道無耐就自己一個人住喺半山900幾呎嘅豪宅,平時出入仲有跑車代步!



3. 劉彩玉

原來劉彩玉一開始以歌手身份出道,仲出過三張個人專輯!1995年就開始主持《都市閒情》,可謂經驗老到。



劉彩玉2000年下嫁香港壁球代表隊兼香港體育學院壁球總教練蔡玉坤,而老公喺2016年時更升職為香港體育學院副院長,喺體壇真係無邊個會唔識!



4. 姚嘉妮

姚嘉妮由亞視轉過去無綫,主要係拍劇同埋做主持,自2013年開始入加《都市閒情》。



嘉嘉同老公林祖輝喺2013年合力搞童裝生意,而家已經有六間分店,其中一間分店仲超過一千呎!有指早前更加透露有意上市,一邊做藝人一邊做老闆娘,真係豬籠入水。



5. 宋芝齡

自從幾年前韓國風氣愈吹愈熱,識韓文兼細個喺韓國生活過嘅宋芝齡就經常擔任主持訪問韓星,就係嗰陣開始多咗好多人識佢,之後加入《都市閒情》更加令佢人氣爆燈。



早前宋芝齡被人拍到出街有3個工人服侍,揸過百萬名車兼養名種狗,韓文語言學校又已經擴充到六間,生意比TVB人工多十幾倍。



6. 安德尊

人稱「大王」嘅安德尊喺TVB都有一定地位,多年前譚小環大爆大王多年嚟喺元朗買落大批地皮起樓,平時經常戴鑽戒又請同事食飯。不過大王就透露只係喺元朗合資買地建舍。



有傳大王家族生意非常龐大,除咗香港,喺加拿大都有物業揸手添!

鍾意就快D Share啦!
Related Posts Plugin for WordPress, Blogger...