2018年10月16日 星期二

飲嘢都要健康!蔡思貝 買呢支飲品解渴… __,蔡思貝,

蔡思貝
飲嘢都要健康!蔡思貝買呢支飲品解渴…緋聞男友余德丞上月踼波搞到昏迷入院,仲一度危殆,好彩福大命大最後無事,話咁快已經出咗院,今個中秋迎月日仲會孖住一齊 ...


飲嘢都要健康!蔡思貝 買呢支飲品解渴…



緋聞男友余德丞上月踼波搞到昏迷入院,仲一度危殆,好彩福大命大最後無事,話咁快已經出咗院,今個中秋迎月日仲會孖住一齊復工㖭,唔怪得之蔡思貝都唔再擔心,心情靚番晒。向來圍住身邊都係異性嘅蔡思貝,呢日就激罕冇兵同行,反而喺約埋女性朋友出轉銅鑼灣行街街。

撰文:東方新地 圖片:新傳媒圖片





蔡思貝 難得有女同行

呢間鬧市超出名多名人藝人幫襯,之唔係因為多靚嘢賣又多特別貨種囉,所以雖然全程都係買咗支飲品咁大把,蔡思貝同友人逗留好耐,之唔係呢度停吓、嗰度望吓,見到樣樣得意嘢都研究吓先囉!

蔡思貝
搵閨密陪行街的重要性,之唔係買嘢正經嘢,都要有個人陪吓周圍望吓無謂嘢囉!


講開又講,潮流新興植物奶,蔡思貝都揀咗支腰果奶嚟解渴,有益心臟又有豐富不飽和脂肪酸,認真識貨!

27歲女都仲係好似小朋友一樣,攞住支嘢飲喺手玩個不停。



去到超市揀飲品,蔡思貝好識飲,揀咗支潮人近期最吹捧的腰果奶。



 蔡思貝心情都好輕鬆,等的士時與友人傾不停。



|蔡思貝

夏日炎炎,多位女星齊齊出海滑水。咪睇蔡思貝咁瘦,穿上黑色性感泳衣,竟然罕有哂出長長事業線!據知,蔡思貝是首次滑水,仲請咗陳嘉寶老公黃頌祈做私人教練,見佢喺滑板上有姿勢又有實際,又唔似第一次玩,睇落靚相背後下過唔少苦功。



日前,蔡思貝再度出海滑水,今次相對上次就保守得多,雖然冇哂事業線,但露出小蠻腰,都幾吸睛!



蔡思貝 同余德丞襯「情侶裝」

余德丞8月8日晚與朋友在西營盤中山紀念公園球場踢波,其間疑身體感不適到場外長椅休息,未幾突然暈倒,其後由救護車送往瑪麗醫院搶救,情況一度非常危殆。之後Dickson住院近一個月,終獲醫生批准出院,昨日 (23日) 更首次公開現身,孖住蔡思貝一齊出席活動,兩人喺活動上同樣著上黃黑色打扮,似足情侶裝!



喺台上兩人更「打情駡俏」,Dickson笑言:「我一醒番你就短髮,差啲唔認得你!」之後Dickson更單膝跪地,向蔡思貝送上一紮以蔬菜紮成嘅「花束」,場面好似求婚一樣。



問蔡思貝呢日佢哋係咪以情侶檔身份出騷?佢話:「係好朋友身份!」更感情表示::「佢暈咗時我好震驚,即刻趕去醫院,我發現自己好珍惜呢個朋友,可以話友情升溫!」Dickson聞言即向思貝講「對唔住」。



余德丞:醫生話我係心律不正

Dickson就親自憶述昏迷當日嘅情況:「當時踢踢吓波有啲眼瞓,咪出咗場邊休息,跟住就瞓着咗⋯⋯之後醒番,其他嘢完全冇印象,係聽媽咪講我瞓咗兩、三日,醒番就認得屋企人,雖然唔係落到床咁誇張,但真係奇迹嚟!醫生話我心臟亂跳,即係心律不正。」



講到外表瘦咗唔少,Dickson直言:「其實體重差唔多,醫生叫我呢兩個月唔可以做劇烈運動,淨係可以踩吓室內單車,我咪睇吓波先,踢波就出年先再踢。」講到大病過後嘅得著,佢就話:「個人慢活啲、珍惜生命同朋友,以往一句『祝你身體健康』好似冇乜嘢,但經歷過先知一切唔係必然!」



台下有唔少fans到場為Dickson打氣,Dickson藉機感謝喺佢患病期間幫助過佢嘅家人、朋友同fans:「好多謝我媽咪同埋啲親戚,因為我喺醫院嘅時候一日三餐都照顧得我好好,喺昏迷期,都有好多人嚟探我,我好多謝佢哋,就算無嚟醫院嘅我都多謝你哋啲訊息,仲有啲粉絲DIY卡、拍嘅片,同埋全香港嘅市民又為我集氣令到我醒返!」



第一次見家長

呢日蔡思貝父母都有到場參觀活動,見到Dickson向蔡思貝「求婚」嘅場面,蔡媽媽即場拍晒手掌,原來Dickson第一次見蔡思貝父母,呢對緋聞情侶更唔介意同蔡父蔡母一齊合照影「全家幅」。



蔡思貝笑言:「我十個有九個朋友都見過我爹哋媽咪,我爹哋媽咪好開通,好鍾意同我啲朋友打成一片!」Dickson即刻話:「係咩?咁我都過去同佢哋打成一片先!」



講開又講,剪咗個「男仔頭」嘅蔡思貝,真係比「木村女」木村光希更加似木村拓哉喎!

日本男神木村拓哉。

「木村女」光希今年出道,好多人話佢似老竇木村拓哉,但睇落似乎蔡思貝更加似樣喎!









鍾意就快D Share啦!