2018年11月20日 星期二

盤點鄭伊健8套經典無綫劇!那些年同松松成最佳熒幕情侶⋯ __,

鄭伊健
盤點鄭伊健8套經典無綫劇!那些年同松松成最佳熒幕情侶⋯無綫《萬千星輝賀台慶2018》昨晚舉行,喺嗰兩個多小時嘅節目,最有驚喜係請來鄭伊健做特別表演嘉賓 ...


盤點鄭伊健8套經典無綫劇!那些年同松松成最佳熒幕情侶⋯



無綫《萬千星輝賀台慶2018》昨晚舉行,喺嗰兩個多小時嘅節目,最有驚喜係請來鄭伊健做特別表演嘉賓,唱出多首經典歌,曾於無綫拍劇的伊健喺騷後透露,今次是無綫的舊戰友叫他趁台慶回來,離開大台多年嘅佢直言只要劇本合適,會考慮返娘家拍劇!

睇番伊健以前喺無綫拍過唔少經典劇,而其中多套劇同陳松伶合演情侶,難得二人經常以情侶檔演出,不單止冇引起觀眾的反感,更成為咗當年深受觀眾喜愛的熒幕情侶,睇番《92 鍾無艷 》嘅劇照,兩人都相當合襯,以下精選了伊健的8套經典無綫劇,唔知你哋睇過幾多套呢?



撰文:東方新地  圖片:新傳媒圖片、劇照





鄭伊健 TVB台慶獻歌

在昨晚的台慶上,伊健以壓軸嘉賓身份演出,出年會喺紅館開個唱嘅佢,喺台慶獨自solo一part,深情獻唱《直至消失天與地》和《一生愛你一個》,其中《直至消失天與地》更是伊健主演的1994年無綫劇《笑看風雲》插曲,經典中嘅經典!



伊健唱畢後再與周柏豪合唱《友情歲月》,不過唔少網友認為呢個組合有啲奇怪,仲話難得伊健返大台唱歌,希望聽佢一個唱咁話!



伊健現身,為悶咗成晚嘅觀眾帶來高潮,而現場氣氛高漲,一眾藝員紛紛站起來跟著節奏拍手,high到呢⋯⋯



伊健原來已經相隔6年沒有再回到TVB,「對上次返嚟係做訪問,台慶就真係好耐,今次都係朋友叫,每次演唱會朋友都好幫手,會問我伊健洗唔洗幫手,我覺得佢哋好好,始終有感情,我覺得再返嚟玩下。」伊健直言太久沒有來到這舞台,是帶有一點壓力,因為他始終是在TVB長大。



1987年《鐳射青春》

87年伊健首次拍電視連續劇《鐳射青春》,全劇共12集,鄭伊健在劇中飾演樂隊成員,有彈bass,有唱和音!而同劇演員仲有陳潔靈、吳啟明、盧冠廷、蘇永康、黃澤鋒等等!





1990年《月兒彎彎照九州》

在1990年,松松陳松伶因演《天涯歌女》一炮而紅,之後她在20集的《月兒彎彎照九州》再擔正主演,仲大唱懷舊金曲,劇中同飾演富家少爺嘅鄭伊健相戀!



松松單是跟伊健合作的起碼有7部劇,她曾說:「第一次同鄭伊健合作係《月兒彎彎照九州》,當年大家年紀都很小,我剛剛上大學,他整天叫我:「你快點上學吧」。



1991年《蜀山奇俠之仙侶奇緣》

這部由蕭笙監製的仙俠劇《蜀山奇俠》劇播出後創下頗高收視率,電視台趁熱打鐵開拍的續集,那時的男女主演關禮傑和楊寶玲因為當時約滿後離開電視台,所以續集由伊健和松松擔正。





雖然劇集出街後收視一般,但觀眾都認為二人極合襯!松松飾演峨眉派掌門余英男,伊健演血魔傳人,之後改邪歸正的石生!



1992年《鍾無艷》

1992年《鍾無艷》陳松伶飾演的鍾無艷是一位相貌醜陋,心地善良、熱心助人的現代女子李愛,而伊健飾演憑真誠打動伊人芳心的男主角。



94年 《笑看風雲》

1995年重頭劇《笑看風雲》可算是鄭伊健與陳松伶事業上的轉捩點,伊健演活了正義又深情的包文龍,而被導演王晶發掘踏入影壇,並憑一系列的《古惑仔》電影大紅大紫。



而松松一改以住開朗的鄰家女的戲路,演一個表面自閉性情古怪,實情外冷內熱的少女林貞烈,二人最後還是相戀!



在以往的劇集二人總能開花結果,但此劇,松松被飾演反演的郭晉安燒死,令伊健痛不欲生!



1994年 《婚姻物語》

1994年《婚姻物語》鄭伊健與陳松伶的第四次合作,那時剛剛香港深受日劇《東京愛情故事》影響,無綫效仿推出類似劇情的《婚姻物語》,鄭伊健在劇中飾演廣告公司職員程方中,陳松伶則出演鄭伊健的青梅竹並且他暗戀多年的蓮至美,最後當然是有情人終成眷屬。



2005年《隨時候命》

在2005年無線劇集《隨時候命》中,鄭伊健飾演的Matt守候佘詩曼飾演的Carrie長達幾年,即使對方昏迷後醒來失去記憶都不離不棄,可惜仍未能走到最後,最後伊健跟鍾嘉欣成為一對。



《赤沙印記@四葉草.2》

伊健在《赤沙印記@四葉草.2》客串演出,原來他倆已是最後一批歌手為該劇客串演出,還特地要求自度故事,還特地要求自度故事,最後選擇咗比拼打羽毛球。

伊健自言羽毛球技術頗了得,無論用左手還是右手也揮灑自如,他說:「圓形球類嘅運動我一向唔得,尖形嘅就OK。」









鍾意就快D Share啦!
Related Posts Plugin for WordPress, Blogger...