2018年11月2日 星期五

楊怡傷脊椎難受孕 與羅仲謙延遲生B大計 __,楊怡,羅仲謙,

楊怡
楊怡傷脊椎難受孕與羅仲謙延遲生B大計2016年,與細五年的羅仲謙拉埋天窗,放慢腳步做人妻,渴望能早日榮升人母相夫教子。兩年過去,楊怡與謙謙的造B工程仍 ...


楊怡傷脊椎難受孕 與羅仲謙延遲生B大計



2016年,與細五年的羅仲謙拉埋天窗,放慢腳步做人妻,渴望能早日榮升人母相夫教子。兩年過去,楊怡與謙謙的造B工程仍未有聲氣,原來與楊怡拍劇多年傷脊椎有關,現階段她要先調理好身體,才能繼續造人。生B大計要延遲,愛妻號謙謙萬大事以老婆行先,體諒之餘更是貼身關懷。夫妻感情和順有目共睹,生唔生B都一樣咁恩愛甜蜜。

撰文:東方新地|圖片:東方新地、Instagram





【楊怡傷脊椎難受孕 與羅仲謙延遲生B大計】

生兒育女講求天時、地利、人和,楊怡與謙謙婚後曾揚言要全速前進,精壯的謙謙表示要三年抱兩,不過事與願違,夫婦二人為工作不時分隔兩地,即使其中一方肯移船就磡 飛去探班,造B工程依然未能成功達標,原來楊怡與謙謙所欠的就是人和。

楊怡
2016年,楊怡與細五年的羅仲謙拉埋天窗
楊怡

直今依然係娛樂圈中的模範恩愛夫妻!


楊怡身體狀況最重要

楊怡與謙謙婚後有共識,為生仔作最好準備,可是拍劇多年的楊怡已五勞七傷,需要長時間去調理身體,據知情者透露:「阿怡同謙謙已經好努力向生仔目標進發,盡量遷就工作時間同互相探班,但始終都唔成功,阿怡一直有睇中醫同脊醫,知道自己身體因為多年勞損,醫生都叫佢最好調理好先至陀B,始終女人生仔條腰骨係最受壓,如果脊椎有問題亦會有影響。」





阿怡知道急唔嚟,所以佢想醫好脊椎先,謙謙亦唔想阿怡冒險,一切以老婆身體狀況行先,生唔生B都係其次。



生B順其自然

所以最近楊怡同謙謙都轉口風,話生B都係順其自然,唔想畀自己太大壓力。事實上楊怡嫁作人妻後,事業心已不復當年重,她曾公開表示最重要是家庭和健康:「十多年來日夜顛倒,以前全副精神向前衝,可以掩蓋小毛病,但近年停下來,問題就逐漸浮現,成日覺得疲累,又會忽然腰骨痛。始終唔再係十八廿二,係時候重整自己,唔想為錢太拼搏,到頭來全部奉獻畀醫生。」



脊椎長期針灸

入行多年把身體捱殘了,楊怡坦言由頸以下,整條脊椎都出現問題,整個人的支架都歪了,因為有腰骨風濕痛的問題,所以要保養好自己的脊椎,近年做得最多就是針灸及看中醫。更甚是楊怡有段時間因為皮膚敏感改了吃素,最後因營養不良令體質變弱,被營養師勒令要吃肉,如果想生B就更加要吃一點肉。

楊怡唔拍劇為調理身體,食得健康養尊處優,與母同住的她更有個入得廚房的好母親,健康住家飯與補身湯水源源供應,總之養好身子,一切為生B做好準備。

睇見都流口水!


短劇內不接劇 有媽媽悉心照顧

近年楊怡不再茹素,為調理身體養成健康均衡飲食,還戒掉多年的飲酒習慣,每日盡可能都留在家中由母親負責下廚。工作方面,兩年前楊怡決定離開效力了17年的無綫往外闖,先是於上海完成經典舞台劇《我和春天有個約會》的演出,之後又與呂頌賢演出舞台劇《72X房客 ─ 尋找幸福的歲月》,去年再拍了無綫劇《再創世紀》。工作量雖比簽無綫時少,但楊怡自覺要停下來休息一下,短期內都不會再接劇。

早前楊怡相約一班相識20年的藝訓班同學食飯兼慶生,當日大家包場飲紅酒敍舊,相中見林峯等人飲到面紅紅,但楊怡為生B已戒酒,所以保持清醒靚樣。


離開無綫兩年,楊怡接了前年的舞台劇《我和春天有個約會》及去年與郭晉安合作的劇集《再創世紀》,有指年初梅小青曾找她演《法證先鋒IV》女一,但楊怡怕辛苦壓力大推掉。

當時謙謙向太太越洋送上大禮,氹到阿怡心花怒放!


推《法證先鋒IV 》女一

有指年初監製梅小青曾找楊怡拍《法證先鋒IV 》做女一,但楊怡最終把劇推掉,角色最終落在李施嬅手上。知情者透露:「雖然阿怡暫時唔再接劇,但佢又唔會完全引退,依家都仲接代言活動同廣告、商演,總之輕鬆冇壓力嘅工作都會考慮,再加上謙謙依家喺內地都好受歡迎,工作接到手軟,搵錢重任就交畀老公」

《法證先鋒IV 》女一最後落在李施嬅手上!



首爾血拼散心

謙謙今年下半年留港陪楊怡,早前二人更去首爾大玩特玩,放低生仔壓力吃喝玩樂,話唔定有意外收穫呢?



10月2日是楊怡與謙謙結婚兩周年紀念又稱為布婚,楊怡喺IG晒出旅行時嘅甜蜜合照,並寫道:「時動,時靜,願我們繼續打 打鬧鬧,蹦蹦跳跳,開開心心的幸福下去。」



首爾之旅楊怡完全唔理形象豁出去,見到得意巨型拉麵又玩一餐,而謙謙就錫到老婆燶,謙謙全程幫楊怡孭住重重的血拼戰利品。



謙謙傍實阿怡 買腸粉慰妻

最近忙著宣傳新劇《再創世紀》的楊怡,早前曾預告將會回歸休息狀態。日前本刊記者在大埔墟遇到楊怡與謙謙,當日謙謙駕駛其Range Rover四驅車到大埔舊居,接過由男親友送來的貨物後,他把車泊入街市停車場,獨自跑到附近一間平民食店,原來是為了幫愛妻買一兜加入大量辣椒醬的腸粉。楊怡與謙謙拍拖六年結婚兩年,婚後感情有增無減,希望唔使等太耐就有好消息,令楊怡由幸福人妻變成幸福人母!

愛妻號謙謙把車泊在大埔墟街市停車場後,獨自行去附近小食店,買了一兜馳名腸粉拎走,其時見他不停講電話,又叮囑老闆娘要加多啲辣醬。記者曾問楊怡是否在車內食腸粉,她笑說:「頭先喺party(杏兒囝囝生日會 )太多人冇食嘢!」



自小在大埔長大的謙謙,這日駕車返舊居,一名男親友用手推車幫他把貨物搬到樓下,再由他搬入車尾箱。

這日中午楊怡與謙謙參加了胡杏兒囝囝一歲生日會,二人又與當時仍未分娩的Coffee合照。


羅仲謙與楊怡在大埔墟街市停車場遇上本刊記者,二 人雖表現愕然,仍校低車窗打招呼,楊怡表示要趕去接母親,所以未能與記者詳談。

婚後放老婆在第一位的謙謙雖然恨生仔,但萬事以楊怡身體健康狀況行先,知道老婆脊椎有事,他非常著緊,不時傍實楊怡外出。


跟得老公未成功

楊怡與謙謙婚後努力造人,近年謙謙長時間在國內搵食,夫婦二人不時移船就磡,不過生仔尚未成功,謙謙仍須努力。

阿怡人肉速遞探班

年初謙謙返國內拍攝陳德森執導的新戲《征途》,楊怡人肉速遞飛去無錫探班,謙仔說:「因為返唔到香港,所以拍攝初期阿怡有飛來探班,我哋仲去咗太湖、古鎮散步、飲嘢,聽落好悶,但我已經開心、好滿足。」



曾拍激咀戲激嬲老婆

之前有傳謙謙與內地女星朱銳拍激咀戲事前冇向楊怡備案,激嬲老婆,搞到要由台東急飛上海,氹番在上海工作的楊怡,更陪玩陪食陪濕平,連人肉GPS都做埋!謙謙肯做阿四贖罪,羅太最後收貨唔再嬲豬。



布拉格happy

去年拍《再創世紀》,謙謙飛去布拉格搵楊怡,唔使拍劇就成班演員一齊周圍去觀光,不知玩得幾開心。










鍾意就快D Share啦!
Related Posts Plugin for WordPress, Blogger...