2018年11月9日 星期五

【跳躍生命線】大結局 張曦雯疑慘死 魯賓遜成關鍵 仲有神秘角色亂入?! __,張曦雯,

跳躍生命線
【跳躍生命線】大結局張曦雯疑慘死魯賓遜成關鍵仲有神秘角色亂入?!無綫台慶劇今晚就,有追開劇的朋友當然都好關注一眾角色的下場,但其實監製去到最後一集仍準 ...


【跳躍生命線】大結局 張曦雯疑慘死 魯賓遜成關鍵 仲有神秘角色亂入?!



無綫台慶劇今晚就,有追開劇的朋友當然都好關注一眾角色的下場,但其實監製去到最後一集仍準備了不少緊張情節,例如遇上意外重傷,到底結局如何?魯賓遜(張國強飾) 將會恢復記憶,而且仲係一個重要人物!另外仲好大機會有另一劇集的角色亂入……

撰文:東方新地|圖片:劇集截圖





《跳躍生命線》張曦雯遇意外重傷

大家睇咗咁多集,終於等到馬德鐘(飾演麥在田) 同張曦雯(飾演阿Man) 喺埋一齊,但好景不常,張曦雯於昨晚一集因救小朋友遇上交通意外,情況危殆,到底在哥同阿Man最後結局會係點呢?

跳躍生命線
張曦雯所乘坐的小巴突然急停,令馬德鐘非常擔心,幸好女神無大礙。



衝出馬路救人 被車撞倒

跳躍生命線

突然一個小朋友走出馬路執波,然後又例牌情節有車駛近,於是張曦雯衝出去救人……



張曦雯推走咗個小朋友,不過自己就……



馬德鐘 陳瀅醫院痛哭

日前無綫Big Big Channel上載咗一段大結局劇透短片,短片中見到馬德鐘與陳瀅在醫院痛哭,之後馬德鐘撫摸著合埋雙眼的張曦雯,呢幕同當初馬神亡妻李佳芯遇上車禍身亡的一幕十分相似,唔通馬神真係咁命苦……

陳瀅喊到豬頭咁。

馬德鐘亦傷心落淚。


難道馬神又要要經歷愛人車禍身亡?編劇使唔使咁殘忍呀!

重現當初Ali離世的一幕。


張曦雯黑白照預告

連張曦雯都上載一張在哥同阿Man的黑白照……


裘叔小蝶有突破

去到大結局,當然可以天台BBQ happy ending,不過今次《跳躍生命線》似乎不一樣,例如裘叔(李成昌飾) 及小蝶(謝雪心飾) 呢一對,兩人多年前分開,不過去到大結局關係上會有突破。未去到和好如初,可能會係一種淡淡然的哀傷?

謝雪心非常討厭李成昌。



兩人結局會係點?



魯賓遜扮演重要角色

張國強飾演的流浪漢魯賓遜不時出現,患有認知障礙症,但最終在醫院檢查後突然恢復記憶,原來呢位前攝影師扮演著重要角色㗎!

魯賓遜原來好重要!



原來魯賓遜一直拎住嗰部相機,拍下過不少在哥、傑仔,仲有佢老婆的生活點滴,可能會為觀眾帶來一幕幕咁多位角色的片段,睇怕都要準備紙巾了……


咁都得?!《愛·回家》Terry亂入

去到最後,監製方駿釗就表示由歐瑞偉飾演的王Sir將會重遇一個大家好熟悉的拍檔,大家見到會一定會有驚喜!雖然未有透露呢個拍檔係邊個,但講到同歐瑞偉最有默契、最深入民心的拍檔根本只得一個,好可能係《愛·回家》的Terry(李偉健飾)!其實之前都有《果欄中的江湖大嫂》的角色亂入,如果見到Terry真係唔出奇!

監製透露由歐瑞偉飾演的王Sir將會重遇一個大家好熟悉的拍檔!



Terry(李偉健飾) 同KC (歐瑞偉飾)這對活寶每次的出場都笑料百出,他們兩人的關係錯綜複雜,是兩師徒又是好拍檔,還上演過男男SM的戲碼,趣味性十足,也看得出兩人的感情十分好!

KC和Terry呢個組合極深入民心。

雖然《開心速遞》中KC是Terry的舅父,但他們二人的互動經常讓觀眾疑惑真是舅甥那麼簡單?


之前有人話劇集成日談情說愛,應該改名叫《跳躍感情線》,最後KC… 王Sir都會同麥愛花(張文慈飾) 成為一對~



前文提要:

《跳躍生命線》暗藏彩蛋 何廣沛穿越兩劇 仲有兩個身份?

近日有人指《跳躍生命線》感情戲太多,應該改名叫《跳躍感情線》,臨近結局當然要交代多位角色的感情發展其中愈走愈近的何廣沛及劉佩玥一齊去果欄買生果,何廣沛就表示自己曾在果欄打工,熟晒架步,實買到好嘢!

原來傑仔做救護員之前喺果欄打過工?



有咩咁巴閉呀?

點知何廣沛又真係不斷遇到熟人,仲話俾折頭佢!


何廣沛曾在果欄搬貨?

之後何廣沛就話佢以前喺果欄搬過貨!



去「和豐欄」搵「大巴姐」?

之後何廣沛帶劉佩玥去到一檔「和豐欄」,仲話呢度啲生果係全場最正!睇到呢度,觀眾們都覺得呢個名好似咁熟嘅?



呢度個老闆娘叫「大巴姐」,喂又係好熟咁喎!



Crossover《果欄中的江湖大嫂》

其實心水清的觀眾應該都知啦,何廣沛同劉佩玥去的檔口正正係今年3月《果欄中的江湖大嫂》中,女主角陳煒經營的「和豐欄」,而陳煒喺《果欄大嫂》中外號就係叫大巴姐。

大家應該都仲記得《果欄中的江湖大嫂》~

陳煒當時個角色就係叫大巴姐,不過佢今之未有喺《跳躍生命線》中客串。

大大個「和豐欄」!


 何廣沛穿越兩劇 仲有兩個身份?

其實點解會有呢個彩蛋出現呢?因為何廣沛原來有份客串《果欄中的江湖大嫂》,喺大結局一集以果欄新人的身份現身,表示自己剛剛頂下一個果欄做店主。

唔講真係唔記得何廣沛出現過~



當時何廣沛同幾位主角陳煒、岑麗香及黃浩然表示自己從未賣過生果,即時被瘋狂質問!

香香幾大反應!


新人邊知咁多規矩喎!

何廣沛驚到想轉身就走!


《果欄中的江湖大嫂》係新手檔主,但何廣沛去到《跳躍生命線》就自稱搬過貨,唔通佢真係做唔掂生意,索性搬貨就算?

其實都係嚇吓佢啫!










鍾意就快D Share啦!
Related Posts Plugin for WordPress, Blogger...