2018年11月16日 星期五

【兜巴信再現】拍親台慶劇都被摑 《兄弟》王浩信再被兜巴星百幾巴 今次到佢落手? __,王浩信,

兜巴信feature
【兜巴信再現】拍親台慶劇都被摑《兄弟》王浩信再被兜巴星百幾巴今次到佢落手?無綫電視劇《兄弟》播出一星期,當中三位男主角王浩信(Vincent)、楊明、 ...


【兜巴信再現】拍親台慶劇都被摑 《兄弟》王浩信再被兜巴星百幾巴 今次到佢落手?



無綫電視劇《兄弟》播出一星期,當中三位男主角王浩信(Vincent) 、楊明、伍允龍嘅打鬥戲份搞到觀眾睇到都緊張埋一份。王浩信呢幾年Keep住有男主角做,好似《踩過畀》、《溏心風暴3》同《EU超時任務》等。大家對於Vincent嘅演出,相信最深刻就係狂畀人摑,故此有「兜巴信」稱號,唔知係咪引到話題,所以Vincent喺《兄弟》又將會再畀人摑!

撰文:東方新地|圖片:劇集截圖





《兄弟》王浩信再被兜巴星百幾巴

王浩信(Vincent)喺2012年台慶劇《名媛望族》飾演劉松仁私生子,有一幕係畀劉松仁狂摑14巴,見到都心痛。

 



王浩信畀劉松仁摑到塊臉紅晒


諗住拍完《名媛望族》就唔使再畀人摑?錯喇!2013年台慶劇《法外風雲》入面,王浩信畀飾演佢阿媽嘅謝雪心兜巴星23巴!



一齊重溫下「兜巴信」係點煉成



打在浩信身,痛在觀眾心。王浩信喺2018年台慶劇《兄弟》入面,再次成為被選中嘅細路……唔通佢拍親台慶劇都一定會被摑?王浩信就話《兄弟》入面有場戲係講佢昏迷咗,江嘉敏就摑足佢百幾巴。王浩信:「我好驚佢會摑暈我!」



王浩信同江嘉敏喺《兄弟》入面都有感情線㗎



相關文章:

王浩信 陳自瑤 再傳婚變

視帝王浩信近日終於處男下海「上車」買樓成為業主,以港幣3306.6萬元購入清水灣傲瀧11座高層,實用面積1,837呎的B單位,呎價1.8萬元,屬新世界發展商旗下物業,今次亦是Vincent首次做業主。

早於年前他已然透露有意置業買樓送畀老婆陳自瑤,目標是送層獨立屋畀老婆,並希望今年可以成事。Vincent大方承認確是買樓,但這個單位更是送給王媽媽的禮物,至於送畀老婆的物業,Vincent表示遲些先再買,現在要繼續努力工作賺錢,等儲夠錢就買樓送畀老婆。報道指Vincent買樓的過程,作為太太的YOYO從未知情及參與。



異口同聲否認

今年4月底,陳敏之上載老公的生日派對大合照,王浩信與陳自瑤只是「同框」合照,未有站在一起,令婚變傳聞再升溫。傳媒向王浩信求證,問到是否正與太太辦離婚,他只說:「冇啲咁嘅事,多謝大家關心。」而Yoyo亦與浩信同一口徑:「唔想再回應,多謝大家關心。」



報道指,Yoyo近來經常其個人社交網已有所暗示,她曾留言:「最大的放生是放過自己,嘗試改變自己不要再傷害自己……其實真正能讓我們哭笑的不是別人,而是自己,若你的喜怒都來自他人,那麼你就是個無能的傀儡。」她又以多次「Yoyo正能量分享」為題留言:「多麼忙不重要,忙甚麼才重要!一次重要的抉擇勝過千百次的努力!今天的生活是由三、五年前選擇決定的,而三、五年後的生活是由今天決定的!」可見其想「重生」的決心!



而近日YOYO去杜拜旅行,她分享的所有相片,都未見有王浩信,只是YOYO一個人!



王浩信 首次封視帝

睇番今年台慶「最佳男主角」由王浩信憑《踩過畀》文申俠一角奪得,王浩信得獎時表示,多謝TVB多年來給他喜怒哀樂,稱細細個已經睇兒童節目《閃電傳真機》,又多謝周星馳、梁朝偉令他立志成為好演員。回憶以往曾窮得戶口得雙位數,王浩信多謝娛樂台TVB8,令他人氣上升及爆Show;他又向高層樂易玲道謝,令他的夢想變理想,及感謝圈中友人郭晉安等教他演戲。王浩信憑《不懂撒嬌的女人》、《踩過界》等賺人氣,他多謝眾劇集的監製。他提起父母親時眼泛淚光,因入行13年來未畀過家用,另外他也多謝太太YoYo陳自瑤:「將我家庭同囡囡照顧得非常好,多謝你。」將之前嘅所有婚變傳言粉碎。

王浩信

王浩信繼上次封新加坡視帝後,再被封台慶視帝!



王浩信多謝老婆陳自瑤照顧家庭及囡囡。



有片睇:



王浩信 陳自瑤 屢傳情變

34歲的王浩信去年憑劇集《EU超時任務》中「渠頭」一角彈起,一度被網民捧成視帝大熱,人氣急升演技亦備受肯定。受無綫力捧的王浩信劇接劇,拍劇工在作日夜癲倒,再加上大量的商業活動及宣傳活動,搞到成年都冇放過假。忙於工作,難免冷落家人,YoYo曾大呻老公很少回家瞓覺,兩公婆聚少離多;而在社交網站中,王浩信確實在社交平台甚少發放兩夫妻合照,對上一次已經是一年半前的事,而YoYo亦多是post單人相,唔通真係有啲問題?

 



王浩信溫馨湊女

王浩信雖然忙爆,但早前難得有一日假,兩父女去到將軍澳寓所附近的公園做運動!當日太陽曬正頭頂,女兒QQ大汗淋漓盡,幸好有個體貼爸爸左手拎毛巾、右手拎水樽,一停低就埋身抹汗餵水。踩咗個幾小時單車,兩父女手拖手步行返家,睇得出QQ好黐爸爸,二人都很珍惜共度的時光。

  



約《踩過界》女拍檔撐枱腳

高大靚仔不在話下,暖男形象更是加晒分,向來極有異性緣的王浩信,每次拍劇都與同劇女拍檔表現曖昩,有報道指佢在拍完《踩過界》後,曾單獨相約劇中一位女拍檔食飯,仲開埋VIP房打邊爐。而《踩過界》兩大女角,一個係早己名花有主的李佳芯,另一個就係自出道就被封為「姣花」的蔡思貝,大家覺得會係邊個呢?



咁當然啦,最冇可能係千雪BB嘅……



老公異性緣大強勁,老婆YoYo當然唔好受,但為咗囡囡同家庭都多次出嚟護夫澄清!去年有報道指王浩信現時已搬離日出康城寓所,與弟弟王瑋彤暫時同住在維景灣畔。對於分居一事,王浩信都係否認!





江嘉敏 傳英國拍劇姣黐王浩信

江嘉敏被問到會否與王浩信保持距離,以免再傳緋聞,佢笑話:「都冇咩嘢要避忌,因為我同佢只係傾劇本同埋講吓啲感情戲點處理,如果咁樣都被人講,即刻要完全唔傾偈,唔講嘢!不過我媽咪都有問我單緋聞係咪真,我話『你話呢?』我媽咪知道我今次又係同劉穎鏇同房,都有叫我出入要同劉穎鏇一齊,因為佢高大,但我哋盡量都唔會外出!」

江嘉敏

江嘉敏話帶咗好多零食出Trip!





劉穎鏇自言好Strong可以保護江嘉敏,又話:「我同江嘉敏上次喺英國拍外景都係同房,好有家庭感覺、好溫暖,去到菲律賓,我哋留喺房一齊玩。」
江嘉敏

劉穎璇話唔驚同王浩信傳緋聞,仲笑話係都同江嘉敏傳she she!



江嘉敏開朗又玩得,喺新劇《兄》中,佢更一改清純形象,不再演乖乖女,飾演保鑣的她要郁手郁腳拍打戲,又要揸槍,動作戲多多。

江嘉敏

有傳英國拍外景期間,江嘉敏姣上王浩信,經常主動獻殷勤,買咖啡都只預對方!


自薦幫王浩信搽油

早前二人接受《東張西望》訪問,王浩信話拍打拳戲期間,工作人員幫佢喺皮膚搽油不下數十次,在旁的江嘉敏笑話:「下次呢啲粗重嘢留畀我呢啲細嘅做!」王浩信聽到後尷尬笑話:「我嗰個年代啲女仔都唔係咁嘅⋯⋯」!

江嘉敏

賣萌係江嘉敏的強項,王浩信少啲定力都唔掂!



江嘉敏

近日江嘉敏話好懷念陽光海灘,趁機派福利吸粉絲!


江嘉敏 初熟水著曝光

拜去年一套《親親我好媽》純情學生妹形象所賜,江嘉敏成為新一代氣質女神,火速在網絡走紅,獲讚又pure又true!

江嘉敏

江嘉敏拜去年《親親我好媽》純情學生妹形象所賜,成為新一代宅男女神,火速在網絡走紅。
江嘉敏

江嘉敏17歲已經狂拍私影,做Model經驗豐富,不過水著晒身材就不常見,睇怕今次又令班宅男暈其大浪!


色誘張繼聰

在早前播出嘅《誇世代》江嘉敏同張繼聰搞「大叔戀」,二人一場切磋武技戲份,背心拋胸的江嘉敏,胸壓張繼聰不特止,還用腳將男方夾到實一實,睇到班宅男熱血沸騰。



嗲爆王浩信 食飯跟到實

江嘉敏同王浩信在TVB西餐廳拍攝新劇《兄弟》,戲裡戲外江嘉敏都好主動,拍完一個shot,就表情多多不停撩人夫王浩信傾偈。另一日外景,江嘉敏亦一有機會就撩男方傾偈,反而王浩信表現避忌。



電crew佬

除咗姣人夫,江嘉敏其實亦非常識撈,嗲功又了得,成功冧掂一班幕後。一名工作人員透露:「咪睇Kaman外表咁純情,佢好識得嗲人,除咗識得冧監製,更加冧到班Camera man、打燈佬、PA暈陀陀,大家都對佢特別照顧,出道咁短日子就咁襟撈,真係叻女嚟!」

江嘉敏

恃住有煞食純情外表,江嘉敏拍劇期間就經常扮可愛,將班crew佬電到暈陀陀。有TVB幕後爆料,指江嘉敏拍《兄弟》狂放生電,就連PA都對佢特別照顧,不時扶出扶入。



17歲拍私影

中學讀嘉諾撒聖心書院,江嘉敏自小發明星夢,17歲已瘋狂拍私影同接拍微電影,她曾經自爆讀書時期,因做Model被同學排斥,更曾因此想過自殺。她曾大吐苦水:「當時覺得好多人都唔鍾意自己,壓力好大,有諗過死咗算!慶幸身邊有幾個朋友安慰我,先打消呢個念頭!」不過,原來這只是宣傳伎倆,之後反被舊同學踢爆她講大話,指同學間根本冇人排擠佢,但相信最令班宅男心碎,還是江嘉敏同歌手曹震豪16年拍《循序漸進》MV時撻著,為保清純女神寶座,玩地下情扮單身,純情只是流於表面!

江嘉敏

《親親我好媽》中江嘉敏飾演中六考DSE的女學生,對常常扮演學生的她沒有難度。



激罕晒身材

近年忙於拍劇的Kaman,成為2017年Google人氣搜尋女藝人,其實佢曾跟《新假期》出過不少Trip,除了去文青feel嘅日本和台灣,仲去過馬爾代夫,大晒噴血身材呀!



江嘉敏 認戀30歲電競公司高層

之前一直自稱單身的江嘉敏,日前被影到多次與30歲的電競公司高層Anthony十指緊扣,甜蜜拍拖。報導更指二人在西貢秘密同居,連日來共度春宵,愛得相當痴纏。

對於新戀情,她今日回應傳媒時表示二人發展中,只是開始不久,對於報道指她與男友秘密同居,江嘉敏表示當中的報道部分啱,但也有部分係錯嘅,而她希望把感情事低調處理,也不想影響家人。女神公開認愛,第日可以大方拍拖,難怪心情都靚啲,她剛剛在IG表示心情如笑容般相當燦爛!



A post shared by (@kaman_kong) on



A post shared by (@kaman_kong) on



Anthony起底 有才有米

身高六呎的Anthony Cheng 在美國加州柏克萊大學畢業,在本地一間著名電競公司擔任產品部總監,家住太子道西價值千多萬港元的豪宅,平時駕駛名車出入。男友年紀輕輕已事業有成,難怪江嘉敏對戀情都直認不諱。









公司要員

電競公司的老闆之前就上傳同員工聚會,佢大讚眾人好幫得手,齊齊推動及帶領電競事業,而Anthony(白色衫)是其中一員!



A post shared by (@khdcheung) on



A post shared by (@khdcheung) on



愛同藝人合照

Anthony都鍾意同啲星影相,之前佢就把許廷鏗及側田嘅合照放過上Facebook,見到桂綸鎂嘅巨型相片,Anthony企埋去合照仲留言話「She is so into me~」似乎鍾情於氣質型美女!



IG隔空傳情

Anthony的IG設定為私人賬戶,未有對外公開,但見江嘉敏都有Follow!而之前女友心情似乎欠佳,上傳史諾比卡通圖片話想要一個抱抱,Anthony雖然未有多言,但就留下一個彩虹圖案鼓勵她!

Anthony的IG

鍾意就快D Share啦!
Related Posts Plugin for WordPress, Blogger...