2018年12月16日 星期日

重溫70歲石修歷年影視風采 有型與年紀成正比! __,石修,

石修
重溫70歲石修歷年影視風采有型與年紀成正比!喺無綫劇集《兄弟》中飾演亨少嘅石修,只要一出場就散發壓場氣勢,適逢今年係佢入行六十周年,一齊重溫現年70歲 ...


重溫70歲石修歷年影視風采 有型與年紀成正比!



喺無綫劇集《兄弟》 中飾演亨少嘅石修,只要一出場就散發壓場氣勢, 適逢今年係佢入行六十周年,一齊重溫現年70歲嘅修哥歷年影視風采!

撰文:東方新地|圖片:東方新地





重溫70歲石修歷年影視風采

|62年 童星扮牛仔

1958-64年做童星嘅石修,62年首次拍國語片《鍍金世界》夥拍關之琳老竇關山,片中呢個西部小牛仔造型,有型又有格。



|68年 偷食小丈夫

石修喺電影《聰明太太笨丈夫》中演小鮮肉丈夫,同一班好色之夫如曾江等人商議成立「 丈夫走私協會 」,東窗事發後成為老婆奴。



|76年 叛逆富家子

76年無綫改編瓊瑤同名小說劇集《心有千千結》,講述李琳琳演嘅護士同石修演嘅叛逆富家少爺之間愛情故事,過程轟烈又充滿波折。



|79年 至型花無缺

79年石修喺古裝劇《絕代雙驕》演花無缺,造型優雅中帶帥氣,飄逸又俊朗,係至型嘅花無缺。



|81年 正義棄富貴

石修喺81年劇集《火鳳凰》演鄭裕玲前度,為正義棄富貴,大義滅親出庭頂證富家子兼大舅苗僑偉誤殺妻子陳秀珠,最後仲同周潤發爭Do姐。



|81年 剛猛洪熙官

81年TVB劇《英雄出少年》,由石修飾演洪拳始創人洪熙官,洪拳以剛猛勇悍見稱,修哥耍起上嚟亦勁度十足、似模似樣。



|82年 慕容復爆紅







82年版《 天龍八部 》石修演慕容復,風度翩翩、氣宇軒昂、高傲俊美,被譽為「永遠的慕容復」而紅遍中港台,套劇83年台灣大 hit,爆紅嘅修哥於84-86年間到台灣發展。



|85年 戀上藍潔瑛

石修85年偷閒回港拍劇,喺《六指琴魔》中演玉面神君東方白,同藍潔瑛大婚之日,六指琴魔以琴音令由吳啟華演嘅東方白徒弟亂了性而同藍潔瑛親 近,三人關係亂到九彩。



|86年 返娘家弄權

86年石修由台灣返港回娘家無綫,隨即參演集周年台慶劇《黃金十年》,佔戲頗重,劇中為人工於心計,為奪權不惜玩弄感情。



|87年 型到爆刑警

石修喺警匪劇《大班密令》演除暴安良,殲滅國際性罪行嘅國際刑警,西裝骨骨,左手插褲袋右手揸槍,係至型嘅國際刑警。



|01年 演荷李活片

01年石修參演由嚴浩執導嘅中美 合拍荷李活電影《庭院裡的女人》, 《蜘蛛俠》「綠魔」威廉達福演嘅30年代家庭教師竟然愛上石修太太,而石修個造型望落真係幾似方力申。

鍾意就快D Share啦!