2018年12月11日 星期二

沈可欣細仔出世了!楊證樺怕太太陀B辛苦 兩個夠晒數 __,楊證樺,

楊證樺
沈可欣細仔出世了!楊證樺怕太太陀B辛苦兩個夠晒數大台綠葉夫妻楊證樺同沈可欣2015年結婚,二人一直恩愛,並育有一子。今年6月,43歲沈可欣宣佈陀第二胎 ...


沈可欣細仔出世了!楊證樺怕太太陀B辛苦 兩個夠晒數



大台綠葉夫妻楊證樺沈可欣2015年結婚,二人一直恩愛,並育有一子。今年6月,43歲沈可欣宣佈陀第二胎,今日阿Man喺Facebook分享喜訊,宣布細仔喺12月10號已經出世恭喜哂呀!

撰文:東方新地、SundayKiss  圖片:沈可欣、楊證樺Facebook





楊證樺細仔出世

楊證樺、沈可欣選擇喺公立醫院生BB,佢哋特別出POST鳴謝醫護人員照顧,阿Man細仔重3.27KG,都算係大碼BB,佢又透露有全程陪產同親手剪臍帶,問到會唔會追多個囡囡,佢話未必會,因為怕太太陀B辛苦,而且見到太太生B好痛佢都好心痛,所以暫時兩個都夠晒數。佢又話細仔中文名已經有心水,但未正式改,遲啲至公布BB中文名!



沈可欣開始坐月同湊細仔了,楊證樺話已經準備咗一份禮物,會代表細佬送畀哥哥,佢話大仔都好期待細佬返屋企!



睇返啲相,大仔同細仔都係喺QE出世㗎!唔知大家覺得兩兄弟似唔似樣呢?



楊證樺 沈可欣晒靚靚孕照

雖然已經係第二胎,但係可欣都係第一次影大肚相。本來陀大仔宏志嗰陣,就已經約好日子影相,點知大仔衝閘,提早出世,所以最後就影唔到,當時可欣都好失望架,仲喺產房喊咗出嚟!

第一胎影唔成,到有咗第二胎,證樺都好體貼咁為老婆圓咁呢個夢,仲同埋大仔一齊影!幾溫馨!



為咗令輯相嘅美感,楊證樺仲即興除埋上身衫陪老婆一齊影!



媽咪話晒都係港姐,靚就一定㗎



媽媽嘅溫柔,完全表現晒出嚟!

呢胎都係仔,不話楊證樺就話一切都係順其自然,冇咩生仔秘方,一直同太太都想生多個,等大仔有個伴。



證樺話,知道老婆上次影唔到輯相好唔開心,今次就待登預早啲影,達成老婆嘅心願。



仲話如果唔使開工,自己都會用手機,日日同老婆影張相,為孕記做紀錄。



作為老公同爸爸,楊證樺都夠晒廿四孝喇!



是4間食肆老闆

楊證樺家庭、事業兩得意,除了演員,他另一身份是餐廳老闆,因為他現已經營4間食肆,好叻!



感恩喜獲第二胎

早前楊證樺喺個人社交網公布喜訊,表示佢哋一家三口將會增添一個新成員,變成一家四口!佢更留言指感謝上天嘅安排,呢個BB係佢哋嘅第二份禮物。



楊證樺公開超聲波相

楊證樺留言後,亦同時Po出一張BB嘅超聲波相,唔少網友知道呢個好消息,都戥佢哋高興,紛紛留言送上祝福!



「綠葉夫婦」 楊證樺沈可欣

楊證樺及沈可欣同為無綫綠葉演員,演出劇集無數,有睇電視的大家未必叫得出真名,但一定認得兩人!佢哋早已認識十多年,但真正走在一起只係近幾年嘅事。

即將播出嘅新劇特技人都有阿Man參演,演出機會不斷!



對於戀情十分低調,很多藝員同事直至兩人結婚先得悉,仲以為拍緊戲!



兩人現時育有一個2歲嘅兒子楊宏志 (Eugene)。



夫妻檔拍住上

楊證樺和沈可欣在TVB默默耕耘多年,一直安於自己位置,因為他們明白每套劇集都是team work,要有主角、配角和綠葉才能成就一套劇集,正如每個家庭都會分工合作,每人都有自己崗位。



楊證樺笑言兒子是他的福星,自他出世後,兩人獲得更多演出機會,甚至一齊做夫妻角色,「監製一諗起要搵人做夫妻,就會諗起我哋。



夫妻演《踩過界》獲力讚

早前無綫劇《踩過界》成為城中熱話,「盲俠大狀」王浩信固然獲得好評,但在其中一單元「疏忽照顧兒童案」中,飾演聾啞夫婦的楊證樺和沈可欣獲網民大讚演技出色,大家更想不到兩人在現實中亦是夫妻!無論戲份多少,兩人對每個角色也十分認真,經常一邊湊仔一邊刨劇本。



因囝囝抽筋暈倒 楊證樺有了人生啟悟

佢哋曾喺電視節目中,提及囝囝楊宏志 (Eugene)上年突然發燒,睇醫生後久久未退燒,之後楊證樺揸車去醫院途中,囝囝更突然抽筋,然後暈倒、失去知覺。

 



當時沈可欣已經喊到死去活來,以為囝囝咁就走咗… 幸好十多秒後囝囝有返喊聲,楊證樺個心先定落嚟少少。

 





人生最深刻一次

去到醫院,囝囝再度失去知覺,醫生馬上為Eugene進行急救,好彩最後平安無事。沈可欣憶述當時有人同佢講「頭先你個仔個嘴變咗紫色」,佢話佢寧願唔知道,嚇死佢哋。佢哋話,依一次係佢哋人生之中最深刻嘅一次。

  



楊證樺講述當時嘅心情:「去到嗰一刻,我原來所有嘢都可以唔要,我只要個仔。」

  





好在,而家囝囝都健健康康咗長大,嚟緊仲會做埋人哋哥哥㖭!



《BB來了》演「人渣老竇」

大台劇《BB來了》中,楊證樺(Man)飾演嘅「阿成」唔止爛佬兼一度走佬,佢因黎諾懿放片上網而被封佢做「人渣老竇」,最後佢迫到佢被網絡公審,佢又以為徐榮勾引佢老婆楊卓娜,一時衰衝動怒斬徐榮,搞到囝囝爭啲被車撞,而佢自己都因而要入獄,下場都係最慘嘅一個!劇中衰到貼地,但現實生活不知幾幸福!

楊證樺飾演的阿成因為爛賭欠下一身街數,於是楊卓娜孭起頭家幫手還債日以繼夜打工,但阿成反誤以為楊卓娜勾佬畀綠帽佢戴,有晚攞把菜刀要斬要殺!之後仲走埋佬…

不過阿成從雜誌知道阿妙成為有名陪月員,又嚟搵番佢兩母子,又連日跟蹤佢仲知佢同徐榮往來好密,以為老婆同徐榮有路!


因為黎諾懿呢個港爸KOL走火入魔為搵錢而出賣朋友及家人,仲將佢鬧阿成唔識做人老竇嘅短片放上網,結果阿成被封做「人渣老竇」!他之後多次同徐榮起衝突,又跪求同妻子復合不果,兒子龍仔更直指「人渣爸爸,我唔要你做我爸爸,Ben叔叔至係我爸爸,楊證樺大受刺激下刀傷害徐榮,但龍仔跑出馬路時,徐榮為救佢而被車撞到入院。終於被判坐監!

阿成大受刺激下竟以刀傷害致遠,最後致遠為救出馬路的龍仔而被車撞倒送院。
鍾意就快D Share啦!
Related Posts Plugin for WordPress, Blogger...