2018年12月30日 星期日

重溫梅艷芳天后風采罕見相 當時的芳華絕代! __,梅艷芳,

梅艷芳
重溫梅艷芳天后風采罕見相當時的芳華絕代! 12月30日係「樂壇大姐大」「百變天后」梅艷芳逝世十五周年,今次搵咗梅姐早期同罕見圖片,藉此緬懷重溫呢位威盡 ...


重溫梅艷芳天后風采罕見相 當時的芳華絕代!



 12月30日係「 樂壇大姐大 」「 百變天后 」梅艷芳逝世十五周年,今次搵咗梅姐早期同罕見圖片,藉此緬懷重溫呢位威盡一時嘅天后風采同魅力,張張相都極具價值。

撰文:東方新地|圖片:東方新地




重溫梅艷芳天后風采罕見相

|82年 贏新秀冠軍

4歲就開始演唱生涯嘅梅艷芳,82年參加無綫 與華星唱片合辦嘅《第一屆新秀歌唱大賽 》,憑演 繹徐小鳳名曲〈風的季節〉近乎滿分奪得冠軍,從此展開燦爛傳奇一生。

梅艷芳



|82年 新秀們郊遊

82年10月剛滿19歲嘅出爐新秀 冠軍梅艷芳,孖新秀參賽者前排左起:胡渭康、蔣慶龍、林利到錄音室練歌後揸車郊遊,梅姐呢個牛頭唔知係整畀邊個呢?



|83年 劉培基改造

83年5月著名時裝同形象設 計師劉培基花六個鐘頭,為梅艷芳打造新形象,中式俠女頭、粵劇花旦妝襯西式服裝,中西合璧型格又別具特色,開啟兩人合作同百變模式。



|83年 日本出唱片

83年大洋音樂社社長永島達司睇中到日本參加《東京音樂節》嘅梅艷芳,替佢出由EMI製作嘅細碟《強吻之前 / 白色新娘》,仲搵嚟公司首席攝影師田林仁影封面同靚相,完全捕捉到梅姐最美一面。



|84年 後腦型戴帽

梅艷芳84年作歌影視三棲 發展,每次出席公開場合,衣著都極具特色,呢件全白色衫暗藏大細波波,再襯用後腦戴嘅圓形白帽,平凡中見不平凡。



|85年 助徒弟草蜢

草蜢85年參加《第4屆新秀歌唱大賽》, 雖然落敗但獲梅艷芳賞識收為徒,做佢演出時嘅舞伴同唱片和音,並跟隨梅姐登台搵錢同發展歌唱事業,梅姐捧新人不遺餘力。



|85年 閨蜜張國榮

張國榮同梅艷芳喺初出道 時,曾一齊捱過好多艱難時刻, 除喺舞台同熒幕合作無間,亦 經常同遊外地甚至一齊瞓,係對無所不談閨密,呢張攝於85 年嘅相梅姐攬實哥哥,盡顯深厚情誼。



|86年 變波斯妖女

86年梅艷芳喺大碟《妖女》封 面同〈妖女〉MV中,化身成金絲頭紗誇張金色眼影同粗眉妝容嘅中東波斯風情神秘異域女人,而另一 款鮮橙波斯裝束亦係出自劉培基之手,同樣屬話題經典作。



|87年 玩冷傲冶艷

梅艷芳87年大碟《似火探戈》由劉培基將佢打造成冷傲冶艷探戈女郎,面黐銀珠同著閃閃珠片衫,一如〈似火探戈〉歌詞黑衣黑如黑寡婦,造型前衞又大膽,成為梅姐經典作之一。



|88年 成三料影后

 「樂壇天后」梅艷芳影壇成就同樣驕人,88年喺電影《脂胭扣》同張國榮合演淒美孽緣人鬼戀,憑精彩嘅演 出連奪香港電影金像獎、金馬獎、亞太影展「最佳女主角」成三料影后。



|91年 發哥孖男友

91年梅艷芳同模特兒男友劉米高出席宴會,同場嘅周潤發走過嚟同呢對熱戀中嘅愛侶合照,梅姐曾表示劉米高係帶畀佢最多快樂嘅一個人,難怪相中佢笑得特別甜。












鍾意就快D Share啦!
Related Posts Plugin for WordPress, Blogger...