2018年12月29日 星期六

網民:「目測有咗五個月!」單文柔曬吊帶大肚寫真照 __,單文柔,寫真,

單文柔feature
網民:「目測有咗五個月!」單文柔曬吊帶大肚寫真照41歲「視帝」陳展鵬與28歲單文柔拍拖兩年,今年月正式拉埋天窗,婚後一個月宣佈有喜。廿四孝老公陳展鵬婚 ...


網民:「目測有咗五個月!」單文柔曬吊帶大肚寫真照



41歲「視帝」陳展鵬與28歲單文柔拍拖兩年,今年月正式拉埋天窗,婚後一個月宣佈有喜。廿四孝老公陳展鵬婚後更是幸福滿瀉,仲自願「唔偷食」陪老婆齊齊戒口。呢日,單文柔喺社交網晒出大肚寫真,不少網民對呢位「奉子成婚」嘅「視帝嫂」孕肚紛紛猜測,話佢目測懷孕5個月?

撰文:Sunday – Chloe、東方新地| 圖片:單文柔IG陳展鵬IG、新傳媒資料室 | 編輯:東方新地





單文柔晒吊帶大肚寫真

近日,單文柔首次晒孕肚,佢喺Ig貼咗一張身穿白色吊帶裙嘅寫真照。可以清楚見到腹部隆起,唔少網民紛紛猜測佢懷孕約5個月,旁邊更有鮮花襯托,仙氣十足呀。

單文柔留言話﹕「你們的假期過得好? 剛剛過了我最喜歡的節日。今年。。。買了一棵真的聖誕樹,有好香的松樹味,佈置了我們的家,做了兩頓晚餐,在聖誕樹下準備了禮物,看了一場戲。最重要是今年可以和你一起度過。」

網民紛紛送上祝福


陳展鵬與單文柔大搞婚後派對

陳展鵬與單文柔於十月結婚後宴請一眾圈中好友出席於中環舉辦嘅婚後派對。陳展鵬拖住身穿粉色低胸裙嘅單文柔,雖然結婚兩日,但兩人似乎已經適應咗新身分,單文柔就笑住講:「婚後有多咗一種責任感,會想更好咁照顧佢!」聽完都覺得好sweet呀!

馮盈盈

露出事業線嘅單文柔拖實老公到場,並接受傳媒訪問。



索爆人妻王君馨昨晚就單拖出席派對,君馨就話自己布咗利是嚟祝福新人,表示:「因為我都啱啱辦過婚禮,知道花費唔少,所以好實際,希望我俾嘅利是可以令佢哋過一個更甜蜜嘅蜜月!」而且君馨更催促展鵬早日造人!咁唔知佢又會幾時有造人好消息呢?

王君馨完成當日工作亦趕到赴會。

黃心穎同樣單拖參與派對。


馮盈盈 麥明詩 齊齊現身

馮盈盈、麥明詩及丁子朗就齊齊現身,當問到盈盈同Lousia準備咗啲咩嚟賀一對新人,Lousia就話自己準備咗利是祝賀新人,至於盈盈坦言自己冇錢:「所以禮不到我人到,心意補夠!」,聽落都慳幾水慳力!

馮盈盈(左)、麥明詩及丁子朗齊齊現身。



馮盈盈漏口要做單文柔BB契媽

當被問到會唔會羨慕單文柔咁早就結婚,Lousia即話羨慕佢搵到個好老公,仲話最緊要係對方錫同埋長久幸幸福福,同埋生多個BB。點知盈盈馬上補充話自己到時可以認做契媽,隨即被在場傳媒誤以為單文柔有咗BB,之後盈盈先補鑊話:「唔係!」



其後,盈盈表示有介紹男友嘅醫生朋友俾麥明詩認識,問到有冇機會發展,Louisa就表示暫時可以做朋友。當問到身邊嘅丁除朗啱唔啱心水,Louisa指自己唔介意姊弟戀,不過就從未試過。照咁睇,現階段咩類型嘅戀愛都有可能發生喺Louisa身上!



A post shared by (@louisa_mak) on



A post shared by (@louisa_mak) on



煎Pang九月宣布結婚

九月10日,陳展鵬率先在無綫的Big Big Channel宣布婚訊,同晚向傳媒發聲明,正式宣布與28歲前港姐女友單文柔結婚!煎Pang表示期待組織小家庭,並盼得到大家祝福。



兩度浪漫求婚 單文柔冧爆

之後單文柔接受傳媒訪問,大爆煎Pang求過兩次婚,第一次在香港趁佢睡覺時,用一隻自己摺的心形紙戒指戴在其手指上,待佢醒後才發現,雖然好冧但單文柔都say no。第二次在英國,煎Pang在人流甚多又有巴士的大街再跪低求婚,這次單文柔最期待的畫面終於出現,如此感動當然點頭say yes

 
陳展鵬



單文柔 獲港姐好友送上婚前驚喜派對

單文柔同屆的港姐亞軍劉穎鏇及落選的魏韵芝,早前為準新娘送上驚喜,原來兩人預先訂房替準新娘舉行婚前派對,房內放滿粉橙色嘅汽球,仲有「bride to be」嘅橫額,Phoebe一入到房就好驚喜咁話﹕「嘩,好靚呀!」

兩位姊妹送上小蛋糕同白色玫瑰花,仲為Phoebe戴上小皇冠、頭紗同綵帶,十足當選香港小姐一樣。


兩位好姊妹仲甜蜜向佢獻吻,派對現場又以粉紅色為主色,擺滿粉紅色氣球及花瓣,真係好Sweet!



魏韵芝就留言話:「Congrats my Soulmate,Hope you liked the surprise(恭喜晒我們的心靈伴侶,希望你鍾意呢個驚喜。)」 又話﹕「女人的浪漫,誰說玫瑰只可以男人送?」佢講笑話Phoebe係幸運女神,反問點解唔係自己!



單文柔舉行婚前派對,房中掛滿汽球和寫上Bride to be的橫額,而她們還為準新娘戴上小后冠和彩帶,兼送上小蛋糕﹑花和香吻,逗得單文柔驚喜又開心。



今年(10月13日)就係陳展鵬迎娶單文柔的大日子,新郎煎Pang一早於中環四季酒店接過新娘單文柔,之後去到船上舉行婚禮,新娘子肯定畢生難忘!



陳展鵬一身西式禮服一貫地有型,而單文柔則身穿露肩婚紗,盡現美好身段,性感又高貴!兩人在親朋戚友見證下註冊成婚,恭喜恭喜~

 



呢個角度好震憾!


晚上陳展鵬與單文柔於四季酒店舉行婚宴,兩人換上另一套禮服見傳媒,單文柔表示中午宣讀誓詞的部分令佢非常感動,另外又指有唔少結婚儀式都刪減了,包括未有玩新郎環節之類。而煎Pang就表示父母都非常高興,令平時比較cool的爸爸都特別開心,好滿意新抱仔!

鍾意就快D Share啦!
Related Posts Plugin for WordPress, Blogger...