2018年12月19日 星期三

視帝扮乜都入型入格!黎耀祥 頹look演過氣殺手 __,黎耀祥,

黎耀祥
視帝扮乜都入型入格!黎耀祥頹look演過氣殺手三屆視帝黎耀祥扮乜似乜其實唔係咩新聞,不過當街當巷撞到祥仔為無綫重頭劇《殺手》拍外景,頭髮亂糟糟、頂住個 ...


視帝扮乜都入型入格!黎耀祥 頹look演過氣殺手



三屆視帝黎耀祥扮乜似乜其實唔係咩新聞,不過當街當巷撞到祥仔為無綫重頭劇《殺手》拍外景,頭髮亂糟糟、頂住個大肚腩、滿面鬚根爛躂躂嘅樣,將劇中頹廢墮落嘅過氣殺手角色演繹得入型入格,盡顯真正視帝功力。

撰文:東方新地  圖片:新傳媒圖片、TVB節目截圖





黎耀祥入型入格

趕劇還趕劇,黎耀祥除咗做戲做得最出色,仲有佢個好到加零一人夫真實角色亦同樣出色,日抖趕完劇,轉頭收工就見佢去咗陪老婆Julia行街街,結婚21年依然係形影不離,行街買嘢有商有量,呢樣嘢更唔容易!

黎耀祥
雖然係頹廢過氣殺手,不過黎耀祥都有學徒,呢場戲就有殺手學徒林景程同場演出。
黎耀祥

為新劇《殺手》拍外景,飾演過氣殺手嘅黎耀祥,一身造型加表情頽氣十足!




趕劇再忙,黎耀祥十年如一日都係錫到老婆Julia燶,鏡頭一轉收工即趕去陪老婆行街。

結婚21年,祥仔同Julia恩愛如昔,行街買嘢樣樣都有商有量。



同龔嘉欣合演殺手拍檔

拍足四個月仍未煞科的《殺手》,幾乎個個演員都打到傷痕纍纍,劇中演殺手拍檔的黎耀祥和龔嘉欣,男的打到韌帶勞損,女的打到手指筋撕裂、大腿縫針,吃盡苦頭仲趕緊為劇集埋尾。

早前,兩人在中環拍外景,演女殺手的龔嘉欣頭髮剷青,露腰加魚網絲襪性感上陣,


雖然年齡相差廿幾年,黎耀祥、龔嘉欣未埋位都好啱傾,祥哥還攞自己手機同 嘉欣分享。



當晚嘉欣又以性感小 背心谷胸晒腹肌,打扮野性的她同黎耀祥企埋一邊傾 偈,等工作人員set燈,大概九時許,嘉欣終於埋位拍攝同 臨時演員對打廝殺場面,只見攞住刀的嘉欣拳來腳往,睇嚟 真係落咗唔少苦功練習,不過呢場戲唔止要佢大展身手,重點 係要佢起腳踩臨記下體先完事,但拍完一take,導演似乎唔 太滿意,此時,企在一邊的視帝黎耀祥即親身落場教路,傳 授嘉欣秘技,祥哥認真到擘開臨時演員對腳,指點嘉欣踢的 位置,又教臨時演員被踢時要有腳震震效果,似乎相當熟 行,得視帝教戲,嘉欣亦好快學到嘢,拍完更Hyper到跳 起,睇佢反應,今次拍到視帝開工,先係佢最大收穫!

當晚唔係同祥哥過招,反而係同臨時演員對打兼踩對方下體,非打女出身的嘉欣明顯踩得唔夠放,祥哥見狀即落場教路!

視帝出手

當晚龔嘉欣要拍攝一場踩臨時演員下體戲,似乎冇經驗捉唔到路,拍完一 take ,導演唔太滿意,身旁的三屆視帝黎耀 祥,即出手親身教路,更用手移開臨時演員對腳,示範點踩效果最好。

視帝果然好認真,仲親身示範,嘉欣真係獲益良多!


跟住做

喺祥哥指導下,嘉欣好快就捉到路,即刻入戲!



即刻入戲

第一次同視帝 黎耀祥拍劇的龔嘉欣,呢日呢場踩臨記下體戲,要多得祥哥教路先成事!



拍完勁High

拍完嘉欣仲勁Hyper,開心跳起狂笑!

龔嘉欣睇playback 時都好滿意效果。


畀黎耀祥揸胸16次

嘉欣喺劇中有連番動作場面,其中同三屆視帝黎耀祥(祥仔)有唔少對手戲,呢晚兩人喺街上拍攝一場打鬥戲,拳拳到肉,睇見都痛!

嘉欣一腳踢落祥仔心口!


奪命鉸剪腳!


嘉欣表示喺劇中長時間都要露腰露腿,所以努力練緊馬甲線及腹肌,不過就話拍攝經常唔小心整親祥仔,覺得好對唔住對方呀!

嘉欣:「我好對唔住祥哥呀!」


祥仔想借位 導演唔收貨

祥仔貴為三屆視帝,一般演出當然難佢唔到,不過今次就遇上大考驗,就係「胸襲」嘉欣的鏡頭!祥仔一心就諗住借位了事,點知導演唔收貨,認為借位會穿煲,所以……唯有真做!

 



呢個時候嘉欣講咗句:「我係一個專業嘅演員,祥哥放心!」結果呢個前前後後、不同角度,一共拍咗16 Take!事後嘉欣仲搞笑話雖然唔可以奪走祥仔螢幕初吻,不過奪走咗……唔識講。

 



演出成功,大家俾啲掌聲~

《殺手》角色造型逐個睇

TVB新劇《殺手》卡士強勁,一眾主要角色包括黎耀祥、陳豪、李佳芯、龔嘉欣、江美儀等,仲要唔少演員的造型都相當搶眼,令人期待!下文逐一睇睇各演員今次搞乜鬼~



型佬陳豪 vs 麻甩佬祥仔



殺手

陳豪演殺手,型到爆,無難度
殺手

唔知祥仔個肚腩係堅定流呢?


羅蘭姐 西裝骨骨

羅蘭姐一身直間西裝造型,甚有中性美亦不失高貴!

 



高海寧 一樣咁靚

同其他演員相比,高Ling個造型正常到不得了,依舊咁靚女,但其實佢會唔會想破格啲呢?

 



江美儀 護士裝鳳姐

開始嚟料啦,見到46歲江美儀一身粉紅色護士裝現身,下身配埋漁網絲襪及高踭鞋,真係少啲定力都搞唔掂!美儀就透露今次係演一名鳳姐,劇中仲會有OL、動漫cosplay等更爆造型!美儀又自爆為演好角色,更特地去訪問真 · 鳳姐,希望演繹得更傳神!



祥仔經驗老到,應該把持得住!


李佳芯 師奶殺手

女主角李佳芯(Ali) 一頭大曲髮及戴上粗框眼鏡示人,雖然師奶味濃,不過露出白滑香肩及修長美腿,女神Ali無論點都係咁靚!小編講嘅!



邊度有師奶咁索㗎?


索爆阿雪 & 男仔頭江嘉敏



何遠東 向陳山聰致敬



麥明詩 挑戰演盲人



樊亦敏 噴血女魔頭

鍾意就快D Share啦!