2019年1月15日 星期二

暗串公司造獎比菊梓喬!吳若希6大講錯野得罪人時刻 __,吳若希,菊梓喬,

吳若希
暗串公司造獎比菊梓喬!吳若希6大講錯野得罪人時刻吳若希一向都非常敢言(成日講錯野),日前酸爆菊梓喬Hana「一姐」言論:「就算造畀佢都應該呀,始終自己 ...


暗串公司造獎比菊梓喬!吳若希6大講錯野得罪人時刻



吳若希一向都非常敢言(成日講錯野),日前酸爆菊梓喬Hana「一姐」言論 :「就算造畀佢都應該呀,始終自己公司嘅人」,暗串公司造獎比 Hana 兼暗酸她計投票率先贏,而今日Jinny同Hana就不和一事作詳盡回應!

其實除了和Hana的恩怨情仇,Jinny之前亦試過講錯說話得罪高登仔和網民,一起細數6大「講錯野、得罪人」往事!

撰文:好打耳呀(原文:新Monday)|相片來源:、、Facebook、劇照|編輯:東方新地





星夢歌手吳若希、周柏豪、菊梓喬、胡鴻鈞、戴祖儀等,今日為無綫節目拍攝賀年特輯。傳不和的Jinny及Hana一齊坐低受訪,講到日前《勁歌金曲頒獎典禮》當Hana獲頒「最受歡迎女歌星」時,Jinny被指笑到露齒兼浮誇大笑祝賀,她聞言自抽:「嗰晚我哋表現真係好精彩!(得你一個咋喎。)我嗰晚嘅表現好精彩!其實喺佢攞獎之前都有諗過我做乜都衰,笑同唔笑都衰。」

Jinny又大讚Hana:「未入公司就識佢,知佢對唱歌好有熱誠、夢想,我都唔夠膽自己Hold一個演唱會,佢有充足嘅精神、時間、體力去準備演唱會。」佢仲話唔會因為冇獎而唔開心:「冇咩好唔開心,我唔去頒獎典禮同唔攞獎都可以,但公司嘢要支持!」



到Jinny為何有如此誇張反應?她解畫指當時冇笑任何人,搞笑話早知唔去頒獎典禮:「係笑緊自己,心諗又要畀人影相同寫不和,要申請以後唔同Hana一齊坐!坐埋一齊就話我哋不和,唔一齊坐就唔會再畀人講同有相,真係好攰、好辛苦!呢劑嘢要同老闆反映,本身抱住睇騷心情去,大佬呀!你哋(網民)唔好將心入面諗嘅嘢當真。」

Jinny又話大合照即使周柏豪當日坐在旁,都冇影佢,笑言同柏豪也不和,更扮喊伏喺菊梓喬肩上,要對方安慰。



1. 暗酸 Hana 非實至名歸

《2018年度勁歌金曲頒獎典禮》後有記者問吳若希覺得Hana是否實至名歸時,她竟回答「如果佢係計投票率嘅話係值得當選㗎喎。」是在暗示Hana贏獎靠的只是投票率而不是實力?

然後再講到上年男女歌星獎合併為一獎,但今年就分番開,有指是想造就Hana奪得女歌星獎時,Jinny就謂:「就算造畀佢都應該呀,始終自己公司嘅人,佢啲歌係真係Hit,依家冇乜邊個香港歌手嘅MV係差唔多隻隻都過到百萬點擊率。」



有不少網民都覺得 Jinny 如此回應是扮大方、實質句句有骨。除了回應被人指責外,她聽到 Hana 得獎時的誇張反應亦相當耐人尋味。

去年底Hana在台慶頒獎禮獲「最受歡迎電視歌曲」,吳若希即時在菊梓喬Ig留言:「恭喜你呀一姐」,被網民解讀成她暗寸菊梓喬未夠班。



2. Jinny 於2019台慶講錯野!

2018年《千星輝賀台慶》 播出,約個半鐘的節目找來多位藝員表演。節目開始約半個鐘就搵嚟周柏豪、袁偉豪同胡鴻鈞表演射籃。



問到吳若希支持誰時,她就話:「我個心就係支持胡鴻鈞,不過TVB份稿叫我支持周柏豪!」

Do姐都不禁講句:「乜你咁㗎?」連叻哥等人都忍不住指責她倒米。有網民就相信此言論一出,吳若希應該會被TVB高層「照肺」!



3. 曾在Facebook指控雨運令小巴停駛

2014年10月上旬,香港爆發雨傘革命,吳若希在facebook埋怨示威集會令小巴停駛,影響市民正常生活,更令公公婆婆去醫院復診的成本增加。

結果曾被捧為高登女神的她,被網友唾棄。網民多指長者假日坐公共交通工具會有優惠,她對集會人士的指控並不成立。



其後她解釋自己是針對集會人士,沒指明是「佔中」還是「反佔中」,但網民並不接受她的解釋。



4. 合照被指諷鄧麗欣老!

吳若希因反雨運得罪了高登仔,被除名女神後,在網上人氣下挫了不少。2014年12月,她上載了一張與鄧麗欣的合照,留言又再起風波。

這張照片於吳若希出席2014年雅虎香港頒獎禮時,在後台碰上鄧麗欣時拍攝。她還留言說:「我初戀時已經聽她的歌∼∼」



網民認為吳若希此言,是在暗諷鄧麗欣年老,為人很有機心,群起插爆。而其實鄧麗欣只是年長吳若希9年,結果吳若希全程「任插」不敢回應。



5. 貼陳嘉佳比較照曲線抬高自己

2015年1月上旬,吳若希在facebook發出新年後第一個近況,就是她與陳嘉佳(細細粒)的照片比較,留言說:「小寶絕對是一個美女!」

此近況發出後,立即招來網民的痛罵。有網民指吳若希用意是貶低小寶,曲線讚自己靚,用心不良;更有網民叫她出帖前「唔該用下個腦」。



6. 幫老公趕客!

之前 Jinny 同老公、bb去美國旅行時,她在 Instagram 上大數老公的客人沒有行動、只吹水,令好老公白忙一場,浪費成個旅行。

不知道和她老公傾過電話的客看到 Jinny 如此抱怨後會有什麼感覺呢?



吳若希 停工生女被取代

其實前一姐吳若希兩年前停工生女結埋婚,復工後雖然奮起窮追,可惜一姐靚位被唱得性格又討好的師妹菊梓喬成功取代。

由星煥到星夢,吳若希自出道起就係何哲圖愛將,不過兩年前自把自為停工生女、歷年來又是非多多,一姐地位實在係自己拱手相讓。


吳若希 菊梓喬 成晚零交流

睇番《2018年度勁歌金曲頒獎典禮》當晚,成晚吳若希、菊梓喬兩女坐隔籬,但幾乎全程零交流,當吳若希憑《無常春秋》攞金曲獎時,佢一企起身即攬胡鴻鈞都唔攬坐隔籬嘅星夢一姐菊梓喬,似乎不和到出晒面。



到宣佈吳若希攞「最佳演繹女歌星」時,Jinny同樣無視菊梓喬,反而攬周柏豪!



吳若希 被指笑得太假

到宣佈菊梓喬攞「最受歡迎網絡歌星」,吳若希望咗對方一眼拍掌喪笑,連攞獎嘅菊梓喬都未開心成咁啦,真誇張!但佢同樣冇送上抱抱,菊梓喬就同周柏豪抱抱!



「最受歡迎女歌星」今年共有8位候選人,分別是容祖兒、吳若希、菊梓喬、王灝兒(JW)、譚嘉儀及田蕊妮、胡定欣兩位視后級人馬。最後由由菊梓喬(Hana)奪得,32歲的Hana入行短短兩年幾就擊敗容祖兒、吳若希、泳兒等一眾前輩奪得大獎,一眾網民都跌晒眼鏡!

宣佈菊梓喬得獎一刻,坐隔離嘅吳若希浮誇喪笑,連牙肉都露埋,比菊梓喬開心十萬倍,未知真心恭喜定嘲笑呢!



勁歌金曲頒獎典禮

歌手菊梓喬被師姐吳若希以「星夢一姐」來稱呼,因而傳二人不和,呢晚菊梓喬攞今年勁歌金曲頒獎典禮嘅最受歡迎女歌星大獎,吳若希全程失控喪笑!

吳若希笑到有冇咁誇


菊梓喬起身後先同柏豪抱抱,之後吳若希也起身同一姐輕攬,似交戲囉!



僅有一刻抱抱似交戲!



大合照冇菊梓喬份

身為星夢大師姐嘅吳若希,今次輸畀師妹菊梓喬,佢喺社交網貼咗一張合照有胡鴻鈞、譚嘉儀、石詠莉、作曲人張家誠等,偏偏就係冇本來坐旁邊嘅菊梓喬,吳若希寫道:「真心開心既(嘅)」冇錯,佢呢個笑容係真心開心,同知道菊梓喬攞最受歡迎女歌星獎嘅浮誇笑容兩個樣。

網民:「專登唔影一姐?」

識睇一定睇留言,網民紛紛問:「專登唔影一姐?」、「不和呀不和呀~一姐同連姐呢」、「頭先Hana拎最受歡迎女歌星嗰時,你笑到見牙唔見眼。」、「算啦,個獎都無晒代表性,你攞同一姐攞都係得淡笑㗎啦。」網民留言太抵死喇!吳若希之後再刻意po多張星夢歌手大合照,就有齊菊梓喬、連詩雅、周柏豪。



Hana晒6個獎項

Hana亦在社交平台大晒昨晚拿下的6個獎項,仲好謙虛話「一切只係時機+運氣,成就到今次的獎項」,但出道只有2年的她同樣備受網民非議,留言「我覺得你未夠班拿呢個獎項」、「TVB造馬畀晒啲獎你,其實有咩值得開心?希望你可以喺其他頒獎禮拎獎」、「未開過演唱會,單靠唱劇集主題曲就拎到最受歡迎呢個獎,你真係好叻呀」。

 



一文睇晒《勁歌》賽果

樂壇最後一張成績表《2018年度勁歌金曲頒獎典禮》完滿結束,張敬軒橫掃多個大獎,而「最受歡迎女歌星」亦由菊梓喬「驚喜」奪得,唔知大家又點睇今年嘅賽果呢?

最受歡迎女歌星 菊梓喬

Hana上台攞獎時,Hana熱淚盈腔哽咽話:「我好多謝TVB畀我第一首《一輩子守候》,令到好多人認迫我,多謝張家誠,真係好多謝TVB。好多謝公司星夢娛樂,herman,多謝你一直對我嘅信任,多謝你畀我嘅鼓勵。我真係無諗過,因為最近好多朋友問我都係話平常心,我真係覺得我可以做一個歌手、可以唱歌已經係畢生夢想,我真係好幸福。」

Hana今年共有6首歌入圍,當中《但願人長久》是劇集《跳躍生命線》的插曲,是翻唱自盧冠廷的原名歌曲,網民讚佢唱出不同感覺。



最受歡迎男歌星 張敬軒

張敬軒第四度奪得「最受歡迎男歌星」及憑《百年樹木》奪得「金曲金獎,他說:「我喺清水灣長大,今次攞獎係好大肯定,特別要多謝依然買正版唱片實體碟嘅人,雖然賣碟依家賺唔到錢,但對音樂人係好大尊重。」

大獎「最受歡迎男歌星」由大熱的張敬軒奪得,軒仔再次多謝TVB、何哲圖以及他所屬的公司,還有家人、粉絲和網民等。他說:「呢個獎項對於當年喺清水灣長大嘅我嚟講,係一個好大嘅肯定嚟。」



軒仔今晚攞得5.5個大獎,之前他在三個電台頒獎禮已經有10個獎在手,本年度合共奪得15.5個大獎,成為「獎王」



軒仔的確實至名歸嘅!



最佳演繹女歌星 吳若希

第九及第十首金曲也由吳若希憑《無常青春》及《別再記起》奪得,Jinny在台上講到生B後,第一次參加大型頒獎禮,除多謝老闆何哲圖外,鏡頭亦有影到老公Alex在台下撐場,見他笑得燦爛未有如Jinny所說出現尷尬樣,Alex更聽老婆話沒有穿西裝出現,穿灰色衞衣便服示人。

吳若希不忘多謝前來支持佢嘅老公Alex Ho!


最佳演繹男歌星 胡鴻鈞



 最受歡迎網絡歌星獎 菊梓喬



人氣王大獎 周柏豪

柏豪今晚也大豐收,除了憑《男人背後》及《烏托邦》兩首歌曲獲兩個勁歌金曲獎,也攞咗人氣王大獎。



勁歌金曲獎

烏托邦—周柏豪

男人背後—周柏豪

你帶著我的青春離去—王灝兒

騎膊馬—泳兒

飛蛾撲火—菊梓喬

只想與你再一起—菊梓喬

缺—張敬軒

天才兒童1985—張敬軒

無常春秋—吳若希

別再記起—吳若希



遙不可及—胡鴻鈞

有了你—譚嘉儀

無悔無愧—胡定欣

神不守舍—吳業坤

無畏的肩膊—鄭俊弘

忍—林欣彤

獻醜—洪卓立

太難開始—胡鴻鈞

但願人長久—菊梓喬

百年樹木—張敬軒



最佳合唱歌曲獎

金獎 周柏豪、楊千嬅 – 背後女人



最佳舞台演繹歌曲金獎

開心節 鍾舒漫



最佳樂隊獎

金獎:Supper Moment



最佳唱跳藝人 Super Girls

「最佳跳唱組合金獎」就由Super Girls奪得,但成員Yanny缺席,只有四人現身。



傑出表現獎

金獎:田蕊妮

銀獎:譚嘉儀

銅獎:石詠莉

去年再次出歌的田蕊妮獲「傑出表現金獎」,台上獲獎時阿田都說很意外:「真係冇諗過,頭先都『吓!』咗一聲,我表現唔傑出,傑出係幫我宣傳嘅同事,多謝歌迷,多謝公司,我會梗加努力出年希望再上台。」之後阿田演唱歌曲《兩口子》。



年度最佳進步獎

金獎:許靖韻

銀獎:伍富橋

銅獎:鄭世豪



最受歡迎新人獎(排名不分先後)

戴祖儀

曾樂彤

謝文欣



薛家燕、胡楓頒發「最受歡迎新人獎」時,兩人活寶薛家燕、胡楓便出場頒獎,修哥不慎踩到謝文欣條拖尾裙擺,搞到文欣好尷尬呀!



唱片銷量大獎

打頭陣先頒「唱片銷量大獎」,排名不分先後,包括有菊梓喬嘅《忘記我自己》、胡鴻鈞《到此一遊》、鄺美雲《C Again》、陳潔麗《15 Fifteen》同石詠莉《Moving Forward》

陳潔麗
鍾意就快D Share啦!
Related Posts Plugin for WordPress, Blogger...