2019年1月24日 星期四

陳浩民大女攞全校優秀學生獎 蔣麗莎:比看爸爸拿獎更激動! __,陳浩民,

陳浩民
陳浩民大女攞全校優秀學生獎蔣麗莎:比看爸爸拿獎更激動!藝人陳浩民一直被人封為「多仔公」,事關佢同太太蔣麗莎Lisa五年內育有3女1仔,去年7月,蔣麗莎 ...


陳浩民大女攞全校優秀學生獎 蔣麗莎:比看爸爸拿獎更激動!



藝人陳浩民一直被人封為「多仔公」,事關佢同太太蔣麗莎Lisa五年內育有3女1仔,去年7月,蔣麗莎喺微博到留言話六歲半嘅大女陳雅薷(Elizabeth)跳咗兩級要入讀小三,點知原來係搞錯學制,搞咗個大烏龍。不過,今次蔣麗莎冇搞錯喇!佢喺社交平台到分享咗Elizabeth獲頒全校優秀生獎嘅相,仲話比起老公得獎更加開心!

撰文:Kammy(原文:Sunday kiss) | 圖片來源:微博





蔣麗莎:比看爸爸拿獎更加激動

藝人陳浩民同太太蔣麗莎於2011年結婚,短短5年間已經育有4個仔女,而大女陳雅薷(Elizabeth)今年已經7歲!雖然上年Lisa搞咗個大烏龍,計錯數以為大女連跳兩級升小三,不過今次終於冇搞錯喇,佢喺社交平台到分享咗Elizabeth獲頒全校優秀生獎嘅相,仲大讚囡囡好叻女!

陳浩民同蔣麗莎嘅大女陳雅薷(Elizabeth)獲頒全校優秀生獎,真係好叻女呀!


Lisa今次仲帶埋囝囝陳璟逸去見證Elizabeth攞獎一刻,佢仲喺社交平台話比起見到老公攞獎更開心:「全校優秀學生頒獎典禮,恭喜雅薷,以你為榮……加油小妞。媽媽永遠是你們的鐵粉。2019繼續保持,戒驕戒躁(看你拿獎,比看爸爸拿獎更加激動,莫名感動)。」言語間都睇得出佢為愛女感到驕傲!唔少網民都話佢教得好好,仲話Elizabeth美貌智慧並全!

Lisa仲帶埋囝囝陳璟逸去見證Elizabeth攞獎一刻!



陳浩民大女 6歲半讀三年班?

陳浩民太太蔣麗莎去年在微博上載大女陳雅薷的幼稚園畢業照及背影相,並感觸地寫道:「看着你遠去的背影,有一種即將送你出國留學的不捨。恭喜你9月即將步入小學三年級,人生本來就是一段學習的歷程,希望你勇往直前,不畏風雨活出絢麗的人生。」



陳浩民

陳浩民大女陳雅薷


真係咁勁?

不過有心水清網民留言問點解幼稚園畢業照之後|唔係升讀小一而係小三,蔣麗莎就回應網民話囡囡係跳咗兩級,而且佢更正網民話大女唔係7歲,正確嚟講係6歲半(今年11月才7歲),好犀利咁喎⋯





陳浩民否認 話老婆搞錯學制⋯

不過,事後陳浩民澄清囡囡冇跳班,話只係一場誤會:「老婆搞錯,純粹誤會,個女冇跳班,太太唔清楚香港學制以為佢跳班啫!」因為雅薷就讀國際學校,採用英國學制,跟香港學制有所不同,看來Lisa是把兩個學制混淆而產生今次誤會。



去年成績優異 阿媽讚囡囡係「學霸」

不過咁,大女「跳級」大家誤信以為真,又真係唔出奇嘅,事關佢個女嘅學業成績一直以來好好,好似上年咁蔣麗莎就喺微博上載大女成績表,見佢科科都剔咗星星嗰欄,代表「表現優異」,做阿媽嘅梗係要開心share佢仲留言話屋企有個「學霸」:「想不到陳家出了一個『學霸』為你感到驕傲~戒驕戒傲,繼續保持! ​​​​」

陳浩民

陳浩民大女陳雅薷很有大姐姐嘅風範,很會照顧弟妹,平日都會帶細佬陳璟逸齊齊返學。



雅薷大女一轉眼咁大個,真係亭亭玉立!

 



大女做小助手 陪媽媽出埠拍戲

大女雅薷年紀小小,但乖巧懂事又幫得手,今年6月蔣麗莎返內地長沙拍戲,就帶雅薷跟身充當小助手,大女幫媽咪手推行李拎嘢無扭計,蔣麗莎都忍唔住大讚佢!



蔣麗莎 教子有方

其實陳浩民經常留國內拍戲,湊仔女嘅重任當然交畀太太睇番蔣麗莎嘅微博,都見佢平日親力親為湊仔女,甚少旨意工人姐姐,加上見佢經常一拖四帶小朋友周圍去都絕對冇難度,就知佢管教小朋友有一手!



陳浩民夫婦仲話想追多一個小朋友⋯



陳浩民雖然忙,但一返港會陪子女親子活動!



陳浩民 月租10萬天池屋

陳浩民與太太Lisa蔣麗莎五年抱四,早年已在國內崛起的浩民愈生愈旺,愈旺愈生,去年中全家由紅磡過千呎複式單位,進駐月租10萬的何文田半山壹號的天台特色泳池屋,事關間屋絕對可以滿足全家嘅需要。因為一來方便仔女在九龍塘返學,更重要的是四個子女都熱愛游水,近日天氣開始炎熱,Lisa就同仔女上天台游水,仲拍片影相放上社交平台開心share⋯⋯



陳浩民

近日天氣開始炎熱,陳浩民老婆Lisa就同仔女又再出動,齊齊上天台游水,仲拍片影相放上社交平台開心share⋯⋯



陳浩民成日留在大陸拍戲開工,但太太同四個仔女都不愁寂寞,因為留喺屋企都大把娛樂,近日佢哋就上天台做至愛嘅活動 — 游水!



無敵天池屋

屋內的實用面積有千六呎左右,未計天台及泳池,坐落山上居高臨下私隱度非常高,10萬月租對今時今日的陳浩民來說濕濕碎,仔女老婆住得舒適最緊要。



蔣麗莎:全家都鍾意游水

Lisa話搬呢個單位係有原因:「我哋依家住嘅係樓頂特色單位,有自家泳池,原因係我哋全家都比較喜歡游泳,我大肚8個月時,每週都游3次。再加上依家小朋友主要讀書範圍喺九龍塘,為咗佢哋每日有多啲時間睡覺,所以特意安排離學校近啲嘅地方住。」

天台景靚到咁,Lisa不時當布景板係咁影靚相!


老公辛苦搵錢養家,老婆負責照顧小朋友睇住頭家,Lisa連生四胎身材仍然弗到漏,搬大屋後隨時開工等生第五胎。

單位享開揚景致


仲可以BBQ

除咗游水,仲夠位喺游泳側邊燒烤,真係足不出戶都冇問題!

 



陳浩民在國內開工的日子,Lisa全副精神照顧孩子,有空又會同子女夜晚上天台BBQ,甚至坐喺池邊食住甜品睇夜景,好溫馨!



睇完天台,唔少得睇埋室內,單位分上下兩層。下層客廳同飯廳好闊落,用落地玻璃窗,樓底又高。客廳的櫃放滿許多家庭照,好溫馨!

陳浩民

陳浩民屋企咁闊落,小朋友足不出戶在家玩都唔覺悶,蔣麗莎經常畀啲勞作四個子女一齊玩,好益智!


養一家六口(未計照顧小朋友的外傭姐姐),少個崩都唔得,陳浩民近年在國內密密做冇停手,Lisa就負責留港照顧小朋友,見她湊仔女絕不假手於人,接送大女與二仔返學放學再加課外活動,還有照顧仍未入學的三女與細女,Lisa這個萬能鐵人媽咪認真唔易做。

客廳夠大,幾個小朋友坐喺地玩具一啲都唔逼!



樓底高又用落地玻璃,夠晒光猛,放巨型聖誕節都唔會有壓迫感! 



而下層都有長長的露台,最愛種植的Lisa放滿鮮花及盆栽,小朋友會幫手整植物盆景同淋水!

露台夠寬,具豪宅氣派。



囡囡都會幫手剪雜草及收割果實﹐早前就有自家種植的紅椒!



 一屋都係小朋友,為照顧他們平時已勞心勞力,但陳浩民與Lisa甚懂分配時間,也會預留拍拖時間,不會冷落另一半。



陳浩民在國內搵錢速度同印銀紙一樣快,生夠一隊足球隊都冇問題



親自掃家品

陳浩民一直在國內忙拍戲拍電影及宣傳,不過佢一有空都會即回港陪Lisa同四個仔女,之前佢就同太太拍拖到九龍灣Mega Box的宜家傢俬掃家品,這日只有夫婦二人,四位小朋友及外傭未有同行。二人買了大量家品,陳浩民自己做埋司機與咕哩,與Lisa合力把家品塞入七人車內,之後再去土瓜灣的平民麵店買外賣,返抵何文田半山一號時,陳浩民把車停下再借用手推車把家品推回家中。雖然住豪宅,但陳浩民夫婦的日常生活仍非常貼地,湊仔與搬屋一樣,全部親力親為。

沒有仔女在身邊團團轉,陳浩民夫婦難得有拍拖時間,二人邊行邊講笑,Lisa仲餵老公食零食,隔住個芒都覺得甜。



返家前二人去土瓜灣買外賣,Lisa去完平民粥店,再與陳浩民幫襯平民麵店,兩公婆貼地搵食,絕無架子。

陳浩民把車停在何文田半山一號的停車處後,先行去管理處借手推車,Lisa未等老公折返,自行把車廂內的物件逐一搬出,估唔到身形纖瘦的她原來力大無窮。









鍾意就快D Share啦!
Related Posts Plugin for WordPress, Blogger...