2019年2月22日 星期五

江華大仔棄娛樂圈決定做… 網民大讚:難得嘅星二代! __,江華,

江華
江華大仔棄娛樂圈決定做…網民大讚:難得嘅星二代!江華同太太麥潔文婚後育有一子一女,26歲大仔陳耀淙(Bryan)及24歲細女陳薔天。話說唔 ...


江華大仔棄娛樂圈決定做… 網民大讚:難得嘅星二代!



江華同太太麥潔文婚後育有一子一女,26歲大仔陳耀淙(Bryan)及24歲細女陳薔天。話說唔少星二代都希望入行做明星,不過Bryan就有唔同諗法,大學畢業之後決定去做…

撰文:東方新地|圖片:麥潔文微博、陳耀淙Facebook





江華大仔棄娛樂圈決定做…

現時56歲嘅江華近年淡出娛樂圈,而屬星二代嘅仔仔陳耀淙(Bryan)如今長大成人,但就竟然冇諗住繼承父母衣缽入娛樂圈做明星!

江華夫婦
江華夫婦

江華大仔陳耀淙(Bryan)





26歲嘅Bryan個樣生得似爸爸江華,但就曾表示自己遺傅唔到父母演藝天份,所以冇興趣加入娛樂圈發展。







雖然係咁,但Bryan就天生有助人之心,除感嘆現今香港醫護因人手嚴重不足問題外,亦喺大學完成護士課程後隨即投身醫護界,做護士為社會大眾服務,認真唔話得!





延伸閱讀:

江華狂脫髮 M字額

現年55歲嘅江華自從04年嘅《楚漢驕雄》後,轉戰內地好耐冇喺香港幕前出現,原來近年佢轉行賣保險,年輕時風度翩翩嘅江華迷倒不少師奶,而且一直都畀人話同劉德華似樣。2015年江華曾經喺微博上載咗兩張同劉華嘅合照,兩位型男望落同樣成熟有型,江華又的確同劉華有幾分神似!







兩個人對上一次合照已經係2003年。



當然唔少得小編自家製嘅世紀合照!





近年見江華出親街都成日戴帽,原來係因為佢正面對中年危機—脫髮,真係男人最痛!

江華

早排喺九龍城見到江華攞車,呢日都係笠頂cap帽、成身潮服!


昨日江華喺微博上載咗一張自拍照,相中嘅佢身穿白色背心戴住口罩,見佢忽然剷走一頭長髮,睇真啲,原來因為脫髪頭頂現M字額,江華留言:「在意別人的評價,往往會在別人的逢迎誇獎中作出錯誤的決定,也會在別人的口誅筆伐中潰不成軍。」啱嘅,大方面對其實仲有型仲瀟灑!





江華今年4月出席了一個喪禮,事後佢有所感觸話要珍惜生命及眼前人,仲上傳同老婆麥潔文合照!





雖然55歲男人,估唔到江華同時下少女一樣都熱愛P圖!



早年江華夫婦一直甚少讓一對子女曝光,不過江華近日罕有貼子女近貼!







見到鏡頭,江華不慌不忙保持鎮定仲要好有台型,凌厲眼神睥完你、再伸手整個劉華式民間特首手勢打招呼。事實勝於雄辯,唔好再話江華鍾意扮劉華,江華根本就係劉華,OK?

江華

真・劉德華





第一眼見到有個反笠頂帽、全身黑色、輪廓分明嘅有型大叔,係唔係十足十劉華先?



望真啲,原來係前度師奶殺手現職保險的江華,畀人話似劉華講足30年,小編都唔識分,到底佢係扮,定係做緊自己。





雖然淡出娛樂圈,江華見到鏡頭依然淡定,仲整多個民間特首一樣嘅氣勢手勢,同小編打聲招呼先。



打完招呼上到車準備開車走,繼續劉華上身,勁chok,全套動作一氣呵成、登台一樣,就算係真劉華出場,小編都懷疑有冇做得咁流暢!





 江華 戴老花鏡

江華早年因為腰腿傷患淡出幕前,除咗開班教人做戲,近年仲忽然轉行做保險經紀,佢話做保險都係玩票性質,而且可以識多啲朋友,仲有唔少fans特登上門搵佢買保險!早前見佢約埋男友人一齊落又一城行街睇書,雖然江華鍾意扮劉華,成日畀人讚佢仲係美魔男,不過話晒都年過半百,呢日去到書店打書釘,江華就要戴上老花眼鏡先睇得清楚。

江華

染咗一頭搶眼金髮,不過江華近年鍾意戴帽出街,貫徹chok爆風格。


江華

有人話江華打扮神態似劉華,但有樣嘢一定唔似,就係戴老花眼鏡!





同場加映:李思捷都扮劉華!

李思捷憑扮嘢彈起,最叻扮四大天王, 早前佢去咗中環睇衫, 戴住副超,邊行邊插褲袋,上身紅色皮褸,下身牛仔褲再加對紅色波鞋,個look就激似劉德華喺《賭俠》入面嘅角色陳刀仔,李思捷喺電視上扮劉天王扮到似模似樣,喺現實生活都當自己係天王!



李思捷入到時裝店,睇鞋揀衫都繼續單手插袋,佢身上集合咗陳刀仔嘅紅色皮褸,仲有劉華當年戴hit咗嘅名牌頸鏈,係好型呀喺廿幾年前!





連條底底都襯番紅黑色!



劉德華前年爲電影《賭城風雲3》開工,都扮番當年嘅陳刀仔角色,紅色貼身皮褸點少得。












鍾意就快D Share啦!
Related Posts Plugin for WordPress, Blogger...