2019年2月5日 星期二

豬年殺入電影圈 陳煒:全裸冇問題! __,陳煒,

陳煒
豬年殺入電影圈陳煒:全裸冇問題!送狗迎豬!全民開心去舊迎新,呢期人氣旺爆的陳煒,搶先同《東方新地》讀者拜年,大家齊向煒哥沾旺氣,肯定新一年路路亨通!去 ...


豬年殺入電影圈 陳煒:全裸冇問題!



送狗迎豬!全民開心去舊迎新,呢期人氣旺爆的陳煒,搶先同《東方新地》讀者拜年,大家齊向煒哥沾旺氣,肯定新一年路路亨通!

去年事業大豐收的煒哥,除了成為TVB收視福將,勇奪《萬千星輝頒獎典禮》「最受歡迎電視女角色」,《深宮計》太平公主一角更令她名利雙收,人氣爆升收入破頂,煒哥已鎖定買千呎豪宅獎勵自己;事業勢如破竹,更大行桃花運,近日就不停有筍盤埋身:「係多咗人約,都要時間慢慢揀!」新年伊始,嚟緊煒哥更會殺入電影圈,向來演出拼搏的她直言只要劇本好,演出可以冇底線:「全裸冇問題!」演技超班的她,豬年挑機衝影后,人氣繼續火熱!

撰文:東方新地 圖片:新傳媒圖片





陳煒 豬年殺入電影圈

豬年新開始,講到去年在電視圈人氣最旺,非煒哥莫屬,去年播出的兩部電視劇《果欄中的江湖大嫂》以及《深宮計》先後成為無綫收視冠軍劇集,更在《萬千星輝頒獎典禮》勇奪「最受歡迎電視女角色」,演技被激讚,是她繼96年當選亞姐冠軍後再衝事業高峯,對於這第二個高峯,煒哥珍而重之,揚言新一年會繼續全力拼搏。

陳煒
有樣有身材有演技,陳煒不單受無綫監製歡迎,今年更會殺入電影圈,有電影監製為她度身訂造角色,觀眾有福嘞!

「可能你會話攞選美冠軍係一個高峯,但喺ATV收視冇咁高,回響亦冇咁大!今次《深宮計》,除咗香港、國內,以至整個華人社會都多咗好多人認識我,令我知名度打響咗好多,大家會知道陳煒做戲係點!」演出受歡迎,除為煒哥帶來電視獎項,更令她贏盡民心,就連去街市買餸都會獲檔主醒多啲。「去年兩套劇帶畀我真係好多嘢,尤其係入到家庭主婦層面,最開心係出街大家會嗌我『大巴姐』或者『太平公主』,感覺好親切,亦帶畀我好多商演、廣告,多咗好多賺錢機會,真係好感恩!」

陳煒

將霸氣太平公主演得淋漓盡致,煒哥去年在《萬千星輝頒獎典禮》,就成功憑《深宮計》奪得「最受歡迎電視女角色」大獎,事業登上高峯。


不存在Hea做

加入無綫六年,陳煒由配角做到主角,憑太平公主成功上位,一下子名利齊來令人羨慕,不過,煒哥背後努力卻是冇花冇假。12年同台灣商人老公顏志行結束五年婚姻,婚後淡出娛樂圈的她,離婚後回歸無綫,一切由零開始,煒哥表示要用時間重新建立自信。「嗰時啱啱離婚,自己信心唔大,加上有五年時間冇拍戲,更加要用時間去pick up!」不過,她就堅持信念去演戲,無論做閒做主亦一樣瞓身:「絕對唔存在Hea做嘅!鍾意做戲嘅人,唔會因為角色輕重有分別,唔會因為戲份多就落力啲,戲少就求其!我自己有信心,只要畀到角色我,我就有信心演好,劇集出街監製同高層睇到,覺得你係努力去做,就會繼續畀角色我做!」



陳煒

已經成為炙手可熱花旦,不過煒哥親切態度始終如一,合作過的人都對她一致好評,紅而不囂,抵佢受歡迎!


 為演出太平公主一角,她就搜尋大批歷史書,深入研究太平公主的人物性格,為演好角色,她寧願犧牲睡眠時間熟讀劇本,拍《深宮計》最長試過四日三夜唔拆頭唔落妝,才爭取到三個小時的睡眠時間,雖然過程非常艱辛,但她反而愛上做歷史人物:「創造出來嘅角色點做都得,但一啲大家熟知嘅人物,要演得傳神係幾大挑戰!」

收視福將

去年擔正的兩部劇《果欄中的江湖大嫂》以及《深宮計》都收視高開,「大巴姐」、「太平公主」角色深入民心,煒哥坦言去到邊大家都會咁叫佢,感覺好親切!



兩部戲斟洽中

演技毋庸置疑,煒哥今年還有四套劇未出街,重頭劇《多功能老婆》及《法證先鋒4》都被睇好有突破,原來踏入豬年,煒哥事業再有新挑戰,「民間視后」將跳入電影圈勢衝影后,電影尺度向來比電視尺度大,角色亦會更立體,對自己要求極高的煒哥,她坦言只要遇到好劇本,演出冇底線:「依家傾緊兩部電影,新一年都會多元化發展,如果劇本好,劇情真係有需要,全裸都冇問題,好似阿田(田蕊妮)咁,佢拍唱片封套都全裸,我覺得成件事係靚嘅,出嚟效果好高貴!係加分嘅!所以你問我底線係點,我覺得最緊要係劇情有需要,唔係刻意去做呢件事就絕對冇問題!」

送狗迎豬,煒哥以一身紅噹噹晚裝同大家拜年,祝讀者全年鴻運當頭。

豬年新挑戰,除咗會接拍電影,煒哥透露已練歌半年,希望今年有更多唱歌表演,新一年實行歌影視三線出擊!



冇同定欣不和

娛樂圈係是非之地,《深宮計》大受歡迎,同時令劇中女主角演出一直被拉來比較,煒哥同視后級人馬胡定欣更被指為爭獎不和,不過煒哥對此就直言同定欣反而因拍《深》劇成好友,絕不存在爭鬥:「一路大家都好好感情,拍《深宮計》我哋有好多對手戲,特別係喺橫店,我哋都唔係住劇組安排嘅酒店,我哋想自由啲!我哋係喺出面租住同一間酒店,好多時拍完一齊收工,有時間亦會約出去行街同搵好嘢食!」

答謝高層

攞獎後,煒哥同《深宮計》男主角馬國明夾錢慶功,慰勞一眾演員及工作人員,煒哥亦特別答謝提攜她的高層們。

近日忙於拍攝新劇《法證先鋒4》演科學鑑證主任Queen姐,忙到冇假放。


朱朱變姊妹

而近期煒哥同朱晨麗因一連合作兩套劇《多功能老婆》及《法證先鋒4》而成為閨密,她坦言樂做對方姐姐的角色。「雖然朱朱媽咪成日都會嚟陪佢,但佢一個女仔喺香港好多嘢都唔容易,雖然佢入行都十年八年,但我都算係一個前輩,佢係好虛心學習,好鍾意請教人嘅演員,有時佢亦會畀好多支持我,有乜論點可以互相畀意見,我哋大家都會互相鼓勵,能夠有一個好似姐姐咁嘅角色,我覺得係好開心嘅事!」

圈中閨密

同朱晨麗拍劇結緣,兩人不時約埋行街食飯睇戲,姊妹情深。

煒哥在台慶頒獎禮勇奪「最受歡迎電視女角色」,好姊妹朱晨麗同她一樣激動!



出名人緣好,煒哥有其成功之道:「其實做人冇乜秘密,唔需要樹敵,同合作嘅人或者工作人員,都會保持好好嘅關係,有時拍戲現場環境可能會好多阻滯,大家要互相體諒,大家千祈唔可以躁,咁我本身個人都冇乜脾氣,所以同工作人員相處得好舒服同開心。」

最大支持

講到23年來對她支持最大的圈中好友,原來是97年合拍第一套劇《屋企有個肥大佬》開始認識的鄭則仕:「佢畀好多意見我,教我好多嘢,亦會將佢人生嘅經驗同我分享。」

相處愉快

出名人緣好的煒哥,坦言做人唔需要樹敵,近日趕拍《法證先鋒4》,就同一班劇中演員相處愉快,更為她慶生!



冇時間拍拖

近年將全副精神放在事業上,本身又宅女深閨,大家可能擔心離婚後的她,感情會冇著落,對於再遇第二春,她自言身邊人比她還緊張,其實事業運大旺,桃花運亦不俗,煒哥坦言近期多咗約會:「拍《多功能老婆》嗰時,係多咗時間,所以都多咗出去約會,都識咗一啲新朋友,不過要進一步發展,真係需要時間。」

演技爐火純青,煒哥拍照亦表情豐富,配合一身金光閃閃,即時霸氣上身!



講到擇偶條件,45歲煒哥表示首要合眼緣,對於近年小鮮肉大受歡迎,問她年齡差距十年得唔得?煒哥直言相比年齡,更重要是對方思想成熟。「感情嘅嘢,真係嚟到先會知,不過,有時都會諗,喺我10歲嗰時,抱住個BB,原來我之後會同呢個BB拍拖,都幾難以想像,不過,人生嚟到依家,自己覺得年齡唔係最重要,最緊要係大家可以溝通到,我係屬於好照顧人嗰種,諗嘢大個啲,成日會覺得男仔相對諗法幼稚啲,不過,近期自己都識到啲男仔,思想係幾成熟穩重嘅!但進一步發展,都係要有時間!自己忙緊拍劇,反而想收工返屋企培養情緒,唔想心散!」

曾經為愛情放棄事業,但隨著時間、經歷睇法已經逆轉的煒哥,當下就有幾分《果欄中的江湖大嫂》大巴姐豪氣,寧願打拼事業,就算超級富豪放在眼前一樣say no!呢啲咪係霸氣囉!

雖然多咗男士約會,但對於再覓第二春,煒哥就話順其自然。

唔急搵第二春

離婚曾經一度令煒哥失去自信,最終從演戲搵番信心,難怪煒哥寧願把握機會為事業衝刺,多過急找第二春!



雖然甚少提及家人,但煒哥表示家姐和姐夫會不時在她的fb留言支持她,令她充滿正能量!



同拍《臬雄》的李興華同是十一月生日之星,兩人早前就一齊慶生,煒哥更獲對方搭膊獻吻,同小鮮肉又幾襯喎!



親密戰友

同胡定欣合作劇集《深宮計》,戲中鬥個你死我活,但兩人私下卻是親密戰友。



收入破頂

憑太平公主一角爆紅,煒哥劇接劇冇停手外,廣告、商演、活動接踵而來,收入飆升的她已計劃今年置業。



最博女神

由亞姐冠軍到「民間視后」到「最受歡迎電視女角色」,入行23年的陳煒,出名演出夠博唔錫身,加入TVB六年,當中唔少演出令人印象深刻,上位絕對有原因。

去年《深宮計》內地收視衝破30億,煒哥找數在個人社交網po出96年參選亞姐玉照,身材樣貌同依家分別不大。

拍《法網狙擊》色誘郭政鴻,兩人在遊艇激咀,煒哥坦言這部劇是她入行以來演出最激一次。


上年台慶頒獎禮,視后大熱的她以中空晚裝大騷身材,驚艷全場。

16年TVB台慶聯同高海寧、陳自瑤等跳肚皮舞,身材索爆的煒哥搶盡風頭。

在亞視年代已經扮梅艷芳出晒位的煒哥,17年在《我愛EYT》扮梅姐唱《烈燄紅唇》演出造型被激讚!



延伸閱讀:

質疑自己存在價值  陳煒離婚一度要睇精神科

45歲的陳煒在北京出生,小時候便跟隨父母移居香港,96年放棄學業參加亞洲小姐競選榮獲冠軍,隨即被亞視力捧而成為當家花旦,主力拍攝電視劇。

呢個角度睇真係幾俠似梅姐!

當年亞視《夏日陽光美少女競選》找來四位花旦(左起)舒燕、李妮、陳煒及珈穎以泳衣造勢。


2008年陳煒與商人顏志行結婚而宣布息影,不過闊別四年後又宣布復出,當年就由好友江美儀引薦而加入TVB,同年也跟顏志行離婚。



近日陳煒接受傳媒訪問,煒哥大方細訴離婚原因,她指08年結婚息影後便跟隨前夫到泰國定居,不過覺得婚後生活淡如水,不甘每天打理家頭細務。而且身為商人的前夫終日埋頭苦幹,所以對她有所忽略,就連性生活都有影響,更直言「佢好少掂我」。煒哥更指丈夫提出離婚時自己難接受,更需要找精神科醫生協助。



2016年陳煒拍攝飲食節目《煒哥的味道》,當時請來前夫做嘉賓,鏡頭面前上扮恩愛,其實已經離婚。



陳煒 陪家姐港島遊

2012年陳煒與台灣商人顏志行結束四年婚姻,回歸電視台簽約無綫。明明當年已經離婚,不過煒哥就夠硬頸,拒收贍養費、拒絕前夫送樓、收收埋埋離婚消息免被指失婚博同情,一於靠自己在無綫由閒角做起從頭經營演藝事業。六年過去,超班演技吸納唔少忠粉同監 製厚愛,不過劇接劇亦都犧牲不少私人時間,加上煒哥性格宅女唔熟唔見,遲遲未見覓得第二春、感情生活仲未有著落。

陳煒

話晒係星級遊客,「太平公主」陳煒出巡唔戴黑超 又淡妝,簡單裝束配對紅白波鞋,親民形象 拍得住發哥。

當日下午坐摩天輪前,陳煒先與胞姊在上環商場咖啡連 鎖店食個簡餐醫肚,兩姊妹自顧自說不停、亦完全不介 意其他食客搭枱坐埋一齊。


享受單身

連三線小花都周遊列國、晒袋炫富時,捱得又慳家的陳煒就為每月慳番六萬差價由港島改 租油塘單位自住,年中無休,今年已經連拍六套劇、難得唔使入廠都係見佢去行山、入離島親 親大自然,日前放假就拖住感情要好、年長十多年的胞姊閒遊中環。亞姐冠軍出身、昔日亞 視當家花旦,今時今日在無綫套套都係女主角,但陳煒出外平實完全不以花旦明星自居,冇 口罩、冇黑超,淡妝牛仔褲波鞋上陣,醫肚都係同 家姐簡簡單單飲杯咖啡、食個三文治搞掂。食飽同 家姐拖住手行去海旁排隊搭摩天輪。留意番,去年 尾摩天輪重開、由100蚊人頭費大減至20蚊一位,玩完一轉剛剛好天黑,夠晒實惠!

煒哥食飽飽同家姐一齊行去中環海旁,排隊同坐摩天輪,在北京出世、歲半移居香港的陳煒曾透露比胞姊細十多年,在家中深得父母、姐姐痛錫。

在陳年的合照中,可見當年被母親手抱的陳煒,和家姐同樣都是包包面!


一睇就知陳煒同家姐關係極親密,由食店一路講到 排隊準備上摩天輪,兩姊妹都雞啄唔斷。

遊完一輪約二十分鐘,天色漸暗,兩姊妹落地時神情興奮拖住手仔,盡顯姊妹情深。


做明星都有好處,明明包廂要收160蚊,職員見排隊遊客不算太多,都特別安排兩姊妹獨享私人空間。

花20蚊有得攞維港兩岸景色做背景影靚相絕對抵到爛,當日煒哥都在ig上載靚相。


96年選亞姐、12年回流改簽無綫,出道超 過二十年、無論邊個台,無論電視定電影圈,陳 煒絕對係異數,與世無爭作風樸素,極少惹是非,不過就套套劇都交到朋友。

年過四十仲Keep到少女身形、最難得係 keep到少女心態,陳煒唔使拍劇時都係行山遊離島,實用型紅色波鞋近多個月來經常出鏡。

失婚後感情唔見有著落、陳煒開工以外最常見陪在身邊的就係家中愛貓!


拍《多功能老婆》同朱晨麗變老友,日前煒哥更同朱朱在家煮飯仔,為好姊妹大晒廚藝。

拍《深宮計》演太平公主爆紅外,同演皇兄的李隆基亦十分 friend,李隆基就多次公開大讚陳煒 好演技。


拍梅小青監製的新劇《法政先鋒 IV》,煒哥是三大女主角之一。



而佢喺《果欄中的江湖大嫂》有成班女演員包括岑麗香、馮盈盈和江嘉敏等,當大家以為上述年輕貌美的小花會成為焦點時,當時44歲嘅女主角「煒哥」陳煒才是贏盡掌聲的一人!陳煒在劇中飾演一個過氣的功利小女星,但是在慶生時發現老公外遇,之後回到香港生活,更成為了一個果欄的欄主。



陳煒keep住靚!

早前陳煒拍護膚品廣告時,一句「年齡,Who Cares?」道出了中女的自信,而且配合她保養得宜的外表,當然是有資格講出這句說話!



早排,煒哥獲邀出席Big big channel的《亞姐妝速挑戰賽》直播環節。示範由素顏化濃妝,而煒哥素顏後仍然可見其白滑皮膚。難怪被人稱為凍齡亞姐。

1. 愛飲滋潤湯水

她曾在《煒哥的味道》說:「平日會食不刺激嘅嘢,皮膚狀態會好啲,飲滋潤湯水係令皮膚光澤嘅根源!」相信煒哥的日常保養是從飲食著手,對食有高要求的她,經常飲滋潤湯水。



2. 愛健康下廚

除此之外還經常自備飯盒到拍攝場地而不吃高熱量重味精的外賣飯盒。下班後更會親自到超市買新鮮蔬果。可見煒哥的養生保養做得非常全面,才有凍齡的效果。

拍《多功能老婆》同朱晨麗變老友,日前煒哥更同朱朱在家煮飯仔,為好姊妹大晒廚藝。


而她的飲食也是以清淡為主,這對皮膚和身材保養都很有幫助。



3. 適時減壓

正所謂「相由心生」,煒哥也很著重心境方面的調理,壓力很影響皮膚質素,特別是身為藝人所承受的壓力更大,而她有自己一套的紓緩壓力方式,例如睇戲、聽音樂、行山,做任何事保持平常心。



4. 勤力護膚

正所謂天下間沒有醜女人,勤力護膚就是永保美顏的秘訣,煒哥身為女明星當然有自己愛用的護膚品牌和心得,難怪愈來愈美!

憑著45歲還很水潤白滑的肌膚,煒哥亦獲得不少護膚品代言的工作。



面膜和防曬是她最愛的護膚品。想保持年輕,就要學學陳煒重視養生的同時也要懂得減壓呢!

想保持年輕,就要學學陳煒重視養生的同時也要懂得減壓呢!












鍾意就快D Share啦!
Related Posts Plugin for WordPress, Blogger...