2019年3月19日 星期二

19年後原班陣容拍《尋秦記》電影版 網民:冇江華唔算齊人! __,尋秦記,江華,

尋秦記
19年後原班陣容拍《尋秦記》電影版網民:冇江華唔算齊人!堪稱為TVB神劇嘅《尋秦記》由首播至今雖然相隔19年,但人氣依然好勁,就算TVB重播2次都仲係 ...


19年後原班陣容拍《尋秦記》電影版 網民:冇江華唔算齊人!



堪稱為TVB神劇嘅《尋秦記》由首播至今雖然相隔19年,但人氣依然好勁,就算TVB重播2次都仲係咁受大家歡迎。

藝人兼電影公司老闆的古天樂(古仔)今日出席旗下的天下一電影巡禮,席間宣佈開拍電影版《尋秦記》,更會以當年電視劇原班演員上陣,包括宣萱、林峯、雪兒、郭羨妮和滕麗名都現身電影巡禮分享感受㖭!





撰文:東方新地 圖片:新傳媒圖片、微博

19年後原班陣容拍《尋秦記》電影版

幾位女主角輪流分享感受,宣萱話知道古仔話拍已經開心咗幾年,依家真係等到開拍呢日好興奮。久未耐面嘅雪兒話好多年沒見過呢班朋友,再見到感覺好Sweet,好開心。

而郭羨妮就話《尋秦記》係佢入行首部作品,所以當知道拍電影版覺得好興奮,佢仲不忘多謝古老闆。而滕麗名話畀古老闆嚇一嚇,皆因會打到七彩,所以希望古仔畀多啲錢請替身畀佢。



古仔、宣萱和林峯一齊受訪,提到今年開很多套戲,總投資多少?古仔說唔講呢啲係秘密。林峯則言:「聽過古仔講要拍這部戲好耐,每次見到佢都話劇本又改緊,總之好精彩。」

古仔謂:「當年套劇已經係2000年嘅事,好多人都想我哋拍番電影版,當初冇諗過用原班演員,但後來都覺得用原班演陣容先好睇。」

席上公布將會今年計劃開拍及已完成的電影包括科幻片《明日戰記》、《尋秦記》、《風雲》、《犯罪現場》、《電影痴漢》、《雞蛋仔》、《BABY復仇記》、《媽媽的神奇小子》…超過十部作品。



不過網友話唔算齊人,事關獨欠飾演連晉、嫪毐嘅江華!劇中嘅江華一開始對主人巨鹿候好忠心,點知被項少龍誤廢右手後被逐出巨鹿候府,唯有投靠他人。途中佢遇到左手劍客嫪毐,經過一輪忍辱負重後終學成左手劍法,仲將真嘅嫪毐殺害,變成心狠心辣之人。

網友都話希望江華有份演,但之前江華就話套劇成為大家心目中嘅經典,已經好勁,所以唔明點解要翻拍,但從商業角度睇,大家都咁鍾意係有追看性嘅。不過佢近年都淡出幕前,睇怕難有機會睇佢嘅演出!



同場加映:結婚26年 江華夫婦搭住膊頭行超市

唔少星二代都希望入行做明星,大仔26歲陳耀淙(Bryan)更加係愈大愈靚仔,有晒條件入娛樂圈,不過原來長大成人後去咗做白衣天使,冇繼承父母衣缽,Bryan天生有助人之心,感嘆現今香港醫護因人手嚴重不足問題外,所以喺大學完成護士課程後隨即投身醫護界,做護士為社會大眾服務,認真唔話得!麥潔雯同江華曾經話仔女大,只會支持兒女嘅決定﹗有需要時先會出手扶助,係一對畀仔女好大自由度嘅父母﹗仔大女大,而江華同麥潔文雖然當初唔係人人睇好、多年來亦都遇過婚姻危機,不過江華同麥潔文呢一對都係排除萬難繼續相伴左右,眨吓眼咁就結婚26年。



老夫老妻日子離不開柴米油鹽生活瑣事囉,日前兩公婆結伴行超市,證明感情要好的話,就算係買雜貨揀粿菜咁濕碎,都可以當係拍拖一樣有情趣。人稱比劉華更劉華其實不無道理,即使淡出娛樂圈轉行做保險多年,江華外型同警覺性都一樣keep得到,陪住老婆買買吓嘢,都係畀佢發現遠處鏡頭。呢個時候chok爆江華提一提老婆,再擺番個pose加埋個笑臉同離遠同打個招呼,有一刻,真係忘記咗呢度其實係連鎖超市,仲以為喺紅館睇緊劉華開個唱㖭!



感情好,之唔係行超市都可以當係拍拖囉,睇睇吓米,江華都情不自禁從後輕搭麥潔文肩膊。



冇耐就被江華發現鏡頭,即時提一提老婆,又chok擺番個招牌劉華pose。

江華

大仔Byran遺傳江華嘅俊臉,唔入行真係有啲浪費,Byran曾經講過自覺冇演藝天分,所以無意入行﹗



江華

江華兒子



細女天天遺傳了媽媽嘅天賴歌喉,想入行做歌手,麥潔文去親表演登台都預埋天天一份,等天天積累表演經驗﹗

 



同場加映:最索星二代逐個捉












鍾意就快D Share啦!
Related Posts Plugin for WordPress, Blogger...