2019年4月25日 星期四

《鐵探》蔣祖曼自爆角色隱藏秘密身份 漂染26次狂甩頭髮! __,《鐵探》,蔣祖曼,

蔣祖曼
《鐵探》蔣祖曼自爆角色隱藏秘密身份漂染26次狂甩頭髮!TVB重頭劇《鐵探》劇情愈播愈緊湊,劇中除咗有惠英紅、姜皓文和黃智賢等演技派出演外,其實仲有位「 ...


《鐵探》蔣祖曼自爆角色隱藏秘密身份 漂染26次狂甩頭髮!



TVB重頭劇《鐵探》劇情愈播愈緊湊,劇中除咗有惠英紅、姜皓文和黃智賢等演技派出演外,其實仲有位「獨立電影女皇」之稱、33歲嘅蔣祖曼(Joman)大突破首演黑幫阿嫂陸蔚喬!日前,Joman更大爆今次角色原來並唔簡單,因為…

撰文:東方新地|圖片:劇照、微博、電視截圖





蔣祖曼首演黑幫阿嫂

近日,首次於《鐵探》出場嘅蔣祖曼以一頭Sharp醒淡紫色短髮出場,單係造型都已經夠吸引觀眾眼球!Joman喺劇中首次挑戰演黑幫阿嫂一角,同時亦係谷永正(梁競徽飾) 前度女友,三人之間嘅感情線令人期待!

蔣祖曼





Joman入行至今超過十年,曾參演過大量獨立電影拍攝,而且皆獲得外界一致好評及讚賞。對於今次於《鐵》有機會飾演黑社會大佬嘅女人,Joman亦坦言自己如願以償,皆因自劇集《警界線》後,多以著制服角色出現。

早前Joman於劇集《使徒行者2》中飾演黑警張雪晴



漂染26次狂甩頭髮

今次Joman為咗可以更快投入角色,開拍前更特登到油尖旺實地觀察。除此,Joman為配合角色造型,不惜真髮漂染,為咗個淡紫色髮型前前後後原來足足深咗26次!



而且,Joman亦透露頭髮先係今次拍劇真正嘅最大挑戰,皆因為咗角色除漂染頭髮,仲特登曬黑自己,對於一個愛靚嘅女仔嚟講真係幾大犠牲!



不過,唔講大家可能未必留意,由於漂染頭髮始終會因洗頭而漸漸甩色,故連Joman都笑指唔知大家有冇留意到佢每次出場嘅髮色都有所不同喎!佢亦透露自己已經開始留返長啲頭髮,可惜因漂染太傷頭髮導致經常甩同斷頭髮,故留嚟留去啲頭髮都係咁短!



另一方面,Joman喺劇中不時會被黑社會大佬江正龍(楊潮凱飾)當眾掌摑及侮辱,然而原來陸蔚喬呢個角色嘅背景係比被打更可憐!皆因據Joman所講,陸蔚喬細個已經係妓女,父母亦俾人殺死,身世可憐,所以為生存先會逼不得意啞忍一切!



自爆角色隱藏秘密身份

與此同時,唔少觀眾邊追劇邊猜測Joman嘅角色並唔係咁簡單,認為佢有秘密身份。對此,Joman直言劇中身份的確唔簡單,除咗係越南軍官嘅養女之餘,亦唔係大家想像中咁軟弱!不過,佢堅拒唔會劇透,想知嘅大家惟有繼續煲落去啦~










鍾意就快D Share啦!
Related Posts Plugin for WordPress, Blogger...